Albistea entzun

BI AHOTSETARA

Kritika (eta III): Balkoipera jaitsiz

Gorka Erostarbe Leunda -

2021eko azaroak 21

Konturatzerako neroni jarri bainaiz seigarren solairuko balkoi-pulpitutik abstrakzio sermoietan, jaitsi nadin Rosaeneara, nahiz eta bera aspaldian ez den ageri, ziatikak jota. Hori da kritika molde gehienetan faltan sumatzen dudana, herri eta auzoetako Rosaeneaetara jaistea. Rosa ez dago, baina gaur musika aparailuan Amy Winehouse ari da. Eta gogora etorri zait Iratxe Retolazak Sakoneta saioan kritikaz esandako hura; gutxi-asko orain ez zaiola hain interesgarria egiten norbanako batek kritikoaren posiziotik egindako jarduna, gehiago estimatzen duela taldetasunean eraikitako kritika; ulertzen dudanaren arabera, irakurle talde batean edo zineklub bateko foro batean sor litekeen (eta litekeen diot, zeren gero sarri agertzen baitira halakoetan ere hierarkiak eta botere zein lotsak) kritika sare moduko bat. Baditu zailtasunak molde horrek ere noski, formal-pragmatikoak, estilistikoak zein efizientziari dagozkionak; esaterako, egunkari edo aldizkari batez ari bagara, txandan-txandan ehundutako kritika kolektiboa osatu nahian, hiru minutuko pop pieza eraginkorra bihur liteke sinfonia amaiezin bat ere; eta, badakigu, gaur gaurko denborek ez dute ia baimentzen arnas luzeko olgeta piezarik.

Edonola ere, halako formulak saiatzearen alde, dudaren izpirik gabe. Nago, kritika marxista materialistak, kulturalistak eta ziur aski feminismotik eratortzen den komunitaristagoak zedarritzen duten espazio horretan —irudika dezagun triangelu bat— sor litezkeela dialektika eta talka interesgarrienak, eta energia berri horrek aldeetakoren bat apurtu ere bai, leihate berriak zabalduz eta estetika nahiz eduki irudimentsuko ekarpenak eginez.

Gainontzean, iruditzen zait, oraintsu gertatu den moduan, alde batetik ez bada bestetik eskapo egingo digutela, Chill Mafia fenomenoaz harago, Iruñea eta inguruetan gertatzen ari den musika eta kultur mugimenduaren tankerakoek, handik ez bada hemendik herren egingo dugula gisakoak aztertzean.

Rosaeneatik irtetean Billie Holiday; egunero kafea hartzera datorren postaria doinua txistukatuz atera da, ogia besapean duela.

Sareko BERRIAzalea:

Udazkenean, BERRIAlagun egiteko pausoa eman dezazun, eskaintza bat egin nahi dizu BERRIAk. Herri baten kulturaren plaza da BERRIA. Kultur egitasmo, dinamika eta ekitaldi anitzen erakustoki. Euskal kulturaren inguruko informazioaren plaza handia. Azaroan eta abenduan, Euskaraldiak, Bertsolari Txapelketa Nagusiak eta Durangoko azokak hartuko dituzte, besteak beste, BERRIAren orrietako asko, paperean eta webgunean.

Albiste asko irakurriko dituzu, segur aski webgune honetan bertan. Eta eskari bat egin nahi dizugu: har ezazu konpromisoa irakurtzen duzunarekin. Irakurleen babes ekonomikoa funtsezkoa da BERRIAren etorkizuna ziurtatzeko.

Albiste gehiago

Vincent Bestaven, Jurgi Ekiza, Xan Bidegain eta Felix Buff, Willis Drummondeko kideak. ©GUILLAUME FAUVEAU

«Ez dago itxaropena beste biderik»

Julen Korkostegi Elortza

Willis Drummond musika taldeak «garai askotako soinuaren konbinazio bat» bildu du 'Hala ere' disko berrian. Kontraesanen ideiak inguratzen du lana, izenburutik hasi eta azalean ageri den mandarinaraino.
<b>Txomin Urriza, Camille Dizabo, Annelise Arnaud-Cazamayou eta Alan Billi, Orbel taldeko kideak.</b> ©FANNY MAILLARD

Orbel, isiltasunari plaza eskainita

Ainize Madariaga

'Lur hezea' diskoa jalgi berri du taldeak. Hirugarren obra honetan, giro «mistiko» eta «berezia» landu dute taldekideek

Rafael Moneok bere ibilbidean ondutako arkitektura proiektuen marrazkiz eta planoz josia da Nafarroako Artxiboko erakusketa aretoa. ©JAGOBA MANTEROLA / FOKU

Rafael Moneo, garabirik gabe eraikitzea

Uxue Rey Gorraiz

‘Rafael Moneo Nafarroan’ erakusketa zabaldu dute Nafarroako Artxiboan. Arkitektoaren ibilbidearen atzera begirakoa egiten du bildumak, eta haren bizitza pertsonalari ere egiten dio so

Kepa Altonaga, atzo, <em>Axularren gerizapean</em> liburuaren aurkezpenean. ©JON URBE / FOKU

Itzalekoak, argitara

Jone Bastida Alzuru

Axular Egunaren «misterioa» argitu nahi izan du Altonagak bere azken liburuan: 'Axularren gerizapean'. Itzalean geratutako idazleei buruzko datuak bildu ditu

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.

Iruzkinak kargatzen...