Albistea entzun

ANALISIA

Sturgeonen apustu arriskutsua

Ander Perez Zala -

2022ko azaroak 27

Eskoziako Parlamentuak ez du eskumenik Londresen baimenik gabe independentzia erreferendum bati buruzko legeak egiteko, galdeketa hori kontsulta modukoa baldin bada ere. Erabaki horrekin, Erresuma Batuko Auzitegi Gorenak argitasun pixka bat eman dio eztabaida politikoari, baina, finean, ez du eragin eta, printzipioz, ez du eragingo aldaketarik alderdien jarreretan. Testuinguru horretan, Nicola Sturgeon Eskoziako lehen ministroak bere burua behartuta ikusi du bide orriaren hirugarren puntura mugitzera: Erresuma Batuko Komunen Ganberarako hurrengo bozak de facto erreferendum bilakatzea. Duela gutxi arte, hori egitea «unionisten tranpa batean» erortzea zen, baina, egun, aukera gutxi geratzen zaizkiola jakitun dagoela, Sturgeonek apustu arriskutsu horren menpe jarri du bere ibilbide politikoak bizirik irautea.

Galdera asko daude estrategia horren inguruan. Berez, SNP Eskoziako Alderdi Nazionalak gutxienez botoen %50,1 lortzea litzateke arrakasta izatea, baina Sturgeonek asteon ez du ezer argitu horretaz, eta esan du SNPren ezohiko kongresu batean zehaztuko dutela zer egin, Eskoziako lehen ministroak hainbatetan errepikatu duen modura, nazioartearen aitortza eta zilegitasuna lortzeko. Alderdi Berdeak esan du estrategia hori izango duela; indar unionistek, aldiz, ez.

Egiari zor: %50,1era iristea oso zaila izango da, are gehiago soilik SNPren aldeko botoak kontuan hartuta. Alderdi horren emaitzarik onena, kasurako, kopuru horretatik gertu egon zen —2015ean, %49,97—, baina, harrezkeroztik, ez du lortu babes maila horretara itzultzea, eta, hortaz, apustua arriskutsuegia izan liteke Eskoziako lehen ministroarentzat. Zergatik? Besteak beste, kopuru horretara iritsiko ez balira unionistek beste argudio bat izango luketelako —aferak ezin duela gehiago aurrera egin—, eta independentistek, beste porrot bat. Kontrako eragina izango luke, hortaz.

Bada beste faktore bat ere hauteskunde horiekin zerikusia duena: inkesta guztien arabera, Keir Starmer Alderdi Laboristaren buruzagia izango dela Erresuma Batuko hurrengo lehen ministroa; agian, aulkien gehiengo osoa bilduta. Horrek ezer aldatuko al du galdeketaren auzian? Printzipioz, ez, baina ikusteko dago.

Gakoa, arazoa politikoa denez, Erresuma Batuko Gobernuaren jarrera aldaketan baitago. Eta SNPk Komunen Ganberarako bozez dioenaren zain, argi baitago horiek de facto bilakatzeak ez duela ondorio praktikorik izango. Bakarra, agian, Londresekiko presioa handitzea, betiere galdeketa hori irabazita; baina zergatik aldatu iritzia, oraindik ere funtzionatzen badio gaur arteko argudioak, hots, 2014ko erreferendumak auzia belaunaldi oso batentzat konpondu zuelakoak?

Hori bai, argi dago batasunaren aldekoek argudio politiko gehiago beharko dituztela, eta ezin diotela betiko eutsi beto legal horri. Argudio gehiago behar dituzte, eta azkar, gainera; batez ere, eztabaida irabazteko.

Independentistentzat, aldiz, Eskoziako lehen ministroaren planak balioko du kanpaina ideia baten inguruan egiteko, hala nolako batasunari eusteko eta denek zerbaiten inguruan lan egiteko. Edonola ere, egun, Sturgeon dago egoera pertsonalik eta politikorik larrienean: zeren, apustuak huts egiten badu, estrategia eta lidergo berrirako garai bat abiatuko baita.

Sareko BERRIAzalea:

Irakurri berri duzun edukia eta antzekoak zure interesekoak badira, eskari bat egin nahi dizugu: Berria diruz babestea.

Zuk eta zure gisako sareko milaka irakurlek egindako ekarpenarekin, eduki gehiago eta hobeak sortuko ditugu. Eta, zuekin osatutako komunitateari esker, publizitateak eta erakundeen laguntzek bermatzen ez diguten bideragarritasuna lortuko dugu.

Euskarazko kazetaritza libre, ireki eta konprometitua eskaini nahi dizugu egunero; bizi zaren munduaren eta garaiaren berri ematen segitu.

Albiste gehiago

Ponsati Generalitateko kontseilari ohia, Puigdemont presidente ohia, Puig kontseilari ohia eta Boye abokatua, atzo, Bruselan. ©LEO RODRIGUEZ / EFE

Erbesteratu katalanak Espainiaratzea baztertzeko irizpideak, zehaztuta

Gorka Berasategi Otamendi

EBko Justizia Auzitegiak ebatzi du Belgikak Espainiako justiziaren «gabezia sistemiko bat» frogatu behar duela haren euroagindu bat baztertzeko. Ez da guztiz lerratu, ez independentistekin, ez Llarenarekin
AEBetako gerra abioi batzuk, Ozeano Atlantikoko hegazkinontzi batean. ©STEPHANIE LECOCQ / EFE

Ukrainara gerra abioiak bidaltzearen aurka agertu da, oro har, Mendebaldea

Igor Susaeta

Borrokarako hegazkinak Kievi entregatzea aztergai dute, baina aliatuek ez dute jarrera bateraturik. AEBek eta Berlinek ezetz esan dute
Carles Puigdemont (erdian) Luxenburgoko auzitegiaren epaia baloratzen, gaur, Europako Parlamentuan, inguruan Clara Ponsati, Gonzalo Boye, Lluis Puig eta Toni Comin dituela. ©Berria

Erbesteratu katalanek ezingo dituzte Belgikaren argudioak erabili Llarenaren euroaginduak baztertzeko

Gorka Berasategi Otamendi

Europako Batasuneko Justizia Auzitegiak ebatzi duenez, batasuneko estatu kide batek ezin dio uko egin beste kide baten euroagindu bati, frogatu ezean azken horrek sistematikoki urratzen dituela eskubideak.

AEBetako F-16 hegazkin batzuk ariketa militarrak egiten Hego Korean ©EFE

Ukrainara gerra abioiak bidaltzearen aurka agertu da, oro har, Mendebaldea

Igor Susaeta

Auzia mahai gainean dago, baina Mendebaldeak ez du jarrera bateraturik. Macronen arabera, hainbat aldagai hartu beharko lirateke kontuan borrokarako hegazkinak entregatzeko.

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.

Iruzkinak kargatzen...

Izan BERRIAlaguna

Zure babes ekonomikoa ezinbestekoa zaigu euskarazko kazetaritza independente eta kalitatezkoa egiten segitzeko.