BI AHOTSETARA

Stendhal

Jaione Dagdrommer -

2018ko irailak 30

Iraileko igande eguzkitsua da. Ohetik altxatu eta tea prestatu du, ez du telesailik ikusteko gogorik. Horren ordez euskarri ugaritatik pasatu den baina, hala ere, betidanik bere bizitzan finko darraiena aukeratu du: musika. Gainera, orain, biniloak erosten hasi da, teknologia berriak eta modak ez baitute zertan noranzko berean joan. Ironia badirudi ere, egun oso modernoa da gauza zaharrez hornitzea.

Baina ez du modagatik egiten. Maite du bere disko kuttuna esku artean sentitzea, dakarren liburuxka behatu, usaindu eta kontu handiz irakurgailuan ipintzea. Diskoa mugitzen ikusten duen bakoitzean sentitzen duen lasaitasuna ezin du streaming bidez lortu.

Diskoaren birek hipnotizatuko balute legez, musikak etxean sentiarazten du edonon dagoela ere, bere barne mundu zabal eta aldi berean intimoa den oasira eramanez. Abesti tristeenak ere bere barnean zerbait mugitzea lortzen du ia beti eta hobeto sentiarazi. Zaila eta ziurrenik alferrikakoa da hau edonori azaltzen saiatzea, horregatik ez da inoiz saiatu. Ez du nahi bere etxea komentario hutsalek zikin dezaten. Dena partekatzeko obsesioz bizi garen honetan, badira gauzak bere horretan xarmangarriak direnak, hitzen bidez forma eman beharrik gabe.

Dutxa baten ostean, goseak ordularia begiratzera behartu du. Jada bazkalordua da, eta gaurkoan gurasoenean bazkaltzen duenez, bere auto zaharrean jartzeko disko bat aukeratu, eta abiatu da. Bidaia atsegina izan da, eguzki epelak autoko kristalak zeharkatzen ditu, samurki laztanduz bere azala. Gogoko du kotxean musika entzutea. Maiz pairatu du atseginez Stendhal sindromea gidatzen doan bitartean, talde haren ala bestearen akorde batekin, edo bere bihotzaren zirrikitu urruneneraino iritsi den garrasi batek erdibiturik. Mentalki eskerrak eman dizkio Stendhali horrelako momentuak izendatzeko hitza emateagatik eta musikari hitzez azaldu ezin dena azaltzeagatik.

Goizeko buletina

BERRIAren papereko edizioaren gai nagusiak biltzen ditu egunero (astelehenetan salbu). Goizean goiz iristen da zure posta elektronikora.

Albiste gehiago

Sindikatuen agerraldia, gaur. ©BERRIA

Hezkuntza Sailak «planifikazio integralik» ez duela salatu dute sindikatuek

Gotzon Hermosilla

Ohartarazi dute «transmisio kasuak ugarituko» direla neurriak hartzen ez badira. Greba egunetik astebetera, adierazi dute ez dutela baztertzen beste mobilizaziorik egitea.

Osasungintzako sindikatuen protestak. ©Gorka Rubio/FOKU

«Hitzetatik ekintzetara pasatzeko» eskatu diote sindikatuek Osakidetzari

Maria Ortega Zubiate

SATSE, ELA, LAB, SME, CCOO, UGT eta ESK sindikatuek osasun sistemaren egoera hobetzeko neurriak hartu ditzala eskatu diete Osakidetzari. Adierazi dute neurriak hartu ezean mobilizazioekin jarraituko dutela.

Hainbat ikasle, ikasgeletara sartzeko zain, Bilbon. ©Luis Jauregialtzo / Foku

32 ikasgela itxi dituzte egun bakarrean Hego Euskal Herrian

Mikel O. Iribar

Ikasturtea hasi zenetik, 364 ikasgela daude itxita Hegoaldean. Guztira 231 ikastetxetan izan dira itxiera horiek.

PCR proba bat, Gurutzetako ospitalean. ©Luis Jauregialtzo, FOKU

Lehen aldiz, laurehun kasuren langa gainditu du Nafarroak

Uxue Rey Gorraiz

Beste 826 kasu atzeman dituzte Hego Euskal Herrian. Horietatik 421 Nafarroan detektatu dituzte. Positiboek goia jo dute lurralde horretan, eta hildako bat izan da. 497 lagun daude erietxean Hegoaldean: horietatik 81, ZIUetan.

Irakurle agurgarria:

Honaino iritsi zarenez, eskaera bat egin nahi dizugu: irakurtzen ari zaren edukia eta egunkaria babestea, konpromiso ekonomikoa hartuz. Publizitatea eta erakundeen diru-laguntzak ez dira nahikoa BERRIAren etorkizuna bermatzeko. Sarean eskaintzen dizugun edukia irakurtzen duzuen milaka irakurleek proiektuari ekarpena eginda, urrutira iritsiko ginateke.

Kazetaritza libre, ireki eta independentea egin nahi dugu euskaldunontzat. Euskaraz informatzea delako gure eginkizuna, eta zure eskubidea.Lagun gaitzazu bide horretan. Idatzi gurekin etorkizuna. Geroa zugan.

Martxelo Otamendi
BERRIAko zuzendaria

Izan zaitez BERRIAlaguna