BIRA

Inspekzioa

Onintza Enbeita -

2020ko azaroak 29

Ez nuen sekula pentsatuko. Kultura segurua dela aldarrikatzen ari gara aspaldion, baina kultura ere zainduta dago. Pandemia garaiak eskatzen dituen neurriak bete egin behar dira. Seguru dakit orain arte bete egin direla, baina orain segurtasun agenteak etortzen dira saioetara. Agian, ez dira beti etorriko, baina orain badakigu etorri daitezkeela.

Ez dut nik esango ezarritako neurriak betetzeko ez direnik. Eta seguruenetik, isunik edo agintaririk ez balego, ez genituzke asko bete ere egingo. Baina ari gara. Ari gara talde txikietan, ari gara aforoak zaintzen, ari gara maskararekin hitzaldiak ematen, ari gara behar genukeen baino diru gutxiagorekin irauten, ari gara maite dugun jendea ikusi gabe eusten, ari gara bizitzeak oraindik merezi duela pentsatzen, ari gara eskubideak murriztu dizkigutela isiltzen...

Eta pandemia kudeatu ez ezik, gure osasuna zaindu behar luketenak, ari dira gu zelatatzen. Onak garen edo ez garen erabakitzen. Hemendik aurrera ze eskubide debekatuko zaigun edo zein bueltatuko zaigun mehatxatzen. Eta ez da justua. Nik ere inspekzioa pasatu nahi nieke dekretuei, erabakiei eta gure bizitza inspekzionatu nahi dutenei.

Irakurle agurgarria:

Honaino iritsi zarenez, eskaera bat egin nahi dizugu: irakurtzen ari zaren edukia eta egunkaria babestea, konpromiso ekonomikoa hartuz. Publizitatea eta erakundeen diru-laguntzak ez dira nahikoa BERRIAren etorkizuna bermatzeko. Sarean eskaintzen dizugun edukia irakurtzen duzuen milaka irakurleek proiektuari ekarpena eginda, urrutira iritsiko ginateke.

Kazetaritza libre, ireki eta independentea egin nahi dugu euskaldunontzat. Euskaraz informatzea delako gure eginkizuna, eta zure eskubidea.Lagun gaitzazu bide horretan. Idatzi gurekin etorkizuna. Geroa zugan.

Martxelo Otamendi
BERRIAko zuzendaria

Izan zaitez BERRIAlaguna

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.