Albistea entzun

BI AHOTSETARA

Agurrak

Gorka Erostarbe Leunda -

2018ko abenduak 16

Izan zen garai bat gustuko taldeen agurrek barne zimiko handi samar bat eragiten zidatena. Musikak nerabe eta nerabe-ondoko noragaldu haren identitatean esanahi berezia zeukan. Ia oharkabean. Ia ezinbestean. Egungo talaiatik begiratuta, nahiago zukeen hainbesteko eraginik ez izatea akaso... Norberaren balio DNAn musika notak baino zerbait gehiago txertatzen zuen taldeak etena edo agurra iragartzean zurtz geratzen denaren moduko ezin bat sentitzea ez da hain harritzekoa ere. Agur erreferentzia estetiko-etikoa, agur babesgunea.

Bereziki inarrosi ninduen Dut taldearen agurrak. Ez ezustean harrapatu gintuelako, denbora bat bazeraman-eta taldeak mugimendu handirik gabe. 2003a zen, oker ez banaiz. Hondarribiko agur kontzertura ez nintzen joan; arrazoi zehatza ez dut gogoan, baina sentitutako zafraldi animikoak izango zuen zerikusirik. Uste dut sekula ez naizela izan agur kontzertuetan geroztik.

Denborak eta taldeko kideek erakutsi zidaten gerora, ordea, bai taldearentzat bai zaleentzat garaiz agur esatea dela zintzoena. Zailena. Ausartena. Bai behintzat sorkuntzari eta harreman moldeei begira; hau da, musikak ematen duen garrantzitsuenari begira. Geroztik, eta salbuespenak salbuespen, agur iragarpenak birjuntadizoak baino dezentez ere interesgarriagoak begitandu izan zaizkit. Eta, paradoxikoki, sorkuntzarako baliagarriagoak.

Talde bikain haren kideek proiektu berriak sortu zituzten, eta beste hainbatetako partaide bilakatu ziren gerora. Kuraia, Zura, Anari, Berri Txarrak, JP Lohian, Lisabö... Sorkuntzaren txinparta ez zegoen amatatua. Kontrara, molde desberdinetako proposamenetara barreiatu zen.

Asteon, hain zuzen ere, Berri Txarrak-ek etenaldi luze bat iragarri du. Beste horrenbeste jakinarazi du, nahiz eta oharkabeagoan pasatu den, Perlak taldeak ere. Bi talde aski desberdin; iraupenean, estiloan, disko kopuruan, baina biak ere lorratza utzi dutenak...

Erabaki zintzoa, ausarta biena ere. Eta, kideak ezagututa, aurrerantzean ere sormenerako bide berriak egitea ahalbidetuko diena.

Asko balio du irakurri duzun albiste/artikulu honek. Talde baten lanaren emaitza da.

Albiste hau zuri helarazteko eta talde honek bere lana baldintza egokietan egin dezan, BERRIAk ezinbestekoa du zure sostengua.

Zure babes ekonomikoarekin, aldi hau kontatzeko funtzioa betetzen jarraitu nahi dugu: kazetaritza konprometitu, kalitatezko eta independentea egiten.

Albiste gehiago

Artozkiko artelanen aurkezpena

'Artezki'-ko hamalau lan erakutsita, falta direnak itzultzeko eskatu dute

Ainhoa Sarasola - Iker Tubia

Itoizko urtegiaren kontra aritu zirenek azalpenak eskatu dizkiote Nafarroako Gobernuari. Artozkin galdutako hamazazpi lan falta dira oraindik. Agertu direnak Iruñean eta Agoitzen ikusgai izanen dira

Xabier Mendiguren Bereziartu, iazko azaroan. ©Izaro Andres / Foku

Xabier Mendiguren Bereziartu itzultzailea eta idazlea hil da, 78 urte zituela

Arantxa Iraola - Ekhi Erremundegi Beloki

Ikastolen mugimenduan ibili zen. Euskalgintzaren Kontseiluko lehen idazkari nagusia izan zen, eta euskaltzain urgazlea

Itoizko urtegiko irudiak, kanoa batetik eginak, Irati ibaia zena zeharkatzen, Artozki inguruan. ©JAGOBA MANTEROLA / FOKU

Itoizko oroitzapenak igerian

Iker Tubia

Hogei urteko borroka izan zen Itoizko urtegiaren kontrakoa. Duela hogei urte, Itoitz eta Artozki herriei eusten saiatu ziren ekintzaileak. Bide guzietatik saiatu arren, ez zuten proiektua gelditzerik izan.

 ©ARITZ LOIOLA / FOKU

«Etengabeko prozesu baten emaitza da gure lana»

Olatz Enzunza Mallona

Nahiz eta ziurgabetasuna ofizioaren parte izan artearen arloan, funtsezkoa da egiten den horretan tematzea, Susana Talayero artistaren ustez. Gure Artea saria jasoko du bihar, ia 40 urteko ibilbide artistikoagatik.

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.

Iruzkinak kargatzen...