Noiz sortua: 2019-10-19 00:30:00

ARDOXKA

Bekatuak ordainduz

Roberto Sarriugarte -

2019ko urriak 19

Dehesa de Luna Finca Reserva de Biodiversidad La Rodan (Albacete, Espainia) dago, faunari eta landareari dagokionez, interes handiko ingurunean.

Hiru mila hektareako lursaila da. Horietatik mila-edo nekazaritzara egokituak, eta beste bi milak baso mediterraneoz eta espezie autoktonoz basoberritutako partzelek osatuak dira.

Mahastiak 64 hektareatan hedatzen dira, lau partzelatan banatuta: El Viñazo, La Mata de la Culebra, La Cañada del Navajo eta La Noria de la Luna.

2001ean hasita, upategiko lantaldea lanean aritu da mahasti bakana eta berezia sortzeko, pasio eta esfortzu ikaragarria eskainiz. 2012ko apirilean sortu zuten upategia, eta hainbat ardo egiten dituzte: Dehesa de Luna Origenes, Rose, Garnacha Blanca, Graciano, Tempranillo, Garnacha Tintorera, Gran Luna eta hona ekarri dudan Purgapecados. Ardo asko eta onak dira, baina bereziena, bitxiena, bakanena, Purgapecados da, nire ustez.

Upategia Albaceteko La Rodan dagoen arren, ardoak ez dira Mantxako sor-markapean ateratzen, Vino de la Tierra de Castilla sor-markapean baizik.

XIX. mende hasiera arte, Dehesa de Luna Dehesa de Santa Martako parte izan zen, eta Dehesa de Purgapecados ere bai, 15.000 hektarea guztira. Teresa Avilakoak, SantaTeresa Jesusenak, gaua igaro omen zuen han, 1580ko otsailaren 16an; Malagonetik (Ciudad Real, Espainia) Villanueva de la Jararako (Cuenca, Espainia) bidaian. Herri tradizioak dioenez, gorputza eta arima suspertu omen zituen, gaur egun Dehesa de Lunan dauden gertuko mahastiren bateko mehatsez eginiko ardoa edanez. Hain zuzen, kondaira eta pertsonaiaren omenez, Purgapecados ardoa sortu zuen Dehesa de Luna upategiak.

2016koak bosgarren uztaldia egiten du, upategiak egiten dituen ardo guztien artean bereziena eta desberdinena da, inongo zalantzarik gabe.

Partzela bakar bateko ardoa da, hektarea bat osatzen duen cabernet sauvignon mahatsez osatutakoa, hain zuzen ere. Ardatz bertikalean izanik, aireztatua eta oso ondo argiztatua dago, bikaina mahats-mordoentzat.

Hemezortzi hilabetez ontzen da ardoa upel frantziarretan, eta beste horrenbeste pasatzen du gero botilan, ardoa fintzen eta leuntzen.

Ardoa bikaina da, intentsitate handikoa eta konplexua sudurrean; eta ahoan, berriz, gorputz handikoa, sakona eta luzea, oso luzea. Desberdina da, eta etiketak ere horrelakoa behar du izan. Etiketa oso sinplea da, Dymo etiketagailu zinten estiloari jarraituz, Jose Luis Asenjo zuzendari teknikoak esaten duen moduan: «Ardoa garrantzitsua denean, ia ez du inongo etiketarekin estali beharrik».

Goizeko buletina

BERRIAren papereko edizioaren gai nagusiak biltzen ditu egunero (astelehenetan salbu). Goizean goiz iristen da zure posta elektronikora.

Albiste gehiago

Koronabirusaren azken datuak

Koronabirusaren azken datuak

Berria

Euskal Herrian 12.944 gaixok eman dute positibo koronabirusaren proba eginda. 846 hil dira. COVID-19 gaitza izandako 4.601 pertsonari eman diete alta. Grafikoak, albiste barruan.

Erosketak egiteko ilarak Gasteizen. ©Jaizki Fontaneda / Foku

Osakidetza test azkarrak erabiltzen hasi da

Berria

Italiako Gobernuak herrialdean lehorreratzeko debekua ezarri die Mediterraneoan migratzaileak erreskatatzen dituzten ontziei. «Osasun larrialdiak irauten duen bitartean, ezin dira oinarrizko baldintzak bermatu», adierazi dute.

Herritarren ilada Ordiziako azokan, itxialdiaren hasieran. ©Jon Urbe/ Foku

Baserritarrak haserre, Jaurlaritzak azokak debekatu dituelako

Iker Aranburu

EHNEk uste du Jaurlaritzak ez duela eskumenik salmenta zuzeneko eremuak debekatzeko. "Erabaki tamalgarria», Enbaren ustez

Osasungintzako langileak txaloka Nafarroako ospitale gunean ©Idoia Zabaleta, FOKU

Koronabirusaren hedapena geldotzen ari da Nafarroan, baina ez Araban, Bizkaian eta Gipuzkoan

Ainhoa Larretxea Agirre

Lau hildako eta 112 kutsatu berri izan dira Nafarroan azken orduetan, eta hildakoak hamazazpi dira Araban, 25 Bizkaian eta hamar Gipuzkoan.

Irakurle agurgarria:

Honaino iritsi zarenez, eskaera bat egin nahi dizugu: irakurtzen ari zaren edukia eta egunkaria babestea, konpromiso ekonomikoa hartuz. Publizitatea eta erakundeen diru-laguntzak ez dira nahikoa BERRIAren etorkizuna bermatzeko. Sarean eskaintzen dizugun edukia irakurtzen duzuen milaka irakurleek proiektuari ekarpena eginda, urrutira iritsiko ginateke.

Kazetaritza libre, ireki eta independentea egin nahi dugu euskaldunontzat. Euskaraz informatzea delako gure eginkizuna, eta zure eskubidea.Lagun gaitzazu bide horretan. Idatzi gurekin etorkizuna. Geroa zugan.

Martxelo Otamendi
BERRIAko zuzendaria

Izan zaitez BERRIAlaguna