Albistea entzun

BI AHOTSETARA

Biba Vegas

Gorka Erostarbe Leunda -

2022ko urtarrilak 16

Bakandurik nahi gaituzte; bakandu gintuzten, isolatu. Geure artean errietan jarri, ezpada elkarren zelatatzaile, eta ez elkarren zaintzaile. Maxima zaharra du botereak; eta funtzionatzen dio, inondik ere.

Aitortu du depresioaldi bat izan zuela itxialdi luzearen ostean, hasieran ondo eraman zuela, baina gero etorri zela ostiakoa. Geratu zela ia harremanik gabe, zeri heldu ondo jakin gabe. Baina etorri zitzaion barne-indar bat bizitzari eusteko, sorkuntzarako bulkada bat; umetako adiskide bat, gitarra zahartxo bat, eta Raymond Carverren liburuak eraman zituen kostaldeko herrixka txiki batera, Asturiasen. Laguntasunaren beroa, eta kantuaren abaroa, bi-biak topatu zituen.

Eta samurtasuna. Barrena eri, hautsita dagoenean, aurrera egiten laguntzen duen ukendu betiereko hori: samurtasuna. Carverren hitzak bere eginez hala abesten du El don de la ternura kantu berrian: «Ez dago azken buruko garaipenik, ezta erabateko porrotik, irmotasunez iritsiko da, eta ez dute ulertuko samurtasuna dela gure dohaina».

Samurtasunak eman dio bizi berri bat, kantu berri bat. Azalberritu da Nacho Vegas. Kantua arima hauskorrentzako ostatua da, aterpea. Eta, sarri, errealitate astun-nekoso-polarizatuetatik indar berri eta kohesionatuagoz ateratzeko artefaktua.

Eta, samurtasuna, sarriegi nork bere etxeko sukaldera bakandutako, isolatutako intentzio oneko tresna arin-usteko bat. Saiatzen dira gu bakantzen, gu isolatzen. Ez dezagun guk samartasuna ere isolatu. Atera dadila zokondotik, lau haizeetara, kantuaren bidez har ditzala auzokoen gorputz gogoak, har dezala dimentsio sozial bat.

Neu amorratu eta gotortu samarturik nintzen azkenaldi luzean, zer duda egin. Ahaztuak nituen nola kantu baten dohaina hala samurtasunaren domaina.

Bere buruari samurtasuna eta kantu eder bat emateaz bat, bien dohainen oihartzunak txertatu dizkit gogo-gorputzetan Vegasek.

Sareko BERRIAzalea:

Irakurri berri duzun edukia eta antzekoak zure interesekoak badira, eskari bat egin nahi dizugu: Berria diruz babestea.

Zuk eta zure gisako sareko milaka irakurlek egindako ekarpenarekin, eduki gehiago eta hobeak sortuko ditugu. Eta, zuekin osatutako komunitateari esker, publizitateak eta erakundeen laguntzek bermatzen ez diguten bideragarritasuna lortuko dugu.

Euskarazko kazetaritza libre, ireki eta konprometitua eskaini nahi dizugu egunero; bizi zaren munduaren eta garaiaren berri ematen segitu.

Albiste gehiago

 ©JAIZKI FONTANEDA / FOKU

«Sorkuntza jada ez da nire munduaren zilborra»

Aitor Biain

Ez du diskorik egin plazan egoteko; plazan dago jada. Baina '#itsasoadabidebakarra' bere bakarkako lehen diskoa kaleratu du, pertsonala bezain kolektiboa den lana. Azken urteetako bizipenetatik abiatuta ondu du, eremu abisaletik ur azalera ateratzeko bidea oinarri hartuta, eta Kubatik joan-etorria egin duten kantuekin.
Gaur egungo musikariez inguratu da John Cale <em>Mercy</em> disko berria ontzeko. ©MADELINE MCMANUS

Erortzen ari den munduaz

Mikel Lizarralde

81 urte betetzear dela, John Calek segitzen du pauso bat aurretik, 'Mercy' bere azken diskoak erakusten duenez. Klasizismoaren eta abangoardiaren artean beti.

Glamour popularra

Julen Azpitarte

Diskoetxea: AWAL Recordings.

Kinka buletina

Klima larrialdiari eta ingurumenari buruzko azken berriak zabaltzen dituen buletina.

Iruzkinak kargatzen...