Albistea entzun

Alkateak ez du esan Podemosek egin zituen eskakizunak beteko dituenik ere

Udal gobernuan dago, PSE-EErekin. Alardea berriz antolatzeko eta hautu parekidearen aldeko keinuak egiteko eskatu diote alkateari
Alarde parekidea udaletxe parean, artxiboko irudi batean.
Alarde parekidea udaletxe parean, artxiboko irudi batean. JON URBE / FOKU Tamaina handiagoan ikusi

Arantxa Iraola -

2022ko ekainak 28

Martxoaren 21ean Irungo Elkarrekin Podemos-IU alderdiko ordezkariek prentsaren aurreko agerraldi bat egin zuten; alardearen «antolaketa» udalak bere gain hartu beharko lukeela argudiatu zuten, eta bide hori martxan jarri aurreko hainbat «eskari» egin zituzten, esaterako desfile parekidearen aldeko keinu «sinbolikoak» egitea; besteak beste, alkateak alarde parekideari harrera egitea nahi dute, ez baitio inoiz egin. Badute garrantzia eskakizunek, udal gobernuko parte baitira egun, PSE-EErekin batera. Egun oraindik ere alkatetzak eskeen gaineko aurrerapausorik ez diela baieztatu onartu du David Soto legebiltzarkideak.«Baina guk ahalegina egingo dugu alkateak alarde parekideari harrera egin diezaion», nabarmendu du.

Martxoan egin zuten agerraldian Podemoseko ordezkariek «errespetua» erakutsi zieten alarde baztertzailean parte hartzen duten herritarrei, baina udalak alarde parekidea lehenesteko urratsak egin behar dituela adierazi zuten. Legealdi honetan zehazki alardearen auzia aztertzeko mahai politiko bat martxan egon dela esan zuten, eta horren abaroan sustatu behar direla aurrera urratsak. Bidea arinduz joateko keinu «sinbolikoen» artean, alarde parekideari egin beharreko harreraz gain, gehiago ere aipatu zituzten. Usadioa izaten da hantxe, esaterako, udaletxeko arkupeetan, hiriko bandera alardeko ordezkariei ematea, eta aurten bandera hori alkateak alarde parekideari eman behar diola esan zuten, keinu hori ere ez baitu inoiz egin.

Boto bat da jaiaren sorburua, azken urteotan izurriaren harira alarderik egin ez denez talde politiko guztiek batera parte hartu dute boto hori berritzeko ospakizunetan, eta aurten ere hori errespetatzea nahi dute. Era berean, bi desfileen arteko «komunikazio bideak» irekitzeko eskea ere egin zuten.

Badakite alkateak udaletxeko balkoian ohi baino pertsona gutxiago egoteko irizpidea eman duela, baina COVID-19arekin lotutako neurrien harira egin du; ez dakite, beraz, zer gertatuko den. Bestela ere, lanean jarraitu behar dela esan du Sotok, eta helburuen artean dute, adibidez, hiriko hurrengo berdintasun planean alardearen gaia aintzat hartzea, oraindik ez baita hori ere lortu.

Sareko BERRIAzalea:

Irakurri berri duzun edukia eta antzekoak zure interesekoak badira, eskari bat egin nahi dizugu: Berria diruz babestea.

Zuk eta zure gisako sareko milaka irakurlek egindako ekarpenarekin, eduki gehiago eta hobeak sortuko ditugu. Eta, zuekin osatutako komunitateari esker, publizitateak eta erakundeen laguntzek bermatzen ez diguten bideragarritasuna lortuko dugu.

Euskarazko kazetaritza libre, ireki eta konprometitua eskaini nahi dizugu egunero; bizi zaren munduaren eta garaiaren berri ematen segitu.

Albiste gehiago

 ©Gurutze Gorria

Aukera berberak izateko eskubidea

Mikel Garcia Martikorena - Bizkaiko Hitza

Bizkaian hamar adingabetik bat pobre bizi da, eta hamarretik biri ongizatea falta zaie. Halako zaurgarritasun egoerei erantzun eta umeei aukera berriak eskaintzeko, zenbait egitasmo dituzte, Bizkaiko Foru Aldundiak ez ezik, Save The Childrenek eta Gurutze Gorriak.

 ©Juan Carlos Ruiz / Foku

Hizkuntzak duen zama

Itsaso Jauregi - Nafarroako Hitza

Nafarroako Gobernuak ‘Migrazioak eta kultur aniztasuna’ izenburuko komunikazio gida aurkeztu du, hedabideei migratzaileen inguruan hitz egiteko gomendioak eskaintzeko.

Sololuzeri eta Beltrani egindako omenaldia, gaur, Zaldibarko Eitzaga auzoan. ©Aritz Loiola / Foku

Alberto Sololuze eta Joaquin Beltran omendu dituzte, eta gertatutakoa argitzeko eskatu

Paulo Ostolaza

Bihar beteko dira hiru urte Zaldibarko luizitik. Han hildako bi beharginei omenaldia egin die Zaldibar Argitu plataformak.

 ©BERRIA

BERRASMATU BEHARREKO SISTEMA

Arantxa Iraola - Garazi Aduriz

Erruz ugaritzen ari dira osasun sistema publikoan dauden arazoei buruzko berriak; izurriak zamatu egin du aurrez ere usu herren ari zen lan eredua. Populazioa zahartzen ari den neurrian, premia handitzen ari da, eta sistema berriz asmatzeko garaia da, sare publikoak sendo iraun dezan, pribatuaren itzal gero eta luzeagoaren aurrean.

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.

Iruzkinak kargatzen...

Izan BERRIAlaguna

Zure babes ekonomikoa ezinbestekoa zaigu euskarazko kazetaritza independente eta kalitatezkoa egiten segitzeko.