Ezinean aritu da

Golak. 0-1: Weirek (76. min.). 0-2: Tolettik (26. min.). 0-3: Atheneak (40. min.). 0-4: Weirek (40. min)

Athleticek hiru aldiz irabazi du liga. Aurten bete dira 20 urte lehen garaikurra altxatu zuenetik. Baina badu arantza bat Espainiako Koparekin. Bi aldiz iritsi da finalera, 2012an eta 2014an, baina txapeldunorde izan zen. Denboraldi honetan ere ezin izango du atera. Finalerdietan amaitu da zuri-gorrien bidea aurtengo txapelketan, atzo 0-4 galdu baitzuten Real Madrilen aurka. Iraia Iturregiren taldea ezinean aritu zen, espainiarren joko bizi eta zuzenaren aurrean. Hala, amaitu du denboraldia Athleticentzat.

Berez du talde gaztea Athleticek. Bada, atzokoan area gehiago. Mariasun Quiñonesetik harago, Iraia Iturregik aulkian utzi zituen eskarmentu gehien duten jokalariak: Nekane, Yulema korres, Eunate eta Itxaso Uriarte, besteak beste. Hasieratik jokatu zuten, berriz, Landaluzek, Maite Zubietak eta Amezagak. Beste berritasun bat Oihane Hernandezen kokapena izan zen, atzean beharrean zelai erdian aritu baitzen, Landaluzerekin batera, hegaletik sartu zen Linda Caicedo geratzeko asmoz.

Real Madrilek bere lehen titulua nahi du, eta esperobezala estutzen ekin zion norgehiagokari. Zelai erditik aurrera dituen jokalarien ahalmen fisikoaren bidez partidari erritmo bizia jarri zion, eta baloia oso bizkor mugitu zuen.Espero zuten zuri-gorriek hori, eta horri aurre egiteko, zelai erdian jokalari asko pilatu, eta lerroak batuta izaten ahalegindu ziren. Denboraldiko azken txanpa honetan izandako sentipen onei segida eman nahi zioten.

Ez zen posible izan. Jokatzeko era horri eusteko golik ez jasotzea behar zuen Iturregiren taldeak. Ez zen horrela izan, Real Madril0-1 aurreratu baitzen 6. minutuan.Weirek egin zuen gola. Mariasun Quiñones aurreratua zegoela ikusi, eta modu ikusgarrian loratu zion baloia. Ia segidan Caidedok erremate bat bidali zuen zutoinera.

Athletic kontrakarrean ari zen. Real Madrilek atzean sartuta zuen.Gainera, zuri-gorriek baloia zuten apurretan, ezin zuten aurkariak baloi irteeran egindako presio estua gainditu. 20 minutu inguruan espainiarrek erritmoa jaitsi zuten zertxobait, eta Iturregirenek arnas apur bat hartu zuten. Baloia izan zuten, baina aukerarik sortu gabe.

Gainera, Real Madrilek beste bi gol egin zituen atsedenaldia baino lehen. Bat Maite Zubietak sartu zuen bere atean, Tolettik punpa lasterrean egindako erremate baten ostean, eta bestea Atheneak atzetik etorrita, Kathlenek egindako erdiraketa bat baliatuz. Lehen zatiak izan zuen beste albiste txar bat zuri-gorrientzat. Izan ere, Valdezatek zelaia utzi behar zuen, belaunean min hartu eta gero.

0-3ekoarekin Athleticek maldan gora zuen kanporaketa, eta are gehiago zaildu zitzaion, bigarren zatiko lehen jokaldian Weirek laugarrena sartu baitzuen espainiarrentzat.

Errenta hori baliatuz, Real Madrilek zertxobait lasaiago joka zezakeela pentsa zitekeen. Hala egin zuen zen. Baloi jabetza luzeen bidez minutuak pasatzen utzi zuen.

Athletic saiatu zen gutxienez gol bat egiten, baina ez zuen lortu, apenas gerturatu baitzen Misa Rodriguezen atera.Iraia Iturregik aukera eman zion Nakane Diezi zelain agurtzeko. 66. minutuan atera zen, Ogizaren ordez. Aurrelariak erretiroa hartuko du, talde zuri-gorrian hamasei denboraldi jokatu ostean.