Noiz sortua: 2019-04-14 00:30:00

BI AHOTSETARA

Grina

Jaione Dagdrommer -

2019ko apirilak 14

Berriz ere matraka berarekin?», «Behin ikusita ez al da nahikoa?», «Ez al zara aspertzen talde berdinak behin eta berriz ikusteaz?», «Zenbat balio duela sarrerak!?» edota «Hainbeste kilometro kontzertu batengatik?». Musikazaleok galdera forman entzun behar izaten ditugun ohiko kexak dira, besteek zutaz espero dutena baino grina handiagoa azaltzen duzunean formulatzen direnak. Aurten, Berri Txarrak taldearen urtea da dudarik gabe. Komunikabideetan eta jendearen ahotan bolo-bolo dabiltza etengabe, eta, beraz, hasierako galdera hauek ohi baino gehiagotan entzun behar izan ditut. Zergatik ez da zilegi, ordea, horretaz maizago mintzatzea? Nik urte osoan aguantatu behar izaten ditut ba futbolzaleak!

Behingoagatik kulturaz —edota bederen, musika talde batez— ohi baino gehiagotan hitz egiteagatik kirolzale asko asaldatuta daude. Ezin al da ba kulturaz futbolaz bezain beste hitz egin, ala? Zergatik dago batzuen grina besteona baino justifikatuagoa? Futbol partida bat ikusteagatik 90 euro ordaintzen duten batzuei harrigarriki 30 euroko prezioa garestia iruditzen zaie; edota kanpora bidaiatzea kontzertu bat ikusteko, mundialetan herrialde ezberdinetatik jende andana joan ohi denean futbolaz gozatzera.

Zer axola du, baina, zerk mugitzen gaituen? Argi dago grinarik gabe ezinezkoa dela bizitzea. Nik, behintzat, ez dut nahi. Zu futbolak mugitzen zaituenetakoa bazara, ederto iruditzen zait; ni musikak mugitzen nau. Eta niri ere gustatuko litzaidake komunikabideetan eta, oro har, gizartean kulturak merezi duen tokia edukitzea data jakin batzuetatik harago, eta ez Berri Txarrak taldeari gertatu zaion bezala, bere agurra iragarri ondoren erdiestea beraiek ere espero ez zuten arrakasta uholdea. Badirudi, bizitzako esparru gehienetan bezala, zerbait galtzera goazenean edo galdutakoan ematen dizkiogula merezi dituen arreta eta garrantzia. Futbolean izan ezik, noski.

Goizeko buletina

BERRIAren papereko edizioaren gai nagusiak biltzen ditu egunero (astelehenetan salbu). Goizean goiz iristen da zure posta elektronikora.

Albiste gehiago

Ekainaren 2an eguneratua, 19:00etan. ©BERRIA

Koronabirusaren azken datuak

Berria

Azkeneko 24 orduetan bi lagun hil dira COVID-19 gaitzaren eraginez. Bost positibo atzeman dituzte PCR probekin, eta lau gaixo ospitaleratu dituzte. Euskal Herrian 29.406 gaixok eman dute positibo guztira, koronabirusa atzemateko probaren bat eginda. Horietatik 2.068 hil dira. Grafikoak, albiste barruan.

Bilboko errepideak konfinamendua hasi berritan. ©Marisol Ramirez / Foku

Nafarroako Gobernuak udako herri bestak bertan beheiti uzteko gomendatu du

Berria

Nafarroako Osasun Publikoko Institutuak nabarmendu du herri bestetan zaila dela segurtasun eta osasun neurriak betetzea. Hala, halakoetan birusa zabaltzeko arriskua ikusita, bestak bertan beheiti uzteko gomendioa egin du gobernuak. 

Gallartako agerraldiaren irudia, Josu Erkorekaren Twitter kontuan agertua ©@Jerkoreka

Urkulluk Euskal Herri osoan ibiltzea baimentzeko eskatu die Frantziari eta Espainiari

Gotzon Hermosilla

Jaurlaritzak espero du Araba, Bizkaia eta Gipuzkoa hirugarren fasera pasatuko direla astelehenetik aurrera. Salvador Illak aurreratu du hirugarren fasean ezingo dela erkidego batetik bertzera mugitu. 

Adegiko zuzendaritzako kideak, gaurko agerraldian. ©ANDONI CANELLADA / FOKU

Adegi bat dator ELArekin erregulazioan daudenen soldata osatzeko

Xabier Martin

Osatze horiek egin ahal izateko finantzaketa, ordea, ez du nahi "bakarrik enpresaren bizkar uztea". Ekonomia %7 eta %10 artean uzkurtuko dela aurreikusi du Gipuzkoako patronalak, eta azken bi urteetan sortu diren 12.000 enpleguak galdu egingo direla.

Irakurle agurgarria:

Honaino iritsi zarenez, eskaera bat egin nahi dizugu: irakurtzen ari zaren edukia eta egunkaria babestea, konpromiso ekonomikoa hartuz. Publizitatea eta erakundeen diru-laguntzak ez dira nahikoa BERRIAren etorkizuna bermatzeko. Sarean eskaintzen dizugun edukia irakurtzen duzuen milaka irakurleek proiektuari ekarpena eginda, urrutira iritsiko ginateke.

Kazetaritza libre, ireki eta independentea egin nahi dugu euskaldunontzat. Euskaraz informatzea delako gure eginkizuna, eta zure eskubidea.Lagun gaitzazu bide horretan. Idatzi gurekin etorkizuna. Geroa zugan.

Martxelo Otamendi
BERRIAko zuzendaria

Izan zaitez BERRIAlaguna

Izan zaitez BERRIAlaguna

BERRIAlagunei esker eskaintzen dugu balioz osatutako informazioa. Egizu ekarpena gure eginkizunarekin segi dezagun.

Izan zaitez BERRIAlaguna