Albistea entzun

HIZPIDEAK

Skolae auzitegian

Iñaki Petxarroman -

2019ko ekainak 14 - @petxarroman

Berdintasunerako hezkidetza programa bat, eskoletan kultura berdinzalea sustatu eta indarkeria sexistari txikitatik aurrea hartzeko egitasmo abangoardiazalea, epaile baten aurrean azaldu beharko dute gaur Iruñean. Kontu hau behar ez zen tokira iristeko aski izan dira izaera ultrakatolikoko talde batzuen kanpaina doilorra, eskuineko alderdiek —eta lagundu ohi dieten hedabideek— bozetan etekina ateratzeko ikusitako aukera, eta inkisizioaren garaiko zuri-beltzeko ikuspegiak baldintzatzen dituen epaile batzuen jarduna.

Gaur Skolae landu duten hamar profesional epaile baten aurretik igaroko dira. Iruñeko taldeko bortxaketan erasorik ikusi ez zuten auzitegi berean hartuko diete deklarazioa, eta gauza horiek kasualitatez gertatzen direla sinestea gero eta gaitzago bihurtzen da. Agian prozesua ez da aurrerago joango, baina horraino iristeak larritasun handia du.

Zalantzan jarri nahi dutelako ea eskolak baduen zereginik, berdintasunaren ikuspegitik, indarkeria matxistaren aurka aritzeko. Sexu heziketa tabua izaten jarraitzea bilatzen duelako, moral bikoitzeko gizarte baten hipokrisia iraunarazteko. Gaiaren larritasuna ez du arintzen Skolae Unescok nazioarteko sari baterako hautagai gisa aukeratu izanak. Baina aitortza bat da jazarpen bidegabea pairatu duten langileentzat eta mehatxatutako agintarientzat.

Sareko BERRIAzalea:

Irakurri berri duzun edukia eta antzekoak zure interesekoak badira, eskari bat egin nahi dizugu: Berria diruz babestea.

Zuk eta zure gisako sareko milaka irakurlek egindako ekarpenarekin, eduki gehiago eta hobeak sortuko ditugu. Eta, zuekin osatutako komunitateari esker, publizitateak eta erakundeen laguntzek bermatzen ez diguten bideragarritasuna lortuko dugu.

Euskarazko kazetaritza libre, ireki eta konprometitua eskaini nahi dizugu egunero; bizi zaren munduaren eta garaiaren berri ematen segitu.

Gaiak

Albiste gehiago

Arrosarioa
 ©BERRIA

Garai konplexuei aurre egiteko kazetaritza bat

Beatriz Zabalondo - BERRIA Taldeko lehendakaria / Martxelo Otamendi - BERRIAko zuzendaria

Iaz BERRIA Taldeak egindakoaren errepasoa duzu hau. Kazetaritza da gure eginkizuna, euskarazko kalitateko kazetaritza; erreferente informatiboa izatea helburu. Beraz, hortik hasi dugu errepasoa, gero arlo ekonomikoari, komunitateari eta erronka berriei leku egiteko.

Irautea iraultzea denean

Estitxu Garai, Naiara Pinedo eta Zuriñe Rodriguez

Zure ahotsa errazago zapaltzea, moztea. Ostean datorren gizonak zure iritzia gutxiestea. Gizonen maiztasuna handiagoa izatea. Gizonak finkoak izatea, zu aldakorra. Mahaiko emakume bakarra izatea naturalizatzera iristea. Zure hitzei ez entzunarena egitea, beti euren artean elkarri erreferentziak egitea.

Zuretzat bihotzez, Elizabeth Hadley

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.

Iruzkinak kargatzen...

Izan BERRIAlaguna

Zure babes ekonomikoa ezinbestekoa zaigu euskarazko kazetaritza independente eta kalitatezkoa egiten segitzeko.