Albistea entzun

BIRA

Gugatik

Onintza Enbeita -

2021eko martxoak 7

Emakume izateagatik hil dituztenengatik. Bizirik eusteko egunero borrokatu behar dutenengatik. Bizi nahi ez dutenengatik. Amengatik. Ama izan nahi ez dutenengatik. Ama izateagatik euren ametsak alboratu dituztenengatik. Euren ametsak ez alboratzeagatik ama txarrak izan direnengatik. Armak erabiltzea erabaki dutenengatik. Armen kontra altxatu direnengatik. Isilik egoera kondenatu dituztenengatik. Isilik ez egotearren torturatu dituztenengatik. Kartzelan dauzkatenengatik. Abortatzeko eskubidea aldarrikatzeagatik seinalatu dituztenengatik. Euren gorputza mundu binarioan kokatu nahi ez dutenengatik. Zakila daukaten emakumeengatik. Klitoria erauzi dietenengatik. Euren gorputza saltzera behartu dituztenengatik. Plazer sexuala aldarrikapen bide bihurtu dutenengatik. Erakusleihoetako arropetan kabitzen ez garenongatik. Erakusleihoetako arropetan kabitzeko gaixotu direnengatik. Banan-banan maite dutenengatik. Taldean maitatzeko beldurrik ez dutenengatik. Oraindik ere gizonekin txortan egiten dugunongatik. Beste emakume batzuekin maitemintzen direnengatik. Kristalezko sabaiak hausten ari direnengatik. Haziak gorde eta ereiten jarraitzen dutenengatik. Jakintza transmititu zigutenengatik. Zugatik, nigatik, gugatik: bihar, kalera.

Irakurle agurgarria:

Honaino iritsi zarenez, eskaera bat egin nahi dizugu: irakurtzen ari zaren edukia eta egunkaria babestea, konpromiso ekonomikoa hartuz. Publizitatea eta erakundeen diru-laguntzak ez dira nahikoa BERRIAren etorkizuna bermatzeko. Sarean eskaintzen dizugun edukia irakurtzen duzuen milaka irakurleek proiektuari ekarpena eginda, urrutira iritsiko ginateke.

Kazetaritza libre, ireki eta independentea egin nahi dugu euskaldunontzat. Euskaraz informatzea delako gure eginkizuna, eta zure eskubidea.Lagun gaitzazu bide horretan. Idatzi gurekin etorkizuna. Geroa zugan.

Martxelo Otamendi
BERRIAko zuzendaria

Izan zaitez BERRIAlaguna

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.

Izan zaitez BERRIAlaguna

BERRIAlagunei esker eskaintzen dugu balioz osatutako informazioa. Egizu ekarpena gure eginkizunarekin segi dezagun.

Izan zaitez BERRIAlaguna