Albistea entzun
Emakumeen aurkako indarkeriari ez
Emakumeen aurkako indarkeriari ez

Dantzarako lorategi bat eszena gainean

'Garden' ikuskizuna aurkeztuko du Alos Quartetek gaur, Hendaian. Oreka TX-rekin eta Aukeran dantza taldearekin oholtzaratuko dira
<em>Garden</em> ikuskizunarekin, Alos Quartet harizko instrumentu laukoteak gorazarre egin nahi dio dantzari.
Garden ikuskizunarekin, Alos Quartet harizko instrumentu laukoteak gorazarre egin nahi dio dantzari. ALOS QUARTET Tamaina handiagoan ikusi

Maider Galardi F. Agirre -

2018ko urtarrilak 19

Harizko instrumentuen laukote klasiko bat da Alos Quartet. Ez da, ordea, ohiko talde bat: hogei urte daramatza musika klasikoa gaurkotzen eta nortasun bereziko doinuak osatzen. Garden diskoa dute bakarkako hirugarren lana, eta, Euskal Herriko hainbat txokotan aurkeztu ostean, gaur arratsaldean Hendaian (Lapurdi) egingo dute emanaldia, «formatu handi batean». Horretarako, bidelagun izango dituzte Oreka TX taldea eta Aukeran dantza konpainia.

«Dantza egiteko gonbita da Garden», azaldu du Xabier Zeberio taldeko kideak. «Ikuspegi zabalenean landu nahi izan dugu dantzaren estetika. Bai euskal dantzei dagokienez, eta baita dantza garaikideagoari bide eginez ere». Horregatik, sarritan aritu dira elkarlanean Aukeran konpainiakoak eta Alos Quarteteko kideak. Esaterako, iaz bira berezi bat eskaini zuten, dantza taldearen 20. urteurrenaren harira.

Dantzaren arloan egin bezala, Zeberiok azaldu du taldeak lortu duela etiketa finkoei ihes egitea: «Musika klasikotik gentozenez, jendeak elitistak ginela uste zuen hasieran. Zorionez, gainditu dugu hori, eta jendeak badaki hamaika estilo biltzen ditugula». Euskal musika, funka, doinu afrikarrak, klasikoak... denetarik landu dute. Taldean Zeberio eta Francisco Herrero aritzen dira biolina jotzen, Lorena Nuñezek biola jotzen du, eta Pello Ramirezek, berriz, biolontxeloa.

Ez da kasualitatea oholtza gainean kide izatea Oreka TX eta Aukeran dantza konpainia. Haiek ere ari dira tradizioaren eta aro garaikidearen arteko zubiak eraikitzen, Zeberioren iritziz: «Ez da gauza kontziente bat, eta agian gehiegi esatea da hirurok sorkuntzan murgilduta gaudela, baina argi dago bide horretatik jarrera estetiko jakin bat sortu dugula». Ondorioz, uste du Alos Quartetek sonoritate bereizgarri bat duela, eta indarrez irteten direla oholtzara.

«Publikoaren har rerarekin ere oso pozik gaude», aitortu du biolinistak. Garden diskoarekin 30 kontzertutik gora egin dituzte, eta aukera izan dute hainbat formatutan oholtzaratzeko. Edonola ere, Zeberiok esanaren arabera, Hendaiakoa berezia izango da: «Agertoki handi batean egingo dugu saioa, eta espero dugu ederra izatea; aspalditik ezagutzen dugu elkar Oreka TX-ko lagunek, Aukeranekoek eta guk».

Taldeak hainbat formatutan egin du Garden diskoaren aurkezpenerako bira; batzuetan laukotean, eta sarritan kolaboratzailez inguratuta. Izan ere, hamaika musikari eta artistarekin aritu dira lanean, bi hamarkadatan.

Elkarlana, taldearen oinarri

Euskal Herrian ezagunak dira Alos Quarteteko kideak, eta musikari ugarirekin aritu dira lanean. Besteak beste, Zeberio Oskorriko biolin jotzailea izan da urte luzez. Taldea Ken Zazpirekin ere aritu izan da elkarlanean, baita Kepa Junkera trikitilariarekin ere.

Azken diskorako, berriz, bidelagun izan dituzte Eñaut Elorrieta eta Silvia Iriondo abeslariak, Harkaitz Cano idazlea eta Oreka TX. Diskoaz harago, gainera, Zeberiok uste du taldeak lortu duela oholtzan ere leku propioa egitea: «Garden ikuskizuna ezusteko jauzi bat izan da. Areto txikietan jotzen genuen lehen, eta oholtza handietan egiten ditugu emanaldiak orain, baina gure jatorrizko ezaugarriak albo batera utzi gabe». Indartsu dago taldea, eta badute gogoa 20. urteurrenerako egitasmo berezi bat antolatzeko. Zein eratan argi ez badute ere, taldekideak prest daude erronka berriei heltzeko.

Bien bitartean, Garden ikuskizunarekin lanean jarraituko dute, musika eta dantza tradizionala kutsu modernoekin uztartzen dituen saioa eskaintzen.

Sareko BERRIAzalea:

Udazkenean, BERRIAlagun egiteko pausoa eman dezazun, eskaintza bat egin nahi dizu BERRIAk. Herri baten kulturaren plaza da BERRIA. Kultur egitasmo, dinamika eta ekitaldi anitzen erakustoki. Euskal kulturaren inguruko informazioaren plaza handia. Azaroan eta abenduan, Euskaraldiak, Bertsolari Txapelketa Nagusiak eta Durangoko azokak hartuko dituzte, besteak beste, BERRIAren orrietako asko, paperean eta webgunean.

Albiste asko irakurriko dituzu, segur aski webgune honetan bertan. Eta eskari bat egin nahi dizugu: har ezazu konpromisoa irakurtzen duzunarekin. Irakurleen babes ekonomikoa funtsezkoa da BERRIAren etorkizuna ziurtatzeko.

Albiste gehiago

Nerea Ibarzabal kantuan, bertsokideak atzean dituela. ©BOB EDME

Lehoiaren ahoan sartu du burua

Miren Mujika Telleria

Nerea Ibarzabalek irabazi du Baionako saioa, eta, lehen itzuliko puntuak batuta, ia ziurtatua du Iruñerako sailkatzea. Datorren astean argituko da nortzuk ariko diren finalean
Michael Jacksonek 24 urte zituen <em>Thriller</em> kaleratu zuenean. ©BERRIA

Pop musika irauli zuen diskoa

Mikel Lizarralde

1982an argitaratu zuen Michael Jacksonek 'Thriller', eta, 40 urte geroago, historian gehien saldutako diskoen artean segitzeaz gain, kantariaren obra nagusia da. Hainbat bitxikeriarekin berrargitaratu berri dute.
'Bilketa.eus' atariko pantaila irudi batzuk ©BERRIA

Artxiboetan barna sartzeko

Iñaki Etxeleku - Ipar Euskal Herriko Hitza

Baionako mediatekak zutik eman 'Bilketa.eus' ataria berritu dute. 26.000 dokumentu biltzen ditu digitalizaturik, eta ikerketa bide berriak eskaintzen ditu. Bilatu nahi den hitz oro kausi daiteke edozein dokumentutan. Liburu zaharrak, ikonografiak, prentsa zaharra… denetarik atzeman daiteke.

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.

Iruzkinak kargatzen...