Albistea entzun

BIRA

Opariak

Onintza Enbeita -

2023ko urtarrilak 29

Gustatzen zait nola hitz egiten duen jendeak denbora oparitzeaz. Jertse bat edo zapatila batzuk oparitu beharrean, norabaiterako sarrerak edo bidaia bat oparitzeak abantailak ditu. Zuk maite duzun pertsona horrek zure oparia gozatzen duen bitartean, zuk ere berarekin, bere konpainiaz eta opariaz goza dezakezu. Bide batez, mezu polita ematen diozu lagunari edo maitaleari edo ahizpei edo gurasoei edo dena delakoari: zurekin bizi nahi dut dena delako zera hau. Batzuetan, ordea, konplikatu egiten dira teorian errazak diruditen gauzak.

Esate baterako, masaje bat oparitu diozun lagunari kaxoian iraungitzen zaio astirik ez duelako izan, ahaztu egin zaiolako edo besterik gabe ezin izan duelako. Edo konturatzen zara iaz asteburu-pasa prometitu zenion lagunaren urtebetetzea berriz dagoela hemen eta oraindik iazko oparia ez duzuela bete. Ez dakit ziur halakoak zergatik gertatzen diren. Askotan halabeharrak dakartzan emaitzak izango dira, baina beste askotan konpromisoz egin dugun zerbait izan dela erakusten dute. Alegia, gauza ederrak ere errutinatu eta gogaikarri bihurtzeko joera dugula. Ez dakigu momentu bakoitzean gu eta gure ingurua nola gauden irakurtzen. Behin funtzionatu duten gauzak edo norbaiten ahoan ederrak diruditenak erreproduzitzen ditugu, etengabe.

Sareko BERRIAzalea:

Irakurri berri duzun edukia eta antzekoak zure interesekoak badira, eskari bat egin nahi dizugu: Berria diruz babestea.

Zuk eta zure gisako sareko milaka irakurlek egindako ekarpenarekin, eduki gehiago eta hobeak sortuko ditugu. Eta, zuekin osatutako komunitateari esker, publizitateak eta erakundeen laguntzek bermatzen ez diguten bideragarritasuna lortuko dugu.

Euskarazko kazetaritza libre, ireki eta konprometitua eskaini nahi dizugu egunero; bizi zaren munduaren eta garaiaren berri ematen segitu.

Gaiak

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.

Iruzkinak kargatzen...