Albistea entzun

Lurralde proiektuari buruzko eztabaida, funtsezko kexen adierazle

Euskal Hirigune Elkargoaren batzarrean funtzionamenduari buruz eztabaidatu dute. Konpentsazio legea onartu dute, ia aho batez
Euskal Hirigune Elkargoko batzarra, atzo.
Euskal Hirigune Elkargoko batzarra, atzo. GUILLAUME FAUVEAU Tamaina handiagoan ikusi

Oihana Teyseyre Koskarat -

2022ko uztailak 10 - Baiona

Ordu anitzetako eztabaidak izan zituzten atzo Euskal Hirigune Elkargoko hautetsiek. 48 gai zituzten aipagai; lehenetarik, etxebizitza turistikoak mugatzeko konpentsazio araudi moldatua bozkatu zuten. Hautetsien %98k egin zuten alde. Izan ere, martxoan jada bozkatua zuten legea, baina, Paueko Auzitegian jarritako helegite baten ondorioz, moldaketa batzuk eginik berriz bozkatu zuten atzo. Konpentsazio legea, baina, ez zen aipatu zuten gai bakarra izan. Izan ere, Ipar Euskal Herrirako diseinatu duten lurralde proiektua —2021 eta 2026 urte bitarteko bide orria da— aurkeztu zuen Jean Rene Etxegarai lehendakariak. Hautetsien artean eztabaida handiak izan ziren, eta lurralde proiektuari buruzko eztabaida behar zuena elkargoaren funtzionamenduari buruzko auzia izan zen.

Konpentsazio legeari dagokionez, Herrian Bizi plataformak berehala txalotu zuen erabakia, eta iragarri zuen ondoko asteetan manifestazio bat antolatuko dutela etxebizitza eskubideen defentsarako. «Sekula baino gehiago, mobilizatuak gelditzen gara herrialdean bizitzeko eskubidearen alde, eta ondoko egunetan jakinaraziko dugu eskubide hori aldarrikatzeko antolatua izanen den hurrengo manifestazio jendetsuaren data». Azkena iragan azaroan egin zuten, Baionan.

Lurralde proiektuaren harira, hainbat hautetsik sekretupeko bozka galdegin zuten, besteak beste, Egoitz Urrutikoetxea Lexantzüko (Zuberoa) auzapezak. Beste batzuek bozketa gibelatzeko eskatu zuten, gai ordena luzeegi zela-eta, eta argudiatuta «gai inportanteak hainbeste gairen artean galtzen» zirela. Ezezkoa eman zien Etxegaraik. Peio Etxeleku Kanboko (Lapurdi) hautetsiak, berriz, txostenean erabakien «zentralismoa» eta «irudi ederrez jantzitako teknokrazia» ikusten zituela adierazi zuen, eta kontra bozkatzera deitu zuen. Orduan, Baionako hautetsi Mathieu Bergek hartu zuen hitza: «Demagogiaz eta klientelismoz funtzionatzen duen sistema hau aldatu behar dugu». Hitz horiek, hain zuzen, elkargoaren funtsezko funtzionamenduari buruzko eztabaida piztu zuten. Etxegaraik berak Bergeri leporatu zion «Baionako herriko politika egitea elkargoan». Izan ere, Baionako auzapeza ere bada Etxegarai, eta oposizioan da Berge.

Metodoa, zalantzan

Baigorriko hautetsi Antton Kurutxarri ere (Nafarroa Beherea) kexu mintzatu zen: «Zer gertatzen da? Bata bestearen beldur al gara?», galdetu zuen. Sekretupeko bozketa «ulertezina» zaiola esan, eta «hautuak asumitzeko» eskatu zien hautetsiei. Gisa berean, Maider Aroztegi Miarritzeko auzapezak (Lapurdi) ez du uste «klientelismorik dagoenik»; «lobby lana normala da politika arloan. Bata bestea konbentzitzeko ahaleginetan ari gara etengabe». Hautetsi batzuek, bestalde, lurralde proiektuan parte hartze eskasa izan dutela egotzi zioten Etxegarairi. Aroztegik honela erantzun zien: «Ez gara herrietako politika egiten ari, elkargoan ari gara».

Lurralde proiektuarekin batean, heldu diren urteetarako herriarteko fiskalitatea eta ondoko urteetako inbertsio planaren inguruko eztabaida ere izan zuten hautetsiek. Horien lanketari buruzkoak izan ziren eztabaidak batik bat. Etxegaraik adierazi zuen kritikak «entzun» zituela, baina esan zuen batzuen kritikak «borondate txarrekoak» zirela.

Finean, hiru oreneko eztabaidaren ondotik, hautetsiek sekretupeko bozketa egin zuten. Ohikoa baino boz gutxiagorekin onartu zituzten hiru puntu horiek: lurralde proiektuaren alde egin zuten hautetsien %66k. Herri arteko fiskalitate planak bozen %51 lortu zituen, eta urte askotako inbertsio plana, berriz, hautetsien %54k onartu zuten.

Sareko BERRIAzalea:

Udazkenean, BERRIAlagun egiteko pausoa eman dezazun, eskaintza bat egin nahi dizu BERRIAk. Herri baten kulturaren plaza da BERRIA. Kultur egitasmo, dinamika eta ekitaldi anitzen erakustoki. Euskal kulturaren inguruko informazioaren plaza handia. Azaroan eta abenduan, Euskaraldiak, Bertsolari Txapelketa Nagusiak eta Durangoko azokak hartuko dituzte, besteak beste, BERRIAren orrietako asko, paperean eta webgunean.

Albiste asko irakurriko dituzu, segur aski webgune honetan bertan. Eta eskari bat egin nahi dizugu: har ezazu konpromisoa irakurtzen duzunarekin. Irakurleen babes ekonomikoa funtsezkoa da BERRIAren etorkizuna ziurtatzeko.

Albiste gehiago

Donostiako Renferen geltokia. ©GORKA RUBIO / FOKU

Beste geltoki bat aldiriko trenen transferentziaren lokarria askatzeko

Xabier Martin

Laster egingo dute Gasteizek eta Madrilek aldiriko trenen eskuduntza gerturatuko lukeen bilera

Beatriz Artolazabal eta Ramiro Gonzalez, gaur, Gasteizen ©L. Rico / Efe

Gasteizerako proiektu «kontinuista eta berritzailea» gidatuko duela esan du Artolazabalek

Edurne Begiristain

EAJren Arabako Lurralde Batzarrak Arabako hiru barrutietarako hautagaiak berretsi ditu gaur. EH Bilduk oniritzia eman die Arabako zortzi udalerrietako zerrendaburuei, eta Ahal Dugu-k hiriburuetako hautagaiak aurkeztu ditu.

Senpereko herriko etxeko oposizioak ere dimititu egin du

Senpereko herriko etxeko oposizioak ere dimititu egin du

Arantxa Iraola

Urrian hautetsi hainbatek utzi zuten kargua, auzapezaren kudeaketa ereduarekin kritiko

 ©MARISCAL / EFE

«EAJk 40 urtez egin duen politikan dabil EH Bildu orain»

Xabier Martin

Kupoaren bost urterako akordioa da EAJren legegintzaldiko mugarri nagusietako bat, Sagastizabalen arabera. Nafarroako trafiko eskuduntzari ongietorria egin dio.

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.

Iruzkinak kargatzen...

Izan BERRIAlaguna

Hitzen, ekintzen eta errimen eztanda. Herri bat BERRIAren kulturaren plazan. Baliatu udazkenean BERRIAlagun egiteko eskaintza.