Albistea entzun

LARREPETIT

Ardurak

Iñigo Aranbarri -

2021eko irailak 19

Bere buruari ateratako argazkien bitartez ezagutu nuen Olatz Vazquez. Minbizia diagnostikatu ziotenetik ahalegindu zen gaitzak zekarkion prozesua irudietara ekartzen. Harrikadak legezko argazkiak Vazquezenak. Hitzetara era bildu zuen bidea, berak idatzi ohi zuen eran, beroarena kenduta, doi. Eta hala, unean uneko sentimenduak utzi zituen, paziente onkologikoen kezkak zertan diren aletu (baita gutxi aipatzen diren horiek ere, esate baterako, ekonomikoak), arrangurarik gabeko salaketa ahaztu gabe. Minez ibiliagatik, bata dela eta bestea, berandu diagnostikatu zioten karramarroa. Bizirik legoke orain Olatz Vazquez hilabete batzuk lehenago jakitera zer zuen benetan?

Margultzen ari zitzaizkidan gogoan Olatz Vazquezenak, eta madarikatzen dut nire memoria makala («Ez dut nire gorputza maite. Argalegia da, hezurtsua, ertzak kanporantz dituela. Gitarra sokak soinaren alde bietan. Puztutako sabela [...]. Baina hitz ematen dut gaurdanik pixka bat gehiago maiteko zaitudala»), albisteak denborak eroandako olatuak itzuli dizkidanean. Ia bi mila tumore geratu omen dira atzeman gabe EAEn pandemiaren eraginez. Gehitu horri beste lurraldeetakoak. Milaka tumore beren lana egiten ez delako aski kontrolik egin edo hitzorduak atzeratu egin direlako. Osakidetzako zuzendaritzak eta Biocrucesek egindako ikerketak aho bizarrik gabe erantzun dio arestian zabalik utzitako galderari: «Horrek ekarriko du zenbait kasu ja gaitzaren oso fase aurreratuetan detektatzea, eta, ondorioz ikusten da epe labur-ertainean eragina izango duela heriotzen datuetan ere».

Espainiako Epidemiogia Elkarteak urtero egin ohi duen biltzarrean aurkeztu dira datuak, Leonen. Ikusirik, berek aitortuta, administrazioaren kudeaketak zer ondorio izango dituen, uste dut tokatzen zaiela urte eta erdi honetan errieta besterik jaso ez duten herritarrei arduretan nork huts egin duen ongi azaltzea.

Ez daukate lantegi erraza.

Sareko BERRIAzalea:

Irakurri berri duzun edukia eta antzekoak zure interesekoak badira, eskari bat egin nahi dizugu: Berria diruz babestea.

Zuk eta zure gisako sareko milaka irakurlek egindako ekarpenarekin, eduki gehiago eta hobeak sortuko ditugu. Eta, zuekin osatutako komunitateari esker, publizitateak eta erakundeen laguntzek bermatzen ez diguten bideragarritasuna lortuko dugu.

Euskarazko kazetaritza libre, ireki eta konprometitua eskaini nahi dizugu egunero; bizi zaren munduaren eta garaiaren berri ematen segitu.

Albiste gehiago

Arrosarioa
 ©BERRIA

Garai konplexuei aurre egiteko kazetaritza bat

Beatriz Zabalondo - BERRIA Taldeko lehendakaria / Martxelo Otamendi - BERRIAko zuzendaria

Iaz BERRIA Taldeak egindakoaren errepasoa duzu hau. Kazetaritza da gure eginkizuna, euskarazko kalitateko kazetaritza; erreferente informatiboa izatea helburu. Beraz, hortik hasi dugu errepasoa, gero arlo ekonomikoari, komunitateari eta erronka berriei leku egiteko.

Irautea iraultzea denean

Estitxu Garai, Naiara Pinedo eta Zuriñe Rodriguez

Zure ahotsa errazago zapaltzea, moztea. Ostean datorren gizonak zure iritzia gutxiestea. Gizonen maiztasuna handiagoa izatea. Gizonak finkoak izatea, zu aldakorra. Mahaiko emakume bakarra izatea naturalizatzera iristea. Zure hitzei ez entzunarena egitea, beti euren artean elkarri erreferentziak egitea.

Zuretzat bihotzez, Elizabeth Hadley

Kinka buletina

Klima larrialdiari eta ingurumenari buruzko azken berriak zabaltzen dituen buletina.

Iruzkinak kargatzen...

Izan BERRIAlaguna

Zure babes ekonomikoa ezinbestekoa zaigu euskarazko kazetaritza independente eta kalitatezkoa egiten segitzeko.