Noiz sortua: 2018-09-30 00:30:00

LARREPETIT

Iruzurra

Iñigo Aranbarri -

2018ko irailak 30

Bada Elna baino herri ezezagunagorik Ipar Katalunian. Roselloko hiriburu erlijioso izana garai batean, Elnan jaio ziren 39ko urte hasieran, muga haurdun ihesi igaro zuten emakume haien seme-alabak, ia seiehun guztira. Ordurako hila zen Etienne Terrus, ametxearen ardura zuen Elisabeth Eidenbenz suitzar erizainarekin batera, Elnako pertsonarik ezagunena. Fauvismoaren aitzindari, Derain eta Matisseren oso maitea, herrian bertan margotu zituen bere obra gehienak. Egun, Terrusen museoa da, katedral erromanikoarekin batera, Elnako tokirik bisitatuena.

Orain jakin da egia. Museoko koadroen hamarretik sei ez dira Terrusenak. Milaka lagunen begi-bistan egon den horretan erreparatuta ohartu dira adituak iruzurraz: Terrusenak zirelakoan hamarkadetan museoak erosi dituen olio, akuarela eta marrazkietan ageri diren eraikinak artista hil eta gero eginak dira. Dirutan ere, neurtu du Elnako udalak kaltea. Auzapezak urtetan eta urtetan herritik igaro diren bisitariak izan ditu gogoan, zer pentsatuko duten orain. Poliziak, bere aldetik, iruzurra zabalagoa dela uste du, artista eta museo gehiago ari omen da aztertzen.

Esana zuen Edgar Allan Poek gutunaren ipuin hartan: gauza bat ezkutatu nahi bada ez dago gorde nahi dena ageri-agerian uztea baino aukera hoberik. Museoen flotazio-marran bete-betean jota, berez dator estrapolazioa. Nazioartean zein etxean, hedabideen bitartez egunero sarrera ordainarazten diguten politikaren ikuskizunaren museo honetan ere, ez du oso bestela behar. Oso gutxi da benetakoa erakusten zaigun horretatik, eta iruzurra begien aurre-aurrean dugu. Gustura entzungo nieke zenbatean neurtu duten hemen ere kaltea. Kontua da ez dela erraza, behin sarrera ordainduta, Elnaraino alferrik heldu garela aitortzea. Lekutan dago, eta gainera, nola bete behar du turistak eguna munduan barrena museo guztiak zalantzan jartzen baditugu.

Goizeko buletina

BERRIAren papereko edizioaren gai nagusiak biltzen ditu egunero (astelehenetan salbu). Goizean goiz iristen da zure posta elektronikora.

Albiste gehiago

Covid-19 daukaten gaixoak zaintzen duten bi erizain besarkatzen 55 egun gaixo zeraman gizon bat sendatzean. ©Andoni Lubaki / Foku

Koronabirusaren azken datuak

Berria

Euskal Herrian 31.166 gaixok eman dute positibo guztira, koronabirusa atzemateko probaren bat eginda. Horietatik 2.150 hil dira. Grafikoak, albiste barruan.

Kalean, herritarrak maskara jantzita, atzo, Ordizian. ©JUAN HERRERO / EFE

Hauteskunde batzordea gaur bilduko da Ordiziako egoera aztertzeko

Arantxa Iraola - Jon Ordoñez Garmendia - Irati Urdalleta Lete

Maskara erabiltzea nahitaezkoa izango da Gipuzkoako herri horretan, eta tabernetako jarduna mugatu egingo dute. Hauteskunde Batzordea gaur elkartuko da egoera aztertzeko

Ordiziakoa Etxezarreta kalea, atzo. ©JUAN HERRERO / EFE

Ikara, bozkalekuetan

Jon Ordoñez Garmendia

Ordizian bozkalekuetan egon behar dutenak beldurrez bizi dira igandetik. Zalantza asko dituzte, eta arriskuan sentitzen dute euren burua. Gaur dute bilera udalarekin.

 ©ARITZ LOIOLA / FOKU

«Distantzia da oraingoz dugun tresna eraginkor bakarra»

Arantxa Iraola

Birusen egitura aztertzen du Abresciak Ikerbasquen, CIC Bioguneren barruan. Argi du COVID-19a oso azkar hedatzen dela gogorarazten jarraitu behar dela: ez da egun batetik bestera ahulduko.

Irakurle agurgarria:

Honaino iritsi zarenez, eskaera bat egin nahi dizugu: irakurtzen ari zaren edukia eta egunkaria babestea, konpromiso ekonomikoa hartuz. Publizitatea eta erakundeen diru-laguntzak ez dira nahikoa BERRIAren etorkizuna bermatzeko. Sarean eskaintzen dizugun edukia irakurtzen duzuen milaka irakurleek proiektuari ekarpena eginda, urrutira iritsiko ginateke.

Kazetaritza libre, ireki eta independentea egin nahi dugu euskaldunontzat. Euskaraz informatzea delako gure eginkizuna, eta zure eskubidea.Lagun gaitzazu bide horretan. Idatzi gurekin etorkizuna. Geroa zugan.

Martxelo Otamendi
BERRIAko zuzendaria

Izan zaitez BERRIAlaguna