ESKUMENAK

Gernikako Estatutuan jasota dauden 31 eskumen geratzen dira oraindik eskualdatzeko. Ondorengoak dira, atalka banatuta:
Garraioa eta herri lanak. Trenbideak, Cedex, interes orokorreko portuak, aireportuak eta meteorologia.
Gizarte gaiak. Migrazioa.
Herrizaingoa. Udal hauteskundeen araubidea, segurtasun zerbitzu pribatuak, zirkulazio baimenak eta ibilgailuen matrikulazioa, eta itsas salbamendua.
Hezkuntza, unibertsitatea eta ikerketa. Unibertsitateko irakaskuntzako atzerriko titulu eta ikasketak jaulki, homologatu eta baliozkotzea.
Industria. Hidrokarburoak, estatuko sektore publikoa, erakunde administrazioa, enpresa txiki eta ertainentzako, eta berrikuntza teknologikoko programetarako laguntzak.
Kultura. Zinematografia Babesteko Funtsa.
Lana, enplegua eta gizarte segurantza. Soldatak Bermatzeko Funtsa, ikerketa eta laguntza teknikoko zentroak, Gizarte Segurantzaren araubide ekonomikoaren kudeaketa, Laneko eta Gizarte Segurantzako Ikuskaritza, Itsasoko Gizarte Institutua, Gizarte Segurantzaren Institutua eta langabezia prestazioak.
Lurralde antolamendua. Itsasertzaren antolamendua eta kudeaketa.
Merkataritza eta turismoa. Turismo paradoreak.
Nekazaritza eta arrantza. Nekazaritza aseguruak, arrantza ikuskaritza, eta arrantzako eta itsas haztegietako produktuen merkatuaren antolamendua.
Ogasuna eta herri administrazioa. Baloreen merkatua, kreditu ofiziala, aseguruak, eta kredituak eta bankuak.