Albistea entzun

BI AHOTSETARA

Flamenkoa (I): Remedios Amaya

Gorka Erostarbe Leunda -

2022ko otsailak 13

Sei urteko umea, egurrezko karkasa duen Thompson telebista zaharrari begira, Eurovision ikusten amaren altzoan. Lehiakideetako bat oinutsik ikusi du kantuan. Arreta eman dio. Biharamunean txangoa du eskolarekin. Han entzun dio inori «zapatarik gabekoa» azkena geratu zela, 0 punturekin. Koxkortzean jakin du Remedios Amaya zela kantaria, eta konturatu da halako mespretxuz eta burlaizez hartzen duela oraindik askok, betiko mantra astunarekin: 0 puntu, oinutsik...

Urte batzuetan ahaztu du pertsonaia, ahaztu afera.

Euskaldunon Egunkaria-k Esan Ozenki zigiluaren babesarekin atera zuen Munduko Musikak bilduma zoragarria, Fermin Muguruzak apailatua (hemendik eskakizuna bigarren bat kalera dezaten). 1997a da. Zortzi dira disko-bildumak, bat flamenkoari eskainia. Ume koxkorrak 20 urte ditu orain. Hasi da arakatzen bilduma, eta hara: han da Remedios Amaya berriro, Diego Carrascorekin batera Nana de colores sehaska kantu flamenko durduzagarria kantatuz oraingoan. Barrena inarrosi dio. Hasi da peskizan, eta ikasi du flamenko kantari handia dela Remedios Amaya, nahiz urtetan baztertua izan. Sevillan jaioa. Ijitoa. Garai bateko burlaizeak hobeto ulertu ditu.

Flamenkoak harrapatu du. Zerbaitek tira egiten dio oso barrenetik; ez daki zerk.

Gutxiago edo gehiago, aldika, beti entzun du flamenkoa, edo haren aldaeraren bat, Niño De Elche ex-flamenko autoizendatuak dioen bezala, ez baitago flamenko bat, ezpada flamenkoak edo flamenko ortodoxiak egotzitakoak: Remedios Amaya tartean.

Oraintsu Espainiako Telebista publikoak ondutako Caminos del Flamenco saioaren kapitulu bakoitzaren amaieran, ahots sarkorreko narratzaileak, gutxi-asko dio: «Ez nekien, baina ni flamenkoa nintzen, nire baitan zegoen».

Ez naiz ni flamenkoa ustez, baina haren puska bat badaramat barruan, egiten dit koxk, zimiko, azkura eder bat. Kuriositatez begiratu dut Wikipedian: Remedios Amayaren egun berean jaiotzeko zoria izan nuen. Askizun jaioa dela dio Karidadeko Bentak 2003an ateratako diskoko kantu batek.

Egia ala gezur, bego horretan Remedios Amayaren jaiotzaren misterioa bezala flamenkoaren magnetismoarena ere.

Sareko BERRIAzalea:

Irakurri berri duzun edukia eta antzekoak zure interesekoak badira, eskari bat egin nahi dizugu: Berria diruz babestea.

Zuk eta zure gisako sareko milaka irakurlek egindako ekarpenarekin, eduki gehiago eta hobeak sortuko ditugu. Eta, zuekin osatutako komunitateari esker, publizitateak eta erakundeen laguntzek bermatzen ez diguten bideragarritasuna lortuko dugu.

Euskarazko kazetaritza libre, ireki eta konprometitua eskaini nahi dizugu egunero; bizi zaren munduaren eta garaiaren berri ematen segitu.

Albiste gehiago

Denis Martinez eta Olaia Valle dantzariak, Barakaldo antzokian, <em>Esna</em> obraren entsegu batean. ©OSKAR MATXIN EDESA / FOKU

'Esna' ikuskizuna ondu dute Marie de Jongh eta Doos konpainiek

Olatz Enzunza Mallona

Dantza eta antzerkia uztartuko dituen ikuskizun bat ondu dute elkarlanean Marie de Jongh eta Doos konpainiek: 'Esna'. Joko esperimentu gisa definitu dute. Bihar izango da estreinaldia.

 ©Mailo Oiarzabal

Pasio baten fruituak

Mailo Oiarzabal - Gipuzkoako Hitza

Urteetan jasotako eta gordetako bertso grabazioak transkribatzea erabaki zuen Xabier Unanuek duela ia hogei urte. 42.000 bertso baino gehiagoko bilduma osatu, eta Zestoako liburutegiari utzi dio.

Soledad Sevilla erakusketaren aurkezpenean, atzo, <em>Gatza</em> oihalaren aurrean. ©MAIALEN ANDRES / FOKU

Soledad Sevillaren 'Nire paisaia propioa' ikusgai dago Kubo Kutxan

Naroa Torralba Rodriguez

Soledad Sevilla artistaren 'Nire paisaia propioa' ikusgai dago Kubo Kutxan. Ibilbide baten proposamena da. Berak aukeratu ditu obrak eta kokapena

<em>Ketariatik mundura</em> pastoralaren bost partaideak. ©BERRIA

Elkanoren bidaia, pastoral «ttipi» batean, bihar, Iruñean

Uxue Rey Gorraiz

'Ketariatik mundura' «nanopastorala» eginen dute bihar iluntzean Iruñean. Hiru aktore eta bi musikari ariko dira, ordu eta erdiz. Mixel Etxekoparrek idatzi du obra

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.

Iruzkinak kargatzen...

Izan BERRIAlaguna

Zure babes ekonomikoa ezinbestekoa zaigu euskarazko kazetaritza independente eta kalitatezkoa egiten segitzeko.