Albistea entzun

BIRA

Azaltzeaz

Onintza Enbeita -

2021eko azaroak 28

Gustatu egiten zaizkit umeak. Aste osoan muxuak ukatu dizkidan neska txikiak muxu ematen dit bertsotara noanean: «Izeko Onintza, zer kantatuko duzu?», galdetzen dit. Nik esaten diot momentuan pentsatzen dudala, kotxean kantatzen dugunean bezala, eta berak besarkadak ematen dizkit. Ondo kantatzeko esaten dit, zortea izateko. Etxera itzultzen naizenean triste banator, besarkatu egiten nau, eta pozik banator, dantza egiten du nirekin. Eta horrela ez diot inori ezer esplikatu behar: umeak ematen dit gauzak azaltzeko bidea. Berbalizatu gabe esaten diot umeari gustura egin dudala bertsotan edo gauzak ez direla nik nahi bezala atera.

Ordea, helduen artean zailagoa da gauza. Iristen zara etxera eta ez dakizu besarkadak nola eskatu, ez dakizu nola esan gaurkoa ahaztea hobe dela, denak ihes egin dizula… ze beti ezin duzu zure bertsoekin buruak jaten ibili. Nahikoa daukate zure ingurukoek txapelketak sortzen dizuna deszifratzen, beste guztia ere azaldu gabe ulertzeko. Azaldu egin behar dira gauzak: azaldu, azaleratu eta azalarazi. Azaltzen ez ditugun sentimenduak ez dira ulertzen eta ez azaltzearen errua gurea bakarrik da, edo ez da errua, beldurra eta nekea dira. Ordea, ezin dugu ingurukoen senak ondo irakur gaitzan itxaron: gurea guk azaldu behar dugu barruan usteldu orduko.

Sareko BERRIAzalea:

Irakurri berri duzun edukia eta antzekoak zure interesekoak badira, eskari bat egin nahi dizugu: Berria diruz babestea.

Zuk eta zure gisako sareko milaka irakurlek egindako ekarpenarekin, eduki gehiago eta hobeak sortuko ditugu. Eta, zuekin osatutako komunitateari esker, publizitateak eta erakundeen laguntzek bermatzen ez diguten bideragarritasuna lortuko dugu.

Euskarazko kazetaritza libre, ireki eta konprometitua eskaini nahi dizugu egunero; bizi zaren munduaren eta garaiaren berri ematen segitu.

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.