Albistea entzun

Frantziako Asanblearako bozak. Bigarren itzulia

Macronen gehiengo ziurgabea

Bi itzulien arteko kanpainak Frantziako presidentearen aliantza ahuldu du, eta Asanblean 289 aulkira iristeko helburua are gehiago zaildu dio. Ezkerra, printzipioz, oposizioko lehen indarra izango da
Emmanuel Macron Frantziako presidentea, herenegun, Suresnesen (Frantzia), Charles de Gaulle jeneralak 1940an Londrestik eginiko agerraldiaren 82. urteurren ekitaldian.
Emmanuel Macron Frantziako presidentea, herenegun, Suresnesen (Frantzia), Charles de Gaulle jeneralak 1940an Londrestik eginiko agerraldiaren 82. urteurren ekitaldian. GONZALO FUENTES / EFE Tamaina handiagoan ikusi

Ander Perez Zala -

2022ko ekainak 19

Emmanuel Macron Frantziako presidentea eta Ensemble haren aliantza ahulduta daude. Ezkerra, NUPES Herri Batasun Ekologista eta Sozial Berrian elkartu dena, aurkaria baino askoz ere pozago dago, kolokan jarri dituelako botereak 25 urteotan izan dituen oinarriak. Macronek ez baitu gehiengo osorik bermatua Asanblean, Frantziako presidentea eta haren aliatuak ziurgabetasunean murgilduta baitaude datorren legealdirako erabakigarriak diren behe ganberarako bozen bigarren itzuliari begira.

Lehen itzulitik astebete pasatu den honetan, hauteskundeek utz dezaketen balizko paisaiak aldaketa esanguratsu bat jasan du: Ensemblek geroz eta aukera gutxiago dituela eserlekuen gehiengo osoa lortzeko, eta NUPESek geroz eta ordezkaritza handiagoa bilduko duela; betiere, oposizioko lehen indar gisara.

Batez beste, inkestek 255 eta 305 diputatu artean ematen dizkiote Macronen aliantzari —gehiengo osoa 289koa da—, eta 140 eta 210 artean ezkerrarenari. Hau da, Frantziako presidentea aukera gehiago ditu gehiengo osoa ez izateko hori lortzeko baino; hortaz, hori beteko balitz, NUPESek bere helburuetako bat lortuko luke: Frantziako politika parlamentarizatzea.

Horrek, ezinbestean, berekin ekarriko luke Macronek aliantzak negoziatu beharko lituzkeela —edo konstituzioaren 49.3. artikulua erabili beharko lukeela— bere neurriak onarrarazteko; tartean, erretreten erreforma gatazkatsua. Eta hori da Frantziako presidentearen beldurra: agian ezin izango duela iragan agintaldian bezala jardun.

Horregatik, Macronen aliatuak «Frantzia gobernaezinaren» mamua astintzen aritu dira asteon, eta ez dute erabat argitu lehia ezkerraren eta eskuin muturraren artekoa den 68 hautesbarrutietan noren alde bozkatzera deitu duten; horrek, beste behin ere, ahuldu egin du ultraeskuinaren garaipenak eragozteko osatzen den fronte errepublikanoa, eta are gehiago okertu du Ensembleren eta gobernuaren irudia. Kontrara, NUPESek behin eta berriz eskatu du RN Batasun Nazionalaren hautagaiei botorik ez emateko Frantziako presidentearen aliantzaren diputatugaia parean izango duten 108 barruti elektoraletan.

Egiazko lehia, ordea, Ensemble eta ezkerraren aliantza aurrez aurre dauden 270 hautesbarrutietakoa izango da, batez ere horien emaitzen arabera beteko baitu Macronek 2017ko gehiengo osoa berreskuratzeko helburua.

Hain justu, horietan badu abantaila bat Frantziako presidenteak, teorian boto erreserba bat duelako: besteak beste, lehen itzulian LR Errepublikanoen hautagaien alde egin zuten boto emaileek gaurko bigarren itzulian haren aliantzakoen alde egingo dutela. NUPESek, berriz, ez du horrelakorik, eta egunotako itxaropen bakarra abstentziora jo zutenak konbentzitzea izan du —parte hartzea %47,51koa izan zen iragan igandean—; batez ere, gazteak.

Asteotako lehia Macronen aliantzaren eta ezkerrarenaren artekoa izan da, horretatik kanpo geratu baitira LR eta RN. Eskuin tradizionalaren kasuan, ahalik eta ordezkaritzarik handiena lortzea du helburu, batez ere datorren legealdian pisua eta eragina izateko Ensemblek gehiengo osoa lortuko ez balu; inkestek 60 eta 80 aulki artean eman dizkiote LRk eta UDI Demokraten eta Independenteen Batasunak osatu duten aliantzari.

Marine Le Penen RNk, berriz, hogei eta 50 diputatu artean lortuko lituzke, eta talde parlamentario bat osatuko luke berriz ere.

Sareko BERRIAzalea:

Udazkenean, BERRIAlagun egiteko pausoa eman dezazun, eskaintza bat egin nahi dizu BERRIAk. Herri baten kulturaren plaza da BERRIA. Kultur egitasmo, dinamika eta ekitaldi anitzen erakustoki. Euskal kulturaren inguruko informazioaren plaza handia. Azaroan eta abenduan, Euskaraldiak, Bertsolari Txapelketa Nagusiak eta Durangoko azokak hartuko dituzte, besteak beste, BERRIAren orrietako asko, paperean eta webgunean.

Albiste asko irakurriko dituzu, segur aski webgune honetan bertan. Eta eskari bat egin nahi dizugu: har ezazu konpromisoa irakurtzen duzunarekin. Irakurleen babes ekonomikoa funtsezkoa da BERRIAren etorkizuna ziurtatzeko.

Albiste gehiago

 ©JAGOBA MANTEROLA / FOKU

«Gerra apartekoa da antolaketa sozial bat ezartzeko»

Igor Susaeta

Gerra erregimenaren eskema gobernatzeko eredu gisa aplikatzeak eragiten dituen egoerez eta ondorioez ohartarazi du Sanchez Cedillok 'Esta gerra no termina en Ucrania' liburuan.
NATOk berretsi du «behar beste denboraz» lagunduko diola Ukrainari

NATOk berretsi du «behar beste denboraz» lagunduko diola Ukrainari

Mikel O. Iribar - Igor Susaeta

Aliantzaren helburuetako bat da Putinek «irabazten ez duela bermatzea». G7ko herrialdeek adostu dute Ukrainako gerra krimenen ikerketak koordinatzeko sare bat egitea
Jiang Zemin, 2007ko argazki batean. / ©MICHAEL REYNOLDS, EFE

Jiang Zemin hil da, 1993tik 2003ra Txinako presidente izandakoa

Jon Ordoñez Garmendia

Tiananmen plazako protesten ostean hartu zuen kargua, eta Alderdi Komunistan merkatu ekonomia sozialista kontzeptua txertatu zuen.

Raisi Irango presidentea eta Al-Sudani Irakeko lehen ministroa, atzo. ©EFE

Irakek ez du utziko «Irakeko lurraldetik» Irani eraso diezaioten

Ander Perez Zala

Bi herrialdeetako agintariak elkartu egin dira kurduez eta eskualdeko segurtasunaz aritzeko. Harremanak «hobetzea» adostu dute

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.

Iruzkinak kargatzen...

Izan BERRIAlaguna

Hitzen, ekintzen eta errimen eztanda. Herri bat BERRIAren kulturaren plazan. Baliatu udazkenean BERRIAlagun egiteko eskaintza.