Albistea entzun

Mobilizazio ziklo bat iragarri du etxebizitzaren aldeko egitasmoak

Zenbait eragilek loaldia egin dute Gasteizko Plaza Berrian. Hiriko udal gobernua egin dute gaur egungo egoera «onartezinaren» erantzule

Iosu Alberdi -

2022ko irailak 25

Etxebizitzaren Aldeko eta Bazterkeria Sozialaren Kontrako Gasteizko Ekimenak deituta, zenbait herritarrek hiriko Plaza Berrian igaro zuten ostiral gaua, gizarte larrialdietako zerbitzuen «eskasia» eta etxerik gabeko pertsonen egoera salatzeko. Antolatzaileen esanetan, gaur egungo egoera Gasteizko Udalak «hitzetatik ekintzetara pasatzeko duen borondate politikorik ezaren» ondorio da, eta horri aurre egiteko mobilizazio ziklo «bizi» bat iragarri dute: «Ez gara isilduko injustizien aurrean».

Ostiral arratsaldean ekin zioten, eta ehun lagun inguru batu ziren gaueko batzarrean; tartean, hiriko zenbait gizarte eragiletako kideak. Antolatzaileen arabera, bileran behin eta berriz esan zuten udal gobernuak ez diela erantzun beren eskaerei. Egoera «onartezina» dela salatu zuten, eta egoera horren adierazgarri diren zenbait adibide eman. Besteak beste, udalari leporatu zioten «txiroak hiritik irtetera bultzatzeko» autobus txartelak ordaindu izana eta larrialdi zerbitzuetara eskatzera joaten direnei aterpea eta janaria ukatu izana.

«Tratu txarrak»

«Ezin ditugu ahaztu azken urteetan gertatutako hainbat egoera, etxerik gabeko pertsonak lo egiten zuten tokietatik botatzeko helburua zutenak», azaldu zuten atzo goizean egindako prentsaurrekoan. Besteak beste, udalari gaitzetsi zioten Arriaga ermitan eta hiriko musika kontserbatorioan hesiak jarri dituztela, etxegabeei bertan egotea eragozteko: «Praktika horiek, zalantzarik gabe, tratu txar instituzionalak dira».

Azken finean, eragileek uste dute gaur egungo politikek «bai prekaritatea eta bai baliabide falta» betikotzen dituztela: «Gizarte kapitalista honetan, etxebizitza negozio bihurtu da, non espekulatzaileak biztanleriaren gehiengoaren kontura aberasten diren». Kritikatu zuten oraingo gizarte ereduan «bizitzak hipotekatzea» dela etxebizitza bat lortzeko bide bakarra, eta aldaketak eskatu zituzten hala izan ez dadin. Bide horretan, iragarri zuten atzokoa «mobilizazio dinamika baten hasiera» izan zela.

Sareko BERRIAzalea:

Udazkenean, BERRIAlagun egiteko pausoa eman dezazun, eskaintza bat egin nahi dizu BERRIAk. Herri baten kulturaren plaza da BERRIA. Kultur egitasmo, dinamika eta ekitaldi anitzen erakustoki. Euskal kulturaren inguruko informazioaren plaza handia. Azaroan eta abenduan, Euskaraldiak, Bertsolari Txapelketa Nagusiak eta Durangoko azokak hartuko dituzte, besteak beste, BERRIAren orrietako asko, paperean eta webgunean.

Albiste asko irakurriko dituzu, segur aski webgune honetan bertan. Eta eskari bat egin nahi dizugu: har ezazu konpromisoa irakurtzen duzunarekin. Irakurleen babes ekonomikoa funtsezkoa da BERRIAren etorkizuna ziurtatzeko.

Albiste gehiago

Aritzetako zerbitzugune batean bota dituzte hondakinak. ©MAIALEN ANDRES / FOKU

AP-8ko zaborrak urteetan bota dituzte Usurbilgo mendialde batean, baimenik gabe

Iñaki Petxarroman Jone Arruabarrena

Kontratuaren baldintzak ez betetzea, lan baldintzei eta naturari kalte egitea, eta azpikontratetan ezkutatzea egotzi die ELAk Bidelan osatzen duten Transitia eta Campezori
Zenbait aplikazio eta streaming plataforma, artxiboko irudi batean. ©BERRIA

Euskara, pantailetan lauso

Irati Urdalleta Lete

Euskara bazterrean dago pantailetan ere: esaterako, Pantailak Euskaraz taldeak emandako datuen arabera, streaming plataformetako 26.000 edukitatik %0,1 ere ez daude hizkuntza horretan. Eskatu du legez arautzeko euskarak pantailetan izan behar duen presentzia.
Bilbon eguerdian egindako manifestazioa jendetsua izan da. ©MARISOL RAMIREZ / FOKU

Sindikatuen arabera, hezkuntzako greban %60ko parte hartzea izan da

Irati Urdalleta Lete Gotzon Hermosilla

Jaurlaritzak, berriz, esan du irakasleen %35,2k egin dutela greba. Langileek hezkuntza legearen aurreproiektuaren kontra egin dute, eta «hezkuntza publiko, propio eta euskalduna» aldarrikatu

Mexikoko koral arrezifeak kaltetuta daude turismoarengatik (artxiboko irudia). ©OCEANUS

Lurraren %30 babestu behar litzateke naturaren onurei eusteko

Isabel Jaurena

Babestu beharreko «aktibo natural kritikoak» identifikatu dituzte Unai Pascualek parte hartu duen ikerketa batean. Ongizatean eragiten duten ekosistemak dira

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.

Iruzkinak kargatzen...

Izan BERRIAlaguna

Hitzen, ekintzen eta errimen eztanda. Herri bat BERRIAren kulturaren plazan. Baliatu udazkenean BERRIAlagun egiteko eskaintza.