Albistea entzun

BIRA

Oporrak

Onintza Enbeita -

2022ko uztailak 31

Askoz hobeto ejerzizioak euskaraz egin balitu. Horixe kantatu zion Abel Muniategik San Ignazio Loiolakoari. Ezin dut adosago egon. Hori eta gehiago esan ahal izango da seguruenetik Loiolako Santuari buruz, baina asko aldatu da hari buruz daukagun pertzepzioa. Egun oporrak ekartzen dizkigu Ignaziok, eta oporrak oso gauza garrantzitsuak dira. Hamaika hilabete egiten ditugu lanean hilabetean ardurarik gabe dirua eta denbora erre ahal izateko. Inflazio handia omen dago, eta irailean gauza izugarriak gertatuko omen dira, baina jendeari ez dio ardura. Ez digu ardura. Orain oraingoa eta gero ikusiko dugu. Egia esan berogailua ia hogei gradura jaistea ez zaigu hain nabarmena iruditzen orain. Azaroan ez dakit zer esango dugun, baina orain oporretara goaz, eta abenduan Gabonak izango dira eta ez da biharko egunari begira egoteko momentua izango. Ez daukagu erremediorik: mundua leher egiteko zorian dago, baina ez dugu ohiturarik aldatu nahi. Dena izan nahi dugu eta.

Neuk ere nahiago dut irailean jarraitu horretaz guztiaz berbetan. Gaur San Ignazio da, eta bihar oporrak hasiko dira niretzat ere. Irailaren lehenengoak triste, deskantsatuta edo pozik harrapatuko gaitu. Orain zaila da hori jakitea, baina harrapatzen gaituen moduan harrapatzen gaituela munduak lehertzear jarraituko du.

Sareko BERRIAzalea:

Udazkenean, BERRIAlagun egiteko pausoa eman dezazun, eskaintza bat egin nahi dizu BERRIAk. Herri baten kulturaren plaza da BERRIA. Kultur egitasmo, dinamika eta ekitaldi anitzen erakustoki. Euskal kulturaren inguruko informazioaren plaza handia. Azaroan eta abenduan, Euskaraldiak, Bertsolari Txapelketa Nagusiak eta Durangoko azokak hartuko dituzte, besteak beste, BERRIAren orrietako asko, paperean eta webgunean.

Albiste asko irakurriko dituzu, segur aski webgune honetan bertan. Eta eskari bat egin nahi dizugu: har ezazu konpromisoa irakurtzen duzunarekin. Irakurleen babes ekonomikoa funtsezkoa da BERRIAren etorkizuna ziurtatzeko.

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.

Iruzkinak kargatzen...