Albistea entzun

«Praxi txarrak» antzeman dituzte Osasunbideko esklusibotasunean

Ustelkeriaren Aurkako Bulegoak ikerketa abiatu du LABek egindako salaketa ontzat emanda
Imanol Karrera LABeko kidea, atzoko agerraldian.
Imanol Karrera LABeko kidea, atzoko agerraldian. ION ORZAIZ Tamaina handiagoan ikusi

Ion Orzaiz -

2023ko maiatzak 26 - Iruñea

Sare publikoan soilik jarduteagatik osagarria kobratu, eta klinika pribatuan aritu. Osasunbidean, halakoak «praktika orokortuak» direla salatu zuen LAB sindikatuak iragan otsailean, eta hamar kasuren berri eman zion Jardunbide Egokien eta Ustelkeriaren Aurkako Nafarroako Bulegoari. Orain, erakunde horrek ebatzi du «egiazkotasun zantzuak» daudela sindikatuak eginiko salaketan, eta espediente bat ireki du, ustezko irregulartasunak argitzeko. Salatutakoa egia dela frogatuz gero, isunak jartzeko eta prozedura zigortzaileak abiatzeko gaitasuna du Ustelkeriaren Aurkako Bulegoak.

LABeko Imanol Karrerak salatu du ez direla kasu bakanak, eta Osasunbideak «ingeniaritza» erabiltzen duela kontratazioetan, «izendapen formalik gabe ere», sendagile batzuei zerbitzuburu funtzioak —eta horiei dagozkien soldata osagarriak— emateko, «sektore pribatuan lan egiten duten bitartean». Horregatik, Ustelkeriaren Aurkako Bulegoak ikerketa bat abiatu izana «lorpen handia» da, Karreraren irudiko: «Lehen urrats hau funtsezkoa da argitzeko ea diru eta zerbitzu publikoaren kontura eginiko praxi txarra ote den, MSN Nafarroako Sindikatu Medikoak ordezkatutako profesional batzuek urteetan garatua eta Nafarroako Gobernuak onartua».

Sindikatuak otsailean eginiko agerraldian salatu zuen «egitura osoan» atzeman zituztela esklusibotasunaren urraketak. Zalaparta mediatikorik handiena eragin zuen kasua izan zen Lizarrako Garcia Orcoyen ospitaleko Obstetrizia eta Ginekologia zerbitzuko buruarena. Fakultatibo horrek esklusibotasun osagarria kobratzen zuen (800-1.100 euro inguruko gehigarria), baina, LABek Nafarroako Gobernuko Funtzio Publikoan salatu zuenez, klinika pribatu batean egiten zuen lan. Nafarroako Gobernuak iragarri zuen espediente bat zabalduko zuela, kasua argitzeko.

Gobernuak uko egin zion Osasunbidean ikerketa orokor bat egiteari, halakoak «kasu bakanak» zirelakoan. Orain, Ustelkeriaren Aurkako Bulegoaren ebazpena jaso ostean, LABek esan du txosten horrek kolokan jartzen duela Nafarroako Gobernuaren bertsioa: «Bai Santos Indurain kontseilariak, bai Carlos Artundo Osasun zuzendari nagusiak aipatu zuten bi kasutan bakarrik atzeman zituztela esklusibotasuna bidegabeki kobratu izanaren zantzuak, eta LABen salaketa kritikatu zuten. Orain, ustelkeriaren aurkako erakundeak ohartarazi du zantzuak daudela esateko ez dela kasu bakar bat, ez bi, baizik eta kasu gehiago daudela».

Osagarria, 1992tik

Nafarroan, 1992. urtean erabaki zuten Osasunbideko sendagileei esklusibotasun klausula bat ezartzea eta, horren truke, soldata osagarri bat ematea. Medikuen oinarrizko soldataren %45-55 artekoa izan daiteke, kasuan-kasuan. Ordutik, sistema publikoan bakarrik egin dezakete lan, edo soldata osagarri horri uko egin —oso gutxi dira aukera hori hobetsi duten profesionalak—.

Sareko BERRIAzalea:

Irakurri berri duzun edukia eta antzekoak zure interesekoak badira, eskari bat egin nahi dizugu: Berria diruz babestea.

Zuk eta zure gisako sareko milaka irakurlek egindako ekarpenarekin, eduki gehiago eta hobeak sortuko ditugu. Eta, zuekin osatutako komunitateari esker, publizitateak eta erakundeen laguntzek bermatzen ez diguten bideragarritasuna lortuko dugu.

Euskarazko kazetaritza libre, ireki eta konprometitua eskaini nahi dizugu egunero; bizi zaren munduaren eta garaiaren berri ematen segitu.

Albiste gehiago

Zaldibarko zabortegia, iazko urtarrilean. ©ANDONI CANELLADA / FOKU

Zaldibarko zabortegia berriro erortzeko arriskua dagoela ohartarazi du Jaurlaritzak

Iñaki Petxarroman

Geologia y Geoteknia Larrea enpresak egindako ikerketa baten arabera, zabortegiaren oraingo segurtasun faktorea txikiagoa da 2020an erori zenekoa baino
 ©JON URBE / FOKU

«Gu beti egongo gara itunpekoen alde, nahiz eta gure ardatza, noski, eskola publikoa izan»

Irati Urdalleta Lete

Sailburuak uste du irakasgai batzuk ingelesez emateak ez diola «kentzen» euskarari. Haren esanetan, pausoak eman dituzte segregazioa murrizteko, eta asmoa dute bidea urratzen segitzeko.
Garbiñe Aranburu, atzean Irati Tobar duela, atzo egindako prentsaurrekoan. ©JON URBE / FOKU

Lanpostu publikoei eustea adostu dute Hezkuntza Sailak eta LABek

Iosu Alberdi

Hezkuntzako mahai sindikalean itundutakoa mahai sektorialetan jarraituko dute negoziatzen
EHUko Agurtzane Elordui eta Jokin Aiestaran ikertzaileak, atzo, Kontseiluak Bilbon egindako jardunaldietan. ©OSKAR MATXIN EDESA / FOKU

Sarea, Londresko kale eleaniztuna

Javi West Larrañaga

Gazteek sare sozialetan erabiltzen dituzten hizkuntza aldaerez hausnartu dute EHUko Agurtzane Elorduik eta Jokin Aiestaranek, Kontseiluak eta Jaurlaritzak Bilbon antolatutako jardunaldietan.

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.

Iruzkinak kargatzen...