Albistea entzun

Proposamenak

Auzo-herriak hauspotuz

Gipuzkoako eta Nafarroako hogei nekazari eta eskulangileren postuak egongo dira gaur Lekunberriko azokan. Tailerrak eta antzinako ogibideen erakustaldiak ere egingo dituzte
Iazko azokako postu bat.
Iazko azokako postu bat. PLAZAOLA Tamaina handiagoan ikusi

Izaro Zinkunegi Barandiaran -

2019ko abuztuak 18

Eskulangintza eta nekazaritza; bi lanbide plaza berean. Lekunberrik (Nafarroa) hartuko ditu biak gaur, nekazaritza azoka eta Plazaolako eskulangileen feria egingo baitituzte herrian. Azokez gain, tailerrak, erakustaldiak, bisita gidatuak eta kirol ikuskizunak ere egingo dituzte. Plazaolako Turismo Partzuergoak eta Andoaingo (Gipuzkoa) eta Lekunberriko Udalek antolatu dute.

Gipuzkoako eta Nafarroako hogei nekazari eta eskulangilek jarriko dituzte postuak azokan; 10:00etan hasiko da, eta 15:00 arte egongo da irekita. Eskuz ondutako elikagaien, arropen, lanerako tresnen, ukenduen eta beste hainbat produkturen erakusleiho bihurtuko da Iturritak kalea.

Eskulangileen lana bertatik bertara ezagutzeko aukera ere izango da; hain zuzen, taloak eta oihalak egiten ikasteko tailerrak egingo dituzte, 10:00etan eta 11:00etan, hurrenez hurren. Antzinako ogibideen erakustaldiak ere izango dira.

Plazaolako meatze trenak Gipuzkoa eta Nafarroa lotu zituen hainbat urtez. Plazaolako eskulangileen azoka ere bi lurraldeetako eskulangileen topagunea da. Iaz egin zuten lehenengoz Andoainen, ekoizleak elkartzeko eta bertako produktuen salmenta zuzena bultzatzeko xedez. Aurten Lekunberrik hartuko dio lekukoa.

Nekazaritza Azoka eta Plazaolako II. Eskulangileen Feria

Gaur, 10:00etan hasita, Lekunberrin (Nafarroa).

Sareko BERRIAzalea:

Irakurri berri duzun edukia eta antzekoak zure interesekoak badira, eskari bat egin nahi dizugu: Berria diruz babestea.

Zuk eta zure gisako sareko milaka irakurlek egindako ekarpenarekin, eduki gehiago eta hobeak sortuko ditugu. Eta, zuekin osatutako komunitateari esker, publizitateak eta erakundeen laguntzek bermatzen ez diguten bideragarritasuna lortuko dugu.

Euskarazko kazetaritza libre, ireki eta konprometitua eskaini nahi dizugu egunero; bizi zaren munduaren eta garaiaren berri ematen segitu.

Albiste gehiago

Maddalen Arzallusek eta Xabier Sukiak aurkeztuko dute 2022ko lehen saioa ETB1en: <em>Biba 2022!</em>. ©EITB

ETBren kanpaiak, Gasteiztik

Urtzi Urkizu

ETB1en Ainhoa Etxebarriak, Aitziber Garmendiak eta Yerai Diezek aurkeztuko dituzte kanpaiak

 ©GORKA RUBIO / FOKU

«Ekialdean berariaz zaindu dute xakea»

Gorka Erostarbe Leunda

Jolasa eta jokoa. Lehia eta estrategia, baina baita zientzia, artea, poesia eta bizitza ere. Guztiak islatzen ditu xakeak. Alderdi horiek bildu ditu Berasaluzek '64 begirada. Xake taularen zuri-beltzean' lanean.
Daliren maskara biral egin da. ©NETFLIX

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.