Albistea entzun

Bardella hautatu dute Batasun Nazionaleko presidente

Hautagai ofizialista izan da eskuin muturrekoen primarioetan. Le Penek esan du «mobilizatuta» segituko duela Frantzia «zuzendu arte»
Jordan Bardella Batasun Nazionaleko presidente berria Marine Le Pen besarkatzen, atzo, Parisen.
Jordan Bardella Batasun Nazionaleko presidente berria Marine Le Pen besarkatzen, atzo, Parisen. TERESA SUAREZ / EFE Tamaina handiagoan ikusi

Igor Susaeta -

2022ko azaroak 6

Batasun Nazionala eskuin muturreko alderdiak Jordan Bardella hautatu du presidente. Beraz, 1972an indar politikoa sortu zutenetik —Fronte Nazionala izena eduki zuen 2018ra arte—, aurreneko aldiz ez du Le Pen familiako norbaitek zuzenduko. Nolanahi ere, atzo alderdiaren kongresuan, azkeneko 11 urteotan presidente izandako Marine Le Penek nabarmendu zuen ez duela «atseden hartzeko» asmorik, eta «mobilizatuta» jarraituko duela «herrialdea zuzendu arte». Batasun Nazionala bigarren indarra da Frantziako Asanblea Nazionalean, eta Le Pen da alderdiaren liderra ganbera horretan.

Bi ziren Le Penen lekukoa hartzeko hautagaiak: Bardella eta Louis Aliot Perpinyako alkatea. Bozkatu zuten alderdiko kideek, eta %85ek presidente berriaren alde egin zuten. 2011n, Jean-Marie Le Pen ordezkatzeko egindako primarioetan, Marine Le Penek botoen %67,65 lortu zituen.

Le Penen gustuko presidentea da Bardella, 27 urtekoa. 2019az geroztik da parlamentaria Europako Parlamentuan, eta iaz Bardellari berari eman zion Le Penek alderdia zuzentzeko ardura, berak presidentetzarako bozak prestatzen zituen bitartean. Gainera, Le Penen ilobetako baten bikotekidea da. Bardella bada nor alderdiaren aparatuan, hortaz.

Hamasei urterekin afiliatu zen artean Fronte Nazionala zenera, eta 2017az geroztik da alderdiaren bozeramaileetako bat. Euroeszeptikoa da, eta, horrenbestez, Frantzia EB Europako Batasunetik ateratzea defendatu izan du, eta «atzerritarrekiko gorrotoa eta indarkeria sustatzea» egotzita Barne Ministerioak desegindako elkarte bat ere babestu zuen, besteak beste. Joan den otsailean ikerketapean egon zen, Trappes, Paristik 30 bat kilometrora dagoen herri bat, Frantzia barruko «errepublika islamiko bat» dela adierazi zuelako. Duela aste batzuk, Georgia Meloni buru zuen eskuin muturreko blokeak Italiako hauteskundeak irabazi eta gero, esan zuen hori «umiltasun lezio bat» zela EBrentzat. Dena den, lehen ez bezala, Frantziako indar ultraeskuindar hegemonikoko agintariek esaten dute jendaurrean ez dutela ez EBtik, ez eurotik atera nahi. Finean, Bardella hautagai ofizialista izan da alderdiaren primarioetan.

Bozketaren ondoren, Henin-Beaumont herriko alkate Steeve Brioiek salatu zuen alderdia «atrofiatuta» dagoela. Zuzendaritza berritik kanporatua izan ondoren egin zituen adierazpenok BFMTV telebistan: «Lerro sozialago bat defendatzen dugunon aurkako garbiketa baten hasiera da».

Marine Le Pen saiatu da azkeneko hamarkadan alderdiaren irudia garbitzen, eta azpimarratu izan du aita babesten zuten neonazi xenofoboek ez zutela lekurik alderdian. Baina presidente berria aukeratu dute, hain justu, Batasuna Nazionalak Asanblea Nazionalean duen diputatu Gregoire de Fournasi jarrera arrazista edukitzea egotzi dioten astean. Leporatu diote ezkerreko blokeko jatorri afrikarreko diputatu bat hizketan ari zela hau esatea: «Itzul dadila Afrikara». Ez dago argi singularrean edo pluralean esan zuen. V. Errepublikan —1958an hasi zen— bigarren aldiz, diputatu bati jarri ahal zaion zigor handiena ezarri diote: bi astez kanporatu dute, eta soldata erdira murriztuko diote datozen bi hilabeteetan.

Sareko BERRIAzalea:

Irakurri berri duzun edukia eta antzekoak zure interesekoak badira, eskari bat egin nahi dizugu: Berria diruz babestea.

Zuk eta zure gisako sareko milaka irakurlek egindako ekarpenarekin, eduki gehiago eta hobeak sortuko ditugu. Eta, zuekin osatutako komunitateari esker, publizitateak eta erakundeen laguntzek bermatzen ez diguten bideragarritasuna lortuko dugu.

Euskarazko kazetaritza libre, ireki eta konprometitua eskaini nahi dizugu egunero; bizi zaren munduaren eta garaiaren berri ematen segitu.

Albiste gehiago

Erreskatea, Diyarbakirren.

5.000tik gora dira oraingoz Ekialde Hurbileko seismoetan hildakoak

Arantxa Elizegi Egilegor - Mikel O. Iribar

Gau osoan zehar lanean jarraitu dute erreskate taldeek, baina toki askotan laguntzaren zain daude oraindik. Ohartarazi dute biktima kopurua handitu egingo dela datozen orduetan. Milaka dira kaltetuak, eta 20.000tik gora zaurituak. Erdoganek hiru hilabeteko larrialdi egoera ezarri du hamar probintziatan.

«Herrialdearen historiako lurrikararik okerrena izan da hau»

«Herrialdearen historiako lurrikararik okerrena izan da hau»

Orsola Casagrande

Kurdistanen krisi mahaia eratu du HDP alderdiak, laguntza kudeatu eta kaltetutako eremuetara iristeko. Aterpeak lortzea da orain lehentasuna Sancarrentzat.

Greziako kostazainen ontzi bat, artxiboko irudi batean. ©HELLENIC COAST GUARD / EFE

Gutxienez hiru migratzaile hil eta hogeitik gora desagertu dira Lesbostik gertu

Mikel O. Iribar

Kostazainek hamasei pertsona erreskatatu dituzte. Bizirik atera direnen esanetan, haien ontzia haitzen aurka jo ostean hondoratu da.

Palestinar bat astelehenean Jeriko hirian izandako tiroketen arrastoei begira. ©EFE

Israelgo armadak adin txikiko palestinar bat hil du tiroz

Berria

Gazteak haien kontra tiro egin zuela adierazi dute armadaren iturriek. Urte hasieratik gutxienez 42 palestinar hil ditu Israelek.

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.

Iruzkinak kargatzen...

Izan BERRIAlaguna

Zure babes ekonomikoa ezinbestekoa zaigu euskarazko kazetaritza independente eta kalitatezkoa egiten segitzeko.