Albistea entzun

BI AHOTSETARA

Nor bere burbuilan aske

Gorka Erostarbe Leunda -

2021eko urtarrilak 31

Gustuko dut; nahi beste aztora zintezke, nahi beste garrasi egin zenezake, baina ezin duzu inor kutsatu, eta bitartean ahaztu zenezake gertatzen ari dena». The Flamming Lips taldeko buru Wayne Coyneren hitzak irakurri ditut sakelakoan, eramateko kafea eskatzeko ilaran zain nagoela Rosaenean. Kontzertu berezia eskaini du taldeak Oklahoman, AEBetan. 100 lagun izan ziren pribilegiatuak. Plastikozko burbuila batzuetan sartuta jarraitu zuten emanaldia: burbuila bakoitzean hiru lagun egon zitezkeen. Botila bat ur, pilaz kargaturiko haizagailua eta toalla bana zituzten.

300 dolarren (248 euro inguru) truke burbuilako.

Ez nau harritu albisteak. 2006 urrun hartan, musika bizitzeko beste burbuila batek bizi ninduen, eta izan nuen The Flaming Lipsen espektakulu argizko, puxikazko eta abarrekoa ikusteko aukera Bartzelonako Primavera Sounden. Zalea izan gabe, ez nuen desatsegina haren musika, baina deseroso sentitu nintzen ikuskizunaren aurrean. Ez nekien zergatik. Deserosotasun horrek goia jo du burbuilen kontzertuarekin. Birusaren, pandemiaren aurkako kontzertua dela haizatu dute hedabide nagusiek; halatsu Coynek berak.

Burbuilaren kontzeptua bera ez ote da, ordea, birusa; aspaldi lehertu zen dirukeriaren burbuila, baita musikaren zoruan ere; gizarte joerak bezalatsu musika bizi-kontsumitzeko moduak aspalditxoan hartua zuen nork bere burbuilan isolaturik egiteko hautu eta jaidura. Bide batez, ez da harrigarria egiten indie anglosaxoi talde batek literalki irudikatu izana burbuilaren metafora; baina ez dago oso urrunera joan beharrik burbuila aske-ustekoa sumatzeko geure-geureko esparruetan ere, bai ghetto bihurturiko gune kultureta hiperkritikoetan, baita nork bere etxe-oskolan musika entzuteko ohituretan ere.

Nerabe japoniar askok egunak pasatzen omen dituzte gelatik irten gabe, euren burbuilan isolaturik, aske, ate azpitik janaria pasatuz elikatzen dituzten bitartean.

«Altxa burua, motel! Orain ere zeure burbuilan sartuta», arrapostu egin dit Rosak, begiak sakelako pantailatik kentzen ez nituela jabetuta.

Zenbat balio ote du gutako bakoitzaren plastikozko burbuilak?

Sareko BERRIAzalea:

Irakurri berri duzun edukia eta antzekoak zure interesekoak badira, eskari bat egin nahi dizugu: Berria diruz babestea.

Zuk eta zure gisako sareko milaka irakurlek egindako ekarpenarekin, eduki gehiago eta hobeak sortuko ditugu. Eta, zuekin osatutako komunitateari esker, publizitateak eta erakundeen laguntzek bermatzen ez diguten bideragarritasuna lortuko dugu.

Euskarazko kazetaritza libre, ireki eta konprometitua eskaini nahi dizugu egunero; bizi zaren munduaren eta garaiaren berri ematen segitu.

Albiste gehiago

Joaldun bat Ortzaizeko kabalkadan, irailaren 18an. ©PATXI BELTZAIZ

Kultur politikaren eraikuntzan

Joanes Etxebarria

Heldu den otsailaren 4an Euskal Elkargoan kultur politikaren proiektua bozkatuko dute. Proiektuak, eragileen rolak definituz, Euskal Kultur Erakundearena argituko du. Garapen Kontseilua, berriz, ondoko urteetako proiekzioa lantzen hasiko da oraidanik.
Clara Montero Tabakalerako Kultura zuzendaria, eta Ana Teixeira eta Oier Etxeberria erakusketaren komisarioak, atzo, hainbat artistarekin. ©MAIALEN ANDRES / FOKU

Begi bistakoa den armategia

Naroa Torralba Rodriguez

Gaurtik ekainaren 4ra bitarte, Evil Eye erakusketa dago Tabakaleran. Izaro Ieregi eta Azucena Vieites artisten lanak ditu, besteak beste. Jarduera programa bat ere izango du
Claudie Marcel-Dubois eta Maguy Pichonnet-Andral etnomusikologoak. ©Claudie Marcel-Dubois

Bigarren Mundu Gerlaren ondoko grabaketa batzuk, entzungai sarean

Iñaki Etxeleku - Ipar Euskal Herriko Hitza

Frantziako bi ikerlarik 1947an eta 1958an egin euskal kantu, bertso eta soinu grabaketak Interneten entzungai jarri dituzte berriki. Artxibo horiek gehienak aztertzekoak dira oraino.

Bertso Eguna, iaz, Izpuran. / ©Guillaume Fauveau

Kinka buletina

Klima larrialdiari eta ingurumenari buruzko azken berriak zabaltzen dituen buletina.

Iruzkinak kargatzen...

Izan BERRIAlaguna

Zure babes ekonomikoa ezinbestekoa zaigu euskarazko kazetaritza independente eta kalitatezkoa egiten segitzeko.