Albistea entzun

BI AHOTSETARA

Burdinazko ardatza

Paule Bilbao Ajuriagerra -

2021eko azaroak 28

Azaroak 20, gaueko hamaikak. Euria ari du aspaldi ez bezala, eta, ilundu duen arren, euriak eta gauak elkar jatea erabaki dute. Behera eroritako etxe baten alboan aurkitzen gara, eta atsekabetasuna nabaria da. Honen oinarriak eta garai batean norbaiten etxea izan zenaren hondakinak besterik ez dira geratzen. Egitura suntsitu honen erdian burdinazko ardatz bat aurkitu dugu, etxeak pairatu duen guztiaren ondoren ere, tinko eta erresistente mantentzen dena. Garai batean, etxearen euskarri nagusia izan zena eta etxe horretan hazi diren pertsonei gotorleku bat eman diena bertan mantentzen dela ohartu gara. Etxea amiltzear zegoenean ere, burdinazko ardatz hau, tinko, segurtasuna ematen bertan mantentzen zen.

Burdinazko ardatz honek ingurunearen eraldaketak jasan dituen arren, sendo mantentzen den bezala, musikarekin gauza bera gertatzen da. Musikak berbera izaten jarraituko du orain edo ehun urte barru; aldatuko dena, ordea, inguruko guztia izango da, entzuleak eta musikariak barne. Musika iraunkorra da. Gainera, entzulea artistarekin batera hazten da, elkarrekin bidaia bat sortuz. Gaztetan kontzertuetara joaten zen hark, urte batzuk geroago bere seme-alabekin oholtza gainean sortzen den magia partekatuko du. Artista, beraz, bidelaguna da.

Halaber, musikak sortzen dituen harreman sozialak edota asoziazioak egoera, pertsona edota momentu zehatz batzuekin lotzen dira, eta, askotan, honek bideratzen du musika konkretu batek belaunaldi zehatz batekin harremana izatea, komunitate eta pertenentzia sentimendua ematen delako. Beste faktore garrantzitsu bat tendentziak dira, eta, gaur egun, teknologiaren aurrerapenari esker, musika estilo eta sonoritate ezberdinak lantzea errazten dute, baina bai aitortu behar dugu, oro har, adin tarte edo belaunaldi zehatz batekin lotzen dela, teknologiari buruzko ezagutza sakonagoak baitituzte.

Azkenik, hezkuntza ere aipatu beharra dugu, kontsumitzen dugun musika izan dugun heziketaren ondorio bat izan daiteke eta. Beraz, ez dut uste adin kontu bat denik, baizik eta jaso dugun kulturarekin zerikusia duen zerbait. Hala ere, musikak, modu objektibo batean, adinik ez duela deritzot, bai obra moduan, baita entzuleen adinari erreparatuz ere.

Sareko BERRIAzalea:

Udazkenean, BERRIAlagun egiteko pausoa eman dezazun, eskaintza bat egin nahi dizu BERRIAk. Herri baten kulturaren plaza da BERRIA. Kultur egitasmo, dinamika eta ekitaldi anitzen erakustoki. Euskal kulturaren inguruko informazioaren plaza handia. Azaroan eta abenduan, Euskaraldiak, Bertsolari Txapelketa Nagusiak eta Durangoko azokak hartuko dituzte, besteak beste, BERRIAren orrietako asko, paperean eta webgunean.

Albiste asko irakurriko dituzu, segur aski webgune honetan bertan. Eta eskari bat egin nahi dizugu: har ezazu konpromisoa irakurtzen duzunarekin. Irakurleen babes ekonomikoa funtsezkoa da BERRIAren etorkizuna ziurtatzeko.

Albiste gehiago

Kepa Junkera, erdian, gaur Bilboko Arte Ederren museoan egindako liburuaren aurkezpenean ©Aritz Loiola/ Foku

Kepa Junkerak bere obra osoa berrikusten duen arte-liburua kaleratu du

Iñigo Astiz

Musikariaren diskografia osoa errepasatzen du «Berpiztu» lanak, eta, gainera, 40 artistak propio sortutako obra bana eta Junkerak sortutako kanta guztien partiturak ere badakartza. Musikariak berak hartu du parte argitalpenaren aurkezpenean

 ©Joanes Etxebarria

Jean-Louis Davant: «Anitz egin da hitz berrien asmatzeko, baina zahar anitz galdu ditugu»

Joanes Etxebarria - Ipar Euskal Herriko Hitza

Liburu edo pastoraletan, historia landu du bereziki, olerkiekin batean. Idazlan luzeak gehiago ez egitea deliberatu du. Uste du aitzinatu dela euskararen alorrean, baina lan asko dela egiteko.

<em>Maus</em> liburuko lau bineta. ©ASTIBERRI

Saguen txilioak holokaustoan

Uxue Rey Gorraiz

Gurasoek holokausto nazian bizitakoetan oinarrituta sortu zuen Art Spiegelmanek 'Maus' komikia. Pulitzer saria irabazi zuen 1992an. Euskarara ekarri dute berriki.

Soinu txikia XIX. mendearen amaieran hedatu zen Euskal Herrian. ©BERRIA

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.

Iruzkinak kargatzen...

Izan BERRIAlaguna

Hitzen, ekintzen eta errimen eztanda. Herri bat BERRIAren kulturaren plazan. Baliatu udazkenean BERRIAlagun egiteko eskaintza.