Albistea entzun

Eskoziaren independentzia. Angus B. MacNeil. SNPko diputatua Komunen Ganberan

«Barne eztabaida falta frustrazioa eragiten ari da alderdian»

MacNeil independentziarako B planaren egileetako bat da, eta «etsita» agertu da SNPren jarrerarekin, horri buruzko eztabaida blokeatu duelako: «Frustrazioa egongo da ez bada galdeketarako biderik egiten».
BERRIA Tamaina handiagoan ikusi

Ander Perez Zala -

2020ko azaroak 28

Boris Johnson Erresuma Batuko lehen ministroaren ezezkoaren aurrean, Angus Brendan MacNeil (Barra uhartea, Eskozia, 1970) SNP Eskoziako Alderdi Nazionalaren Komunen Ganberako diputatuak B plan bat proposatu du independentziarako, 2021eko maiatzaren 6ko bozei begira.

Boris Johnson Erresuma Batuko lehen ministroak ezetz erantzun dizue bigarren independentzia galdeketa egiteko eskariari.

Bere ikuspuntutik oso jarrera logikoa iruditzen zait. Johnsonek badaki hamalau inkesta daudela batak bestearen atzetik diotenak Eskoziak independentea izan nahi duela; hark gelditu egin nahi du eskoziarrei beren iritzia galdetzeko prozesua. Noski, Johnsonen antidemokratikoa da, izatez inperialista, Eskoziaren batasun boluntarioa delako. Johnson ezin da izan independentziari buruzko eztabaidaren protagonista nagusia. Horregatik aurkeztu dugu [Inverclydeko SNPko zinegotzi] Chris McElenyk eta biok plan bat jarrera horri aurre egiteko.

Bozei begirako plan bat da...

Ezin badugu galdeketarik egin herritarrei beren iritzia galdetzeko, [2021eko Eskoziako Parlamenturako] bozak erabili beharko genituzke independentziaz galdetzeko. Hori litzateke bozetako politika nagusia. Johnsoni galdera egin beharrean, herritarrei ezin diezaiekegu galdetu? Zuzenean joango ginateke erantzunaren bila, eta hauteskundeetan jasoko genuke erantzun hori.

Inkestetan [independentziaren aldeko jarrera] %58an dagoenez, ez genuke beldurrik izango hori egiteko. Badaude horretarako aukera asko, eta Johnsonek bere blokeoari eusten badio, eskoziarrek aukera izan behar dute hautetsontzietan iritzia emateko: galdeketa ala lau urteroko bozak.

Plana aurkeztu zenuten alderdiaren kongresuan eztabaidatzeko asmoz, baina zuzendaritzak bigarrenez blokeatu egin du. Nola sentitzen zara?

Etsita nago alderdiaren barne makineriarekin. Uste dut alderdiko kideek aukera izan behar dutela planaz eztabaidatzeko eta alde edo kontra dauden adierazteko. Oraintxe, ia perfektua den barrikada bat da bozei begira: Johnsonek ezetz dio, eta SNPren zuzendaritzak ezetz dio hautetsontziak hauteskundeetan erabiltzeari.

Hautetsontziak zaintzen jarraitzen badugu, Eskoziako herritarrek ez dute beren iritzia emateko modurik izango. Gauzarik errazena litzateke SNPk zuzendaritzaren jarrera blokeatzea, eta militanteek erabakitzea zer egin behar den, uste baitut ikuspegi horren alde egingo luketela.

Ez dago barne eztabaidarik?

Orain, oso gutxi. Barne eztabaida falta frustrazioa eragiten ari da alderdian.

Barne zatiketa handituko da?

Frustrazioa egongo da ez bada erreferendumerako biderik egiten. Diskurtso bera zen iragan urtekoa, eta beste modu bat behar dugu egoerari aurre egiteko. Beste ideia bat ez entzutea burugogorkeria modu bitxi bat da... Baina horrelakoa da bizitza; ez dago gizakia baino gauza bitxiagorik.

Sturgeonek datorren urteko bozen aurretik emango du bide orri baten berri. Zer espero duzu?

SNPn gauza asko ikus eta azaldu ditzakegu, baina haren estrategia bada Johnsonek baietz ala ezetz esatearen menpe badago, eta horrelakoa da, berehala jartzen dugu auzia beste norbaiten esku. Kasu honetan, Eskoziaren independentziaren aurkako baten eskuetan; horrela, itxura iluna dute Erresuma Batuak 30 Sekzioa [erreferenduma egiteko eskumena] berriz emateko aukerak.

Ez aurrera ez atzera egiteko egoeran geratuko gara datorren bost urteetan, eta hori ez da ona. Eskoziarren gehiengoak ez du gobernu tory [kontserbadore] baten alde bozkatu 1955etik, eta, halere, horrelako gobernu bat dugu.

Margaret Thatcherren agintean ere handitu zen toryekiko ezinegona.

Bai. Thatcherren gidaritzapean, toryek garrantzi handiagoa eman zioten norbanakoari, kolektiboari eta gizarteari baino. Eskozian ikuspegi ipartarragoa dugu, Finlandiaren, Suediaren, Danimarkaren, Norvegiaren, Islandiaren antzekoa; Ingalaterrak ikuspegi amerikarragoa du. Gizarte horietan garaileak eta galtzaileak dituzte, eta guk Eskozian denak garaileak izatea nahi dugu.

Katalunian 2017ko urrian egindako erreferendumaren antzeko bat aukeren artean dago?

Egoera desberdina da Espainian eta Erresuma Batuan. Espainiak dio batasun zatiezin bat dela, baina Erresuma Batuak ez du halakorik esaten. Kontua da ez garela iritsi behar Bielorrusiako egoera berera, non buruzagiek ez dituzten herritarrak entzuten. Herritarrei zer egin dezaketen esatearen ideiak ez luke tokirik izan behar demokrazia batean.

Irakurle agurgarria:

Honaino iritsi zarenez, eskaera bat egin nahi dizugu: irakurtzen ari zaren edukia eta egunkaria babestea, konpromiso ekonomikoa hartuz. Publizitatea eta erakundeen diru-laguntzak ez dira nahikoa BERRIAren etorkizuna bermatzeko. Sarean eskaintzen dizugun edukia irakurtzen duzuen milaka irakurleek proiektuari ekarpena eginda, urrutira iritsiko ginateke.

Kazetaritza libre, ireki eta independentea egin nahi dugu euskaldunontzat. Euskaraz informatzea delako gure eginkizuna, eta zure eskubidea.Lagun gaitzazu bide horretan. Idatzi gurekin etorkizuna. Geroa zugan.

Martxelo Otamendi
BERRIAko zuzendaria

Izan zaitez BERRIAlaguna

Albiste gehiago

Emakume bat garraisika, Beiruten egindako manifestazio batean. ©LUJAIN JO

Isiltasunaren aurka borrokan

Joan Cabases Vega

Kuwaiten eta Libanon, gizarte zibilak ekinaldiak abiatu ditu indarkeria matxista desagerrarazi eta emakumeak baztertzen dituzten legeak indargabetzeko
Irango Atzerri ministro Mohammad Javad Zarif. ©ERRUSIAKO ATZERRI MINISTERIOA / EFE

Iranek eten egingo ditu EBrekin dituen harreman diplomatikoak

Iosu Alberdi

Bruselak beste urtebetez luzatu ditu Teherango agintari militar eta politikoen aurkako zigor ekonomikoak. Tel Avivek fiskaltzari eskatu dio igandeko erasoaren inguruko filtrazioak ikertzeko
Helena Maleno, Caminando Fronteras taldeko bozeramailea, artxiboko argazki batean. ©ANGEL MEDINA G. / EFE

Marokoko Poliziak Espainiaratu egin du Helena Maleno ekintzailea

Arantxa Elizegi Egilegor

Caminando Fronteras taldeak salatu du inolako azalpenik eman gabe kanporatu dutela Maleno. Rabatekin elkarlanean aritzea egotzi diote Espainiako Poliziari

Guillermo Lassoren jarraitzaileak hauteskundeen bigarren itzulian lortutako garaipena ospatzen, igandean, Quiton. ©SANTIAGO FERNANDEZ / EFE

Eskuina correismoari gailendu zaio Ekuadorren, boto baliogabeez baliatuta

Julen Aperribai

Guillermo Lasso kontserbadorea izango da presidente, Andres Arauz UNESeko hautagaiari gailenduta. Baliogabe bozkatzeko deia egin zuen mugimendu indigenak, eta mesede egin dio horrek eskuineko hautagaiari

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.

Izan zaitez BERRIAlaguna

BERRIAlagunei esker eskaintzen dugu balioz osatutako informazioa. Egizu ekarpena gure eginkizunarekin segi dezagun.

Izan zaitez BERRIAlaguna