Albistea entzun

Indarrak batzetik harago

Herri mugimenduen arteko indar metaketa eta aliantzak aztertzeko, bideo-elkarrizketa sorta bat osatzen ari da fundazioa. Irungo Lakaxitako eta harrera sareko kideekin egin dituzte lehenak.

Edurne Begiristain -

2019ko ekainak 26

Azken urteotan, Joxemi Zumalabe fundazioan borroka moldeen inguruan gogoeta egiteko aukera izan dute. Herri mugimenduen arteko elkar ezagutzeaz eta elkarlanaz aritu dira. Saretzeko eta elkarlanean aritzeko dauden zailtasunak eta hobetu beharrekoak aztertu, eta aliantza eta elkarlan politikoen helburuen inguruan gogoeta egin dute. Gogoeta horren guztiaren lagin bat sarean ikus daiteke, fundazioa aliantzen inguruko elkarrizketa sorta bat ematen hasi baita bideo formatuan, Argia aldizkariarekin elkarlanean.

Aliantzak borroka diferenteen arteko indar metaketa gisa ikusi ohi dira. Indar metaketa horien bitartez, gizartean eragiteko gaitasuna handitzen da, eta neurri berean egiten du gora, beraz, eraginkortasun politikoak ere. Euskal Herrian oso presente daude herri mugimendu, kolektibo eta taldeen arteko aliantzak, eta horiek balioetsi nahi dituzte Joxemi Zumalabekoek elkarrizketa sortarekin. «Gaur egungo kultura politikoan oso presente dago elkarrekin lan egitea, aliantzak egitea. Guretzat interesgarriak dira horien ingurukoak jakitea», azaldu du Marta Luxan fundazioko kideak.

Aliantzak osatzea aberasgarria dela uste dute. Joxemi Zumalabe fundazioak azken urteotan egindako gogoetaren ondorioetako bat da aliantza eta elkarlan politikoak eragileen arteko «inertzia» eta «harremanen eraldaketarako» bitartekoak direla. Kolektiboen arteko kooperazioa, elkarren ezagutza eta bata bestearen borroka eta egoerarekiko enpatia indartzeko tresna bat dela uste dute, eta, beraz, aliantzek eztabaidarako aukera ematen dutela. Besteen «betaurrekoetatik» begiratzeko eta beste errealitate batzuk ezagutu eta ulertzeko tresna iruditzen zaie. Eta horrek badu bestelako ondorio bat: norberaren posizioak aztertzera eta norbere burua kokatzera eramaten du sarritan.

Bi elkarrizketa sarean
Lehen bi elkarrizketak sarean daude jada: Irungo Lakaxita gune okupatuko eta Harrera sareko kideekin egin dituzte. Ez dira bakarrak izango. Fundazioko kideek jakinarazi dute hurrengo elkarrizketa gerraren aurka eta mugimendu antimilitaristaren barruan sortutako aliantzen ingurukoa izango dela. Asmoa dute, halaber, sektore feminizatuetako borroken aliantzen inguruan jarduteko, erresidentzietako ordezkariekin eta etxeko langileekin hitz eginda, eta baita hiri ereduaren inguruko aliantzak aztertzeko ere, auzo elkarte ezberdinak elkarrizketatuta.

Elkarrizketokin, zenbait eragileren arteko aliantzen eta elkarlan politikoaren argi-ilunak agerian utzi nahi dituzte. Gihar politikoa sendotzeko eta elkarren ezagutza sustatzeko aukera ematen dutelako, baina, aldi berean, gatazkak, mesfidantzak, beldurrak edota instrumentalizazioa ere sor ditzaketelako. Joxemi Zumalabeko kideek arazo eta erronka horiek guztiak plazara ekarri nahi dituzte elkarrizketen bitartez. «Ariketa polita da», azaldu du Ainhoa Narbaizak. «Fundazioaren barruan oso aukera gutxi ditugu gure kezkak eta esperientziak trukatzeko, eta orain norberaren esperientziak partekatzeko aukera zabaltzen ari gara».

Sareko BERRIAzalea:

Udazkenean, BERRIAlagun egiteko pausoa eman dezazun, eskaintza bat egin nahi dizu BERRIAk. Herri baten kulturaren plaza da BERRIA. Kultur egitasmo, dinamika eta ekitaldi anitzen erakustoki. Euskal kulturaren inguruko informazioaren plaza handia. Azaroan eta abenduan, Euskaraldiak, Bertsolari Txapelketa Nagusiak eta Durangoko azokak hartuko dituzte, besteak beste, BERRIAren orrietako asko, paperean eta webgunean.

Albiste asko irakurriko dituzu, segur aski webgune honetan bertan. Eta eskari bat egin nahi dizugu: har ezazu konpromisoa irakurtzen duzunarekin. Irakurleen babes ekonomikoa funtsezkoa da BERRIAren etorkizuna ziurtatzeko.

Albiste gehiago

Nerea Kortajarena EH Bilduko legebiltzarkidea hitz egiten hasi aurretik, atzo. ©BERRIA

EAJk eta PSEk oposizioaren zenbait zuzenketa partzial onartuko dituzte

Xabier Martin

30 milioi euroren balioa dute aurrera aterako diren proposamenek. EH Bilduk dio «errealitateak aurrean eraman» duela gobernua. EP-IUk «EAJren eredu politikoari» egin dio osoko zuzenketa
 ©GUILLAUME FAUVEAU

Ezkerreko abertzaleen Bil Gaiten talde politikoa aurkeztu dute 27 hautetsik

Ekhi Erremundegi Beloki

EH Baiko hautetsiek bultzatu dute elkargoko taldea, baina guziak ez dira barne izango. Hautetsien lana «errazteko» beharra nabarmendu dute

Aingeru Zudairek begi bateko ikusmena galdu zuen pilotakada baten ondorioz, artxiboko irudia ©Jagoba Manterola / Foku

Aingeru Zudaireren kasua aztertu zuen epailea Gironara lekualdatu dute

Isabel Jaurena

Fermin Otamendi magistratuak Nafarroako zenbait kasu esanguratsuren ikerketan parte hartu du: garbitzaileen sektoreko protesten ondorioz egon ziren atxiloketak, 'Osasuna auzia', 'Cervera auzia', 'Davalor auzia' eta Aingeru Zudaireren kasua.

Peio Etxeleku, lehen planoan, Elkarrekin Herriarentzat taldearen aurkezpenean. ©BOB EDME

«Pisua izan nahi dugu erabakietan, zatitu gabe»

Ekhi Erremundegi Beloki

Euskal Hirigune Elkargoan ikusten dituzten «akatsak» konpontzeko «kontsentsuak» lortu nahi ditu Etxelekuk talde politikoa sortuta. Baina «gehiengoak mugitu» daitezkeela dio.

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.

Iruzkinak kargatzen...

Izan BERRIAlaguna

Hitzen, ekintzen eta errimen eztanda. Herri bat BERRIAren kulturaren plazan. Baliatu udazkenean BERRIAlagun egiteko eskaintza.