Albistea entzun

BI AHOTSETARA

Cumbia dagigun

Gorka Erostarbe Leunda -

2019ko ekainak 2

Desira eta arriskua. Erraz dira ahoskatzen, mingainera ekartzen. Zailagoa da haiek gorputza zeharka diezazuten uzten. Ausardia behar da. Ez ausardia harrobero bat, ausardia noble bat baizik, askatasunaren ertzak zabaltzera eramango zaituena, zure aurrejuzgu, beldur, mugak uxatu eta mundu ezezagunagoetara bidaiaraziko dizuna.

Ausardia hori ezinbestekoa da Colombiana vasca kantua erein, egosi eta pil-pilean jartzeko. «Bi itsas-haize elkarren kontra, desira eta arriskua. Kontrabandoan trukatzen dira larrua eta listua», dio kantuak Maialen Lujanbioren ahotsean.

Niño de Elcherena da pieza, Colombiana diskokoa, asteon argitaratua. Lan horrek batu ditu Niño de Elche eta Kolonbiako Meridian Brohers taldeko (cumbia, psikodelia eta beste) Eblis Alvarez, zeina ekoizle lanetan aritu den. Eta batu ditu Maialen Lujanbio, Beñat Axiari eta Xabier Erkizia ere aipatu kantuan. Eta pentsa liteke artista eta izen horiek batuta ziurtzat eman litekeela emaitza ona. Areagokoa da kontua. Edo honagokoa. Ausardia noblez aritu behar baita bertsolari baten kantu poetikoa, cumbiaren erritmo dantza jolastiarekin eta bi kantariren aiene ulukariekin kontrabandoan aritu eta droga berri adiktibo bat sortzeko.

Ausardia behar da, gero!

Eta desira.

Mikel Laboa ausartu egin zen John Cage eta Camaron de la Islaren munduak berera ekartzen. Desiratu egin zuen. Mursego ausartu egin zen cumbiaren erritmoak bere moldean ematen La cumbia villera de la ciudad armera-n.

Ausartuko naiz esaten musika kontrabandoa aritzea dela, listua eta larrua trukatzea, besteak beste, eta kultur apropiazioa deitzen den hori birdefinitu beharko litzatekeela, edota beste talaia batetik planteatu. Kultura seme-alaba bastarda baita, edo ez baita. Besterik da, kontrabando hori egiterakoan zer molde erabiltzen den, norekin aliatzen den, nor hartzen den kontuan eta nor ez...

Colombiana vasca atera da plazara, mundu berri bat sortuta gainera, mestizaje deitu izan zaion horren kerietatik urrun, pastichearen justu beste aldean.

Orain, besteoi dagokigu kantua desiratzea, gure egiten ausartzea.

Cumbia dagigun!

Sareko BERRIAzalea:

Udazkenean, BERRIAlagun egiteko pausoa eman dezazun, eskaintza bat egin nahi dizu BERRIAk. Herri baten kulturaren plaza da BERRIA. Kultur egitasmo, dinamika eta ekitaldi anitzen erakustoki. Euskal kulturaren inguruko informazioaren plaza handia. Azaroan eta abenduan, Euskaraldiak, Bertsolari Txapelketa Nagusiak eta Durangoko azokak hartuko dituzte, besteak beste, BERRIAren orrietako asko, paperean eta webgunean.

Albiste asko irakurriko dituzu, segur aski webgune honetan bertan. Eta eskari bat egin nahi dizugu: har ezazu konpromisoa irakurtzen duzunarekin. Irakurleen babes ekonomikoa funtsezkoa da BERRIAren etorkizuna ziurtatzeko.

Albiste gehiago

Gabriel Arestiren zortzi argazki. ©

Gabriel Arestiren lehen lanak aurkitu dituzte: gaztelarazko bi soneto

Edu Lartzanguren

EHUko Jon Kortazar katedradunak argitara eman ditu Arestik 1953ko otsailean idatzi zituen poemak. Baserri bateko paper zaharren artean aurkitu dituzte

Neomak taldearen zuzenekoa ikusteko jende ilara luzea egin zen Plateruena kanpoaldean atzo arratsaldean, Durangoko Azokaren bigarren egunean. ©RAUL BOGAJO / FOKU

Plaza eta euskarri bete doinu

Ainhoa Sarasola

Zuzenekoak itzuli dira Durangoko Azokara, aurten Plateruenan. Landakon, Musikaren Plazak bildu ditu diskoetxeak eta musikariak. Diskoa nagusi den arren, euskarri digitalak gero eta ugariago dira
Xabier Eizagirre, Iratxe Retolaza eta Hedoi Etxarte, atzo, Landako guneko Talaia aretoan. ©MARISOL RAMIREZ / FOKU

Liburugintza diglosiko bat

Itziar Ugarte Irizar

Euskaraz argitaratzen diren liburuen datuak aletu dituzte Xabier Eizagirrek, Iratxe Retolazak eta Hedoi Etxartek. Kultura gutxitu baten isla direla adierazi dute.

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.

Iruzkinak kargatzen...