Noiz sortua: 2019-11-10 00:30:00

BI AHOTSETARA

Barkatuko didazue

Gorka Erostarbe Leunda -

2019ko azaroak 10
Barkatuko didazue gaur etxe barruko zokondora sartu eta, beheko suaren faltan, mantapearen gozotan entzuten badut entzun beharrekoa. Barkatuko didazue leihotik begira jarri eta arrats ilunkeraren esne mamitan kulunkatzen banaiz, entzuten dudan hori zergatik entzuten dudan pentsatzen ez badut; barkatuko didazue, plazera sortzen didan musika horrek asmo eraldatzailerik duen, burges txikiaren gustu errefinduari erantzuten dion, masa populuaren ardikeriaren mendekoa den, edo esnob esperimentalaren bereizkeriak gidatzen duen pentsatzen ez badut. Barkatuko didazue, baina gaur ez da horretarako gogo, trenpu eta tenplerik. Gaur negua ari du; herriko kiroldegian hamar urteko haurrak entzun ditut viva espa├▒a-ka aldageletan eta erreinu sakrosantuaren himnoa kantatuz, bozgoran, dutxatan. Beti ez dago zertan pentsatu, gogoetatu, gaurko mundualdiak zein musika eta zein su behar dituen, nahiz eta musika zein su berri baten beharrak agerikoak izan.

Gaur negua ari du leihoz bestaldean. Hotz da kanpoan, eta itxarongo ahal dute gogoeta burutsu ustekoek, itxarongo ahal dute suzko musika eta asmo iraultzaileek, gorputza ez baita egoten beti gudu zelaietarako. Eta ondo dakigu honezkero, gorputzak ere behar izaten dituela bere su-etenak, bere fereka eta masajeak. Barkatuko didazue, baina gaur Saioa entzuteko eguraldi, egurats eta gogohatsak egiten ditu. Leun, emeki, egin du berriro agerpena, aurreko aldietan bezala, gero desagertu egiten den bezain leun, eta emeki. Eta berragertu da tempo ertainetan bainoago geldoetan, pareko leiho horretan euri tantak erortzen diren tempo bereko doinuetan, Micah P. Hinsonen Beneath the Rose-eko karakolen erritmo pausatu sentiberan. Ahots biluzi eta dardartiz, efektuez hustuta, ate, bizimin, eta gauen xerka.

Barkatuko didazue, gaur negua ari du hor kanpoan; munstro bat sumatzen da; Duten Inkisidoreen dantza iluna inoiz baino indartsuago dator, eta barrurako giroa egiten du; nor bere oskolean biribildu eta Saioaren musika entzuteko geldo giroa dago.

Goizeko buletina

BERRIAren papereko edizioaren gai nagusiak biltzen ditu egunero (astelehenetan salbu). Goizean goiz iristen da zure posta elektronikora.

Albiste gehiago

Apirilaren 4an eguneratua, 14:00etan. ©BERRIA

Koronabirusaren azken datuak

Berria

Euskal Herrian 11.184 gaixok eman dute positibo koronabirusaren proba eginda. 650 hil dira. COVID-19 gaitza izandako 3.409 pertsonari eman diete alta. Grafikoak, albiste barruan.

Bilboko Alde Zaharreko bizilagunak, ostiralean osasungintzako langileei txalo egiten. / ©Marisol Ramirez, Foku

Zorrotzaurre Klinikan hil den osasun-langilea omendu dute lankideek

Berria

Gurutzetako Ospitalean zegoen ospitaleratuta eta atzo hil zen Eusko Jaurlaritzak atzo jakinarazi zuenez.

 ©I├ÑIGO URIZ / FOKU

Etxea ikasgela

Garikoitz Goikoetxea

Itxialdiak hankaz gora jarri du irakaskuntza: etxean ari dira ikasleak, irakasleak eta gurasoak. Pantaila edo telefono bidezkoa da irakasle-ikasleen arteko erlazio bakarra. Hezkuntzaren erronkak ageri-agerian geratu dira egunotan: adibidez, desberdintasun sozialak orekatu beharra. Etxealdian arriskuan egongo da hori.

 ©MARISOL RAMIREZ / FOKU

Irakurle agurgarria:

Honaino iritsi zarenez, eskaera bat egin nahi dizugu: irakurtzen ari zaren edukia eta egunkaria babestea, konpromiso ekonomikoa hartuz. Publizitatea eta erakundeen diru-laguntzak ez dira nahikoa BERRIAren etorkizuna bermatzeko. Sarean eskaintzen dizugun edukia irakurtzen duzuen milaka irakurleek proiektuari ekarpena eginda, urrutira iritsiko ginateke.

Kazetaritza libre, ireki eta independentea egin nahi dugu euskaldunontzat. Euskaraz informatzea delako gure eginkizuna, eta zure eskubidea.Lagun gaitzazu bide horretan. Idatzi gurekin etorkizuna. Geroa zugan.

Martxelo Otamendi
BERRIAko zuzendaria

Izan zaitez BERRIAlaguna

Izan zaitez BERRIAlaguna

BERRIAlagunei esker eskaintzen dugu balioz osatutako informazioa. Egizu ekarpena gure eginkizunarekin segi dezagun.

Izan zaitez BERRIAlaguna