Albistea entzun

BI AHOTSETARA

'Mashup' baten lehen notak

Gorka Erostarbe Leunda -

2020ko abenduak 6

Ez dakit asmorik izan zuten edo amets den. Hala gertatu ez bazen ere, gerta zitekeen, baiki. Akaso ez zen errealitatea izango, baina egiantza du. Mikel Laboaren heriotzaren dozenagarren urtea bete berri da. Jardun dut haren kantuak entzuten, hil aurreko Xoriek 17, batez ere, eta belarri-gogoak Lisaborekin batera ondutako Orduan piezan iltzatu zaizkit. Igartzen da bizitzaren azken hatsetan dela: ahotsaren hauskortasuna. Eta perfekzionismotik urrun, balio erantsia ematen dio kantuari. Bederatzi minutu pasatxoko pieza. Lisaboren soinu geruza atzetik, Laboaren kantu errezitatzea, Atxagaren hitz ederrak... bost minutu eta pikotik aurrera Aida Torres orduko Lisabokidearen ahotsa sartzen da... eta eztanda. Durduzagarria.

Ez dakit asmorik zuten, baina izan zitekeen, Laboaren eta Lisaboren arteko elkarlan luzeago bat, disko batean bildua. Dena, ordea, ez da zertan erregistratua izan, ez dago zertan materialki grabatua egon. Irudimenak (edo Xabier Azkue Ibarbia txiolagunak egokiro proposatu bezala, soinumenak) egiten ditu bere lanak halakoetan, eta egungo makineria teknologikoarekin, probak ere edonork egin ditzake. Mashup-ak aldiro datozkit burura, mashup-en garaiotan. Neuk hautatu dut, esaterako, Laboaren Lili bat eta txertatu diot, bigarren minutu aldera, Lisaboren Bi minutu kantua... eta tira, egongo da hobeto nahastuko dituenik, baina emaitza gutxienez iradokitzailea zait. Eta zer esan taldearen Ur gainean eta kantugilearen Haika mutil nahasteaz, bata bestearen gainean zein tartekatuz, lagun musikari gazte batek iradoki didan bezala. Edota, Sekulabelardiko maisuaren Dialektikaren laudorioa eta irundarren Gau minean aldikatuz, kazetari adiskide are gazteago batek proposatu bezala.

Ez dakit asmorik zuten, baina izan zitekeen. Ez den disko bat da. Omega gurea (Lagartija Nickek eta Enrique Morentek 1996an ondutakoa, gogoan). Hor bada arakatzeko soinu unibertso bat: Laboa eta Lisabo, Lisabo eta Laboa, dj batek, edo soinu lardaskatzaile batek proba egin nahi balu, izan ez den disko baten hazimuin bezala.

Irakurle agurgarria:

Honaino iritsi zarenez, eskaera bat egin nahi dizugu: irakurtzen ari zaren edukia eta egunkaria babestea, konpromiso ekonomikoa hartuz. Publizitatea eta erakundeen diru-laguntzak ez dira nahikoa BERRIAren etorkizuna bermatzeko. Sarean eskaintzen dizugun edukia irakurtzen duzuen milaka irakurleek proiektuari ekarpena eginda, urrutira iritsiko ginateke.

Kazetaritza libre, ireki eta independentea egin nahi dugu euskaldunontzat. Euskaraz informatzea delako gure eginkizuna, eta zure eskubidea.Lagun gaitzazu bide horretan. Idatzi gurekin etorkizuna. Geroa zugan.

Martxelo Otamendi
BERRIAko zuzendaria

Izan zaitez BERRIAlaguna

Albiste gehiago

 ©JON URBE / @FOKU

Bekatarien boteretzea

Itziar Ugarte Irizar

Dom Campistronek 'Bekatorosak' liburu grafikoa ondu du, Aldude inguruko lesbiana, gay eta bisexualen zazpi testigantzatan oinarrituta

1 ©MONIKA DEL VALLE / @FOKU

Denboraren kondentsazioak

Amaia Igartua Aristondo

Remigio Mendibururen hiru hamarkadako lana bildu du Bilboko Arte Ederren Museoak 'Mendiburu. Materia eta memoria' erakusketan. Eskulturaren esanahiaz dihardu. Irailaren 5era arte dago ikusgai

Abel Azkona, epaitegira bidean, deklaratzera joaten, 2016an. ©Iñigo Uriz / Foku

Abel Azkona artistaren aurkako auzia artxibatu dute berriro

Ane Eslava

Abokatu Kristauak elkarteak jarri zuen artista nafarraren aurkako salaketa, «sentimendu erlijiosoen aurkako delitua» egotzita, erakusketa batean 'pederastia' hitza ostiekin osatzeagatik.

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.