Noiz sortua: 2018-12-23 00:30:00

LARREPETIT

Botoia

Iñigo Aranbarri -

2018ko abenduak 23

Jakin-minez zabaldu nuen lagunaren whatsappa. Izan ere, ez dut edonor: kontzientzia handiko langilea, hona begira bizi da. Galegoarentzat nahi lituzkeela dio, komunitatearen harrotasunagatik, euskararen inguruan tarteka lortzen ditugun garaipen txikiak.

Nahia atoan bihurtu zitzaidan zaputz, baina. Mezu orokor bat zen, gazteleraz, Sabela delako bati botoa emateko botoi bati sakatzeko gonbidapenarekin. Lagunaren mezua, galegoz, argigarriagoa zen: «Gure babesa eman behar diogu, inoiz gutxitan egin du inork hainbeste gure hizkuntzaren alde». Dena utzi eta ordenagailu aurrean paratu nintzen. Nor da Sabela delako hori? Eta zer egin du laguna horrela pizteko? Ez nion, noski, berari galdetuko.

Agudo saretu zitzaidan lainoa. TVEko Operacion Triunfo kantu-lehiaketako finalean zegoen, antza, Sabela. Eta irabazle izateko beharrezkoak zituen ikusleen botoak, baita nirea ere. Nola ez dakidala, Galdakaoko Ainhoa Cantalapiedraz oroitu nintzen, eta Arnaldo Otegiren adierazpenez esan zuenean, orain hamalau urteko OTren edizioa irabazita, PPren maniobra politikoa izan zela guztia, hala Ainhoa Eurovisionera bidalita, «euskal herritarrok Espainiaren alde jartzeko».

Sabela ez da Ainhoa. Arrazoi du lagunak; aurkezleak diotsonean zergatik aukeratu duen galegoz abestea hain abagune garrantzitsuan, legarrik gabe mintzo da: «Hain zuzen horrexegaik, garrantzitsua delako». Zintzotasunaren indarra Sabelarena gaztelera ez beste hizkuntzak folklorekeriara kondenatu nahi dituen logika zapaltzailearen kontra. Eta ekin besteak, gurasokeriaz: «Zure lurra ordezkatzen eroso sentitzen zarelako kantatzen duzu galegoz, ezta?». Eta Sabelak: «Egia esan, eroso egon naiz nire hizkuntzan abestuta neure burua ordezkatu dudalako».

Neuretzat nahi nituzkeen punpa-lasterreko erantzunak Sabelarenak, antzeko galderak egiten dizkigutenean. Lagunak ez dit harrezkero idatzi. Ezta botoiari sakatu nion galdetzeko ere.

Goizeko buletina

BERRIAren papereko edizioaren gai nagusiak biltzen ditu egunero (astelehenetan salbu). Goizean goiz iristen da zure posta elektronikora.

Albiste gehiago

Ekainaren 6an eguneratua. ©BERRIA

Koronabirusaren azken datuak

Berria

Azkeneko 24 orduetan zazpi lagun hil dira COVID-19 gaitzaren eraginez. Hamalau positibo atzeman dituzte PCR probekin, eta gaixo bat ospitaleratu dute. Euskal Herrian 29.843 gaixok eman dute positibo guztira, koronabirusa atzemateko probaren bat eginda. Horietatik 2.096 hil dira. Grafikoak, albiste barruan.

Eskuin muturreko jarraitzaileak, Michigan estatuko kapitolioaren parean, armak aldean, konfinamenduaren kontrako protesta batean, joan den maiatzean. ©JIM LO SCALZO / EFE

Eskuin muturra, hedatzen ari den beste birusa

Gorka Berasategi Otamendi

Pandemiari aurre egiteko salbuespen neurriek askatasuna mugatzen dutela eta, neurri horien kontrako protestak ugaritu egin dira hainbat herrialdetan. Eskuin muturreko taldeak ezinegon hori aprobetxatu nahian ari dira, beren diskurtsoa gizarte sektore suminduetara zabaltzeko. Pandemia aukera gisa ikusten dute.

Esperientzia Gelako ikasleekin solasean

Erretirorik nahi ez duten ikasleak

Paulo Ostolaza

EHUren Esperientzia Gelek ikasten jarraitzeko aukera ematen diete adinekoei. Konfinamenduan etxetik hartu dituzte klaseak, eta «uste baino arazo gutxiago» izan dituzte teknologiarekin. Unibertsitateak, ikasteko ez ezik, harremanak egiteko ere balio diela nabarmendu dute argazkigintzako ikasleek.

 ©OMER MESSINGER / EFE

Konfinamendua, «botere abusua»

Gorka Berasategi Otamendi

Koronabirusak gogorren jo duen herrialdeetan piztu dira konfinamenduaren kontrako protesta handienak. BERRIAk bost herrialdetako protesten argazkia egin du: Alemania, Italia, Espainia, AEB eta Brasilgo mobilizazioei erreparatu die.

Irakurle agurgarria:

Honaino iritsi zarenez, eskaera bat egin nahi dizugu: irakurtzen ari zaren edukia eta egunkaria babestea, konpromiso ekonomikoa hartuz. Publizitatea eta erakundeen diru-laguntzak ez dira nahikoa BERRIAren etorkizuna bermatzeko. Sarean eskaintzen dizugun edukia irakurtzen duzuen milaka irakurleek proiektuari ekarpena eginda, urrutira iritsiko ginateke.

Kazetaritza libre, ireki eta independentea egin nahi dugu euskaldunontzat. Euskaraz informatzea delako gure eginkizuna, eta zure eskubidea.Lagun gaitzazu bide horretan. Idatzi gurekin etorkizuna. Geroa zugan.

Martxelo Otamendi
BERRIAko zuzendaria

Izan zaitez BERRIAlaguna

Izan zaitez BERRIAlaguna

BERRIAlagunei esker eskaintzen dugu balioz osatutako informazioa. Egizu ekarpena gure eginkizunarekin segi dezagun.

Izan zaitez BERRIAlaguna