LARREPETIT

Argazki bat

Iñigo Aranbarri -

2019ko irailak 22

Espainiako errege Felipe VI.a Itsas Armadako Kuartel Nagusiko museoan, Madrilen, espedizioaren bosgarren mendeurrena dela aitzakia. Zurizko dago, buru gorenari dagokion maneran. Saihets banatan ditu, ezkerretara, Margarita Robles, Espainiako Defentsa ministroa, eta eskubitara, gobernuko presidenteorde Carmen Calvo eta armadako Estatu Nagusiko almiranteburua, Teodoro Lopez Calderon. Ez daude bakarrik. Ia berrogei lagun dituzte inguruan, mailadian ondo prantatuak, irribarretsu. Zapi zuriak daramatzate lepoan: Getariako elizako koruko partaideak dira. Danbolinak agerian, bi txistulari ageri dira. Eta dantzari bat. Ertz-ertzean, zapia ez daraman bakarra, Euskalerriko Adiskideen Elkarteko burua.

Bada harrotasunik argazkian. Euskaraz kantatzera joanak dira Madrilera, garbi uztera herritarra zutela munduari bira eman zion aurrena. Museo militarrak lagundu die erakusketarako hautaturiko leloarekin: «Lehenbizikoak izan ginen». Lehenbizikoak, horrela hitz egiten duelako jende putzantuak; eta ginen, halaxe delako, ez da denborarik ez espaziorik garaipenean. Denok iritsi ginen Elkanorekin Getariara 1522ko irail hartan. Polita atera da argazkia, hortxe egongo da egunen batean esateko: han izan nintzen ni, erregearekin. Ederki apainduko du egongela.

Eta hala da dena, baita argazkia bera ere, denboraren bagan barrena dabilen nao bat. Manupeko sinpatikoak pleitesia erakusten anakronismo harro bati, esklabo beltzak plantazioko nagusiarekin nola, apaingarri folkloriko eta guzti, urte hauetan guztietan Azurmendirik, Arestirik, Estebanik izan ez bagenu bezala. Elkanok egin moduan, hainbeste urte eta nekeren ondoren hasierako portura iristeko, Club Juvenileko kromo haietara, Personajes guipuzcoanos, zein atsegin eta gertuko etxeko nagusiak, zein jator eta bezatu gonbidatuak armadako kaserna dotorean, Matxitxakotik urrun eta presiopetik libre. Jende zoriontsua.

Goizeko buletina

BERRIAren papereko edizioaren gai nagusiak biltzen ditu egunero (astelehenetan salbu). Goizean goiz iristen da zure posta elektronikora.

Albiste gehiago

Covid-19 daukaten gaixoak zaintzen duten bi erizain besarkatzen 55 egun gaixo zeraman gizon bat sendatzean. ©Andoni Lubaki / Foku

Koronabirusaren azken datuak

Berria

Euskal Herrian 31.166 gaixok eman dute positibo guztira, koronabirusa atzemateko probaren bat eginda. Horietatik 2.150 hil dira. Grafikoak, albiste barruan.

Emakume bat, atzo, Iruñeko Estafeta kalean. ©VILLAR LOPEZ / EFE

Nafarroako Gobernua maskararen nahitaezko erabilera aztertzen ari da

Amaia Ramirez de Okariz Kortabarria

Azken egunotako kutsatuen gorakadak kezka eragin du, eta maskaren erabilerari buruzko arauak berriz aztertuko ditu aste honetan. Eskoriatzan, hilik aurkitu dute positibo eman zuen gizonezko bat

Bi langile Donostian desinfekzio lanak egiten. ©Jagoba Manterola, Foku

Donostiako Etxadi kiroldegia itxi egin dute, langile batek positibo eman baitu

Berria

Donostia Kirola Eusko Jaurlaritzako Osasun sailarekin ari da hartu beharreko neurriak zehazten. 

Sanferminak bertan behera geratu diren arren, zuri-gorriz jantzitako gazte bat, maskararekin, Iruñean. ©Jesús Diges

Koronabirusaren agerraldiak

Berria

Koronabirusaren aurreneko olatua makaldu eta konfinamendua arintzen hasi ondoren agerraldi gehiago ditu gaitzak. Ekainetik aurrera gutxienez hamahiru agerraldi izan ditu COVID-19ak.

Irakurle agurgarria:

Honaino iritsi zarenez, eskaera bat egin nahi dizugu: irakurtzen ari zaren edukia eta egunkaria babestea, konpromiso ekonomikoa hartuz. Publizitatea eta erakundeen diru-laguntzak ez dira nahikoa BERRIAren etorkizuna bermatzeko. Sarean eskaintzen dizugun edukia irakurtzen duzuen milaka irakurleek proiektuari ekarpena eginda, urrutira iritsiko ginateke.

Kazetaritza libre, ireki eta independentea egin nahi dugu euskaldunontzat. Euskaraz informatzea delako gure eginkizuna, eta zure eskubidea.Lagun gaitzazu bide horretan. Idatzi gurekin etorkizuna. Geroa zugan.

Martxelo Otamendi
BERRIAko zuzendaria

Izan zaitez BERRIAlaguna

Izan zaitez BERRIAlaguna

BERRIAlagunei esker eskaintzen dugu balioz osatutako informazioa. Egizu ekarpena gure eginkizunarekin segi dezagun.

Izan zaitez BERRIAlaguna