Albistea entzun

Alaves 0-1 Osasuna

Kolpe bat, eta nahiko

Osasunak mendean hartu du Alaves, eta eskura gelditu zaio salbazioa. Partida itxia izan da, eta Latoren golak apurtu du oreka.
Alaveseko eta Osasunako jokalariak nor baino nor gehiago atzoko derbian.
Alaveseko eta Osasunako jokalariak nor baino nor gehiago atzoko derbian. RAUL BOGAJO / FOKU Tamaina handiagoan ikusi

Eñaut Agirrebengoa -

2020ko ekainak 25

Golak: 0-1 (64. min): Toni Latok. Epailea: Hernandez Hernandez. Txartel horiak Alaveseko Elyri eta Edgarri; eta Osasunako Oierri, Latori eta David Garciari. Bestelakoak: Koronabirusaren pandemia tarteko ez da ikuslerik izan Mendizorrotzako harmailetan.

Bi talde berdinduta direnean puntu eta sentipen aldetik, aukera asko dago haien arteko talka ere oso parekatua izateko. Halaxe gertatu zen atzo Alavesek eta Osasunak Mendizorrotzan jokatu zuten derbian. Elkar neurtzen eman zituzten minutu gehienak, oreka galdu eta lurrera joateko beldurrez. Halakoetan, asko izaten du irabazia lehen kolpea ematen duenak, eta lege hori ere bete zen atzokoan: Osasunak aurrea hartu zuen bigarren zatiaren erdialdean, eta hala, urrea atera ezerezetik. Izan ere, ia ziurtaturik utzi zuen salbazioa. Alavesek, ordea, zalantzak hauspotu zituen.

Hamaikakoak irauli egin zituzten Jagoba Arrasatek eta Asier Garitanok, garaipenaren bidera itzuli asmoz: zortzi aldaketa egin zituen batak, eta zazpi besteak. Itxuraldaketak, ordea, ez zuen arabarren eta nafarren jokoa berpiztu. Zurrun ekin zioten lehiari, gehiegizko beldurrez. Bero sapak ere zaildu egin zuen partidak erritmoa hartzea. Hala, lehen zatia elkar neurtzen eman zuten bi taldeek. Joko lakarra eta astuna egin zuten, eta nagusitasuna ez zen inorena izan.

Alaves apur bat erosoago egon zen, eta zenbait barneraldi egin zituen ezker hegaletik. Horietako batean iritsi zen lehen zati osoko gol aukera bakarra, atsedenerako bost minutu falta zirela. Joseluk aise hartu zion aurrea Latori area barruan, baina aurrelariaren burukada gora joan zen. Osasunaren kasuan, hutsala izan zen erasoko jokoa. Soilik Ruben Garcia saiatu zen zuhaitza apur bat astintzen, ezker hegaletik abiatuta. Herren izan ziren gorritxoak, eskuin hegala ez baitzuten batere baliatu. Erabat zokoratuta egon zen Roberto Torres.

Atsedenetik bueltan, etxekoak aurretik jartzear izan zen Lucas. Aridane eta David Garciaren artean sartu zen, atzelarien lasaikeria lagun, baina ez zuen atera jaurtitzen asmatu. Hortik aurrera, gorritxoenak izan ziren aukerarik onenak. Lehena Aridanek izan zuen, Torresek ezkerrez egindako erdiraketa zehatza gutxigatik gora errematatu ostean. Hurrengoan, berriz, ez zuten barkatu gorritxoek. Gallegok baloi luze bat jaso zuen arean, Elyri bizkarra irabazita, eta bikain bukatu zuen jokaldia Latok. Pachecok ezin izan zuen ezertxo ere egin hegalekoaren jaurtiketa gurutzatua gelditzeko.

Bata hazi, besteak etsi

Golak on egin zion Osasunari, eta aldaketen laguntzaz, arazorik gabe kudeatu zuen azken txanpa. Asko eskertu zuen Torresek baloiarekin emandako patxada, baita aulkitik ateratako Estupiñanek egindako korrikaldi biziak ere. Alaves, aldiz, hondoratu egin zen gola jaso ostean, eta ez zen gehiago agertu gorritxoen arean. Lau aldaketa egin zituen Asier Garitanok, baina alferrik izan zen. Azken uneko oldarraldirik ere ez zuen egin Alavesek. Ez zuen Realari sendotasunez gailendu zitzaion taldearen antzik izan.

Sareko BERRIAzalea:

Irakurri berri duzun edukia eta antzekoak zure interesekoak badira, eskari bat egin nahi dizugu: Berria diruz babestea.

Zuk eta zure gisako sareko milaka irakurlek egindako ekarpenarekin, eduki gehiago eta hobeak sortuko ditugu. Eta, zuekin osatutako komunitateari esker, publizitateak eta erakundeen laguntzek bermatzen ez diguten bideragarritasuna lortuko dugu.

Euskarazko kazetaritza libre, ireki eta konprometitua eskaini nahi dizugu egunero; bizi zaren munduaren eta garaiaren berri ematen segitu.

Albiste gehiago

Lysa Tchaptchet, jaurtitzeko prest, Vipers Kristiansandekin jokatutako partida batean. ©VIPERS KRISTIANSAND

Ziztu bizian, gailurrean

Julen Etxeberria

Lysa Tchaptchetek sekulako jauzia egin du denbora gutxian. Herriko taldean ari zen duela hiru urte eskas, Atarrabiako Beti-Onak taldean, eta, gaur egun, munduko klubik onenetako batean ari da, Norvegiako Vipers Kristiansanden. «Ametsetan» dagoela dio.

 ©ENDIKA PORTILLO / @FOKU

«Koparako ez sailkatzea porrota litzateke»

Aitor Manterola Garate

Baskoniak etzi jakingo du Kopan arituko ote den, beste emaitza batzuen arabera. Gaur, Panathinaikosen pistan jokatuko du, Euroligan. Kapitainak taldea «elkartuago» aritzea nahi du.
Lur Errekondo, atzo, Aritzbatalde Zarauzko kiroldegiko harri tokian. ©ARITZ LOIOLA / FOKU

Harria du helduleku

Jon Ander De la Hoz

Pista utzi eta plazara jo du Lur Errekondok. Harri jasotzen hasi da usurbildarra, eta joan den igandean estreinako aldiz aritu zen Egur Sporten txapelketan: «Plazarako gogoa nuen».

Nico Williams Superkopan sartutako gola ospatzen. ©JULIO MIUÑOZ / EFE

Iñakiren anaia baino gehiago

Haritz Gallastegi

Nico Williamsek denbora gutxi behar izan du gorengo mailan nabarmentzeko. Erasoko hegaleko bati eskatzen zaion guztia dauka.

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.

Izan BERRIAlaguna

Zure babes ekonomikoa ezinbestekoa zaigu euskarazko kazetaritza independente eta kalitatezkoa egiten segitzeko.