Albistea entzun

BI AHOTSETARA

Bidegurutzean (II)

Gorka Erostarbe Leunda -

2021eko ekainak 13

Bidegurutzeetan dago musika, inon izatekotan. Badira ñabardurak; ezkor porrokatuak esango du gurutzebideetan dela batez ere. Maitekor sentiberarentzat igurztebideak izango dira oroz gain musikarenak; gurtzebideak mitomanoarentzat; agurtzebideak lehenetsiko ditu malenkoniatsuak; egurtzebidean izango da pagotxa kritiko superlatiboarentzat...

Neu bidegurutzearen irudiarekin geratzen naiz. Denboren eta espazioen arteko bidegurutzeekin, geografien eta belaunaldien artekoekin. Zokondo honetan eginak gaude lehen ere kontraste bortitzen aldeko apologiatxoa. Urte askoan Zumarraga-Urretxuetatik Azkoitirako bidegurutzea bihurtu zen musikaren gau-lurrina zekarren gune zehatza hogeitagutxi urteko lagun musikazale taldearentzat. Ez gutxitan behatz potoloa erakutsiko genuen Urolako tren zaharra igarotzen zen pasabidean auto-stopa egiteko (denboraren zein bidegurutzetan galduko zen ohitura zenbaitetan arriskutsu, zenbaitetan aberasgarri eta partekatu hori-hura?), nork hartuko zain. Azkoitiko Dean, Atrasku edo Matadeixe izaten ziren jomuga ohikoenak. Batzuetan kontzertuen irrikaz, besteetan parranda-dantzarako apetaz. Ostiral edo larunbat gauetan Urolan behera lagunekin joate horrek bazuen mistika su-piztaile bat.

Dozena paretik gora bihurgune, haran itxi-iluna, errekaren marmarra, eta lehenago edo geroago Robert Johnson azaltzeko esperantza. Edo deabrua bera, nork jakin! Matadeixek bazuen musika zaratatsu avant-garde-aren aura hori, eta gustura gu, ezin moderno eta alternatiboago. Handik kilometro erdi eskasera, Lajaren baserria zegoen. Hara ere joaten ginen tarteka, bestelako premiez. Bokadilo kozkorra jatera eta sagardoa edatera, esaterako. Laja trikitilari handia ere agertzen zen aldika. Matadeixen eta Lajaren arteko 500 metro horien artean zer mundu ez ote da kabitzen, zer bidegurutze ez ote liteke irudika hor, zer deabru ez ote liteke atera hor.

Sarri galdetzen nion neure buruari: ba ote dute elkarren berri Akauzaztek eta Lajak? Elkar ezagutzen ote dute, nahiz eta musikatik aparte izan. Bostehun metro eskasera egonik, hain urrun ote daude bi musika unibertsook, edo uste baino gertuago?

Sareko BERRIAzalea:

Irakurri berri duzun edukia eta antzekoak zure interesekoak badira, eskari bat egin nahi dizugu: Berria diruz babestea.

Zuk eta zure gisako sareko milaka irakurlek egindako ekarpenarekin, eduki gehiago eta hobeak sortuko ditugu. Eta, zuekin osatutako komunitateari esker, publizitateak eta erakundeen laguntzek bermatzen ez diguten bideragarritasuna lortuko dugu.

Euskarazko kazetaritza libre, ireki eta konprometitua eskaini nahi dizugu egunero; bizi zaren munduaren eta garaiaren berri ematen segitu.

Albiste gehiago

Sara Azurza abeslaria, bere <em>Hemen berriro</em> diskoa aurkezteko argazki batean. ©ZART KOLEKTIBOA

Emozioak akordeen oinarrian

Miren Mujika Telleria

Sara Azurzak 'Hemen berriro' diskoa kaleratu du, Zart kolektiboarekin. Bizitzaren ziklo emozionala du ardatz diskoak. Askotariko musika estiloak tartekatu ditu kantuetan

Aintzane Galardiren <em>Bakardadearen aintzira</em> poemarentzat Udane Ansak sortutako irudia. ©UDANE ANSA

Poemak urik gabeko itsasoei

Ainhoa Sarasola

Hainbat poetak Ilargiari idatzitako olerkiak biltzen ditu 'Mare' liburuak, ilustrazioz jantzita. Beste hainbat testu luzeagok eta abesti batek osatzen dute proiektua

Judith Jauregik hainbat konpositoreren obrak interpretatuko ditu jaialdian. ©BERRIA

Literatura izango du ardatz Bilboko Musika-Musica jaialdiak

Erredakzioa

Martxoaren 3tik 5era, 70 kontzertu egingo dituzte Arriaga antzokian eta Euskalduna jauregian. Festibalak 1.400 musikari bilduko ditu

Maria Schneider, 2019an, Donostiako Jazzadiaren aurkezpen batean. ©Gorka Rubio / Foku

Maria Schneider eta Brad Mehldau Gasteizko Jazzaldian izango dira

Mikel Lizarralde

Uztailaren 3tik 8ra egingo den 46. jaialdirako baieztatu dituzten lehenengo bi artistak dira.

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.

Iruzkinak kargatzen...

Izan BERRIAlaguna

Zure babes ekonomikoa ezinbestekoa zaigu euskarazko kazetaritza independente eta kalitatezkoa egiten segitzeko.