Albistea entzun

 Musika

Egunerokotik kanpo, dantza

Musika atsegina, gardena eta dantzarako aproposa. Texas taldeak hiru aldagai horiek bildu ditu 'Jump of Board' lanean. Donostian aurkeztuko dute disko berria, datorren asteartean, Kursaal aretoan.
Sharleen Spiteri da Texas taldeko abeslaria.
Sharleen Spiteri da Texas taldeko abeslaria. BERRIA Tamaina handiagoan ikusi

Maider Galardi F. Agirre -

2018ko uztailak 1

Modernoa eta gaur egungo estilokoa», modu horretan deskribatu zuen Sharleen Spiteri Texas taldeko abeslariak 2017an kaleratutako Jump of Board diskoa. Ia 30 urteko ibilbidearen ostean, «berriz gaztetuta» kaleratu zuten diskoa, eta ordutik urtebete da Europan bira egiten ari direla. Donostian ere kontzertua eskainiko du Eskoziako pop-rock talde esanguratsuak, datorren asteartean, 21:00etan, Kursaalean.

«Musika talde bat ezin da egonkortu estilo bakarrean», nabarmendu zuen Spiterik azken diskoa kaleratu berritan. Gaurko garaietara egokitu dute musika, baina eguneroko erritmo azkarretik aldentzeko asmoz sortu dituzte doinuak: «Nahi dugu eguneroko larriminetik ihes egiteko modu bat izatea musika».

Ez da alferrikakoa asmoa: Jump of Board-eko abestiek badute estilo dantzagarri bat, eta, oro har, musika gardena eta atsegina biltzen du azken lanean Spiterik, Ally McErlainek (gitarra), Jonny McElhonek (baxua), Eddie Campbellek (teklatua), Michael Bannisterrek (teklatua), Tony McGovernek (ahotsa eta gitarra) eta Ross McFarlanek (bateria) osatutako taldeak. Let's Work it Out kantuarekin, gainera, lehen postua lortu dute Eskoziako eta Frantziako musika zerrendetan.

Eraberrituta eta musikaren estetikari inoiz baino arreta handiagoa eskainita itzuli dira, baina Texas taldeak izan du aurretik ibilbide oparoa, eta lortu dute erreferentzialtasuna pop-rockaren munduan. 1989an kaleratu zuten Southside lehen diskoa, eta segituan lortu zuten arrakasta I Don't Want a Lover kantuarekin. Hamarkada baten ostean lortu zuten berriz ere goia jotzea, With on blonde lanarekin. Geroztik, abiada biziz sortu dituzte diskoak, eta aski ezagunak dira Say What You Want (1997) eta Summer Son (1999) kantuak.

2015ean kaleratu zuten Texas 25 kantu bilduma, baina zortzi urte dira abesti berririk oholtzaratzen ez dutela. Jump of Board-ekin, beraz, proposamen berri bat taularatuko dute. Esaten denak baino presentzia handiagoa hartzen dute erritmoek eta melodiek. Garden eta atsegin, jendea gozaraztea baitute helburu nagusi: larriminetik aterata dantzaraztea.

Sareko BERRIAzalea:

Udazkenean, BERRIAlagun egiteko pausoa eman dezazun, eskaintza bat egin nahi dizu BERRIAk. Herri baten kulturaren plaza da BERRIA. Kultur egitasmo, dinamika eta ekitaldi anitzen erakustoki. Euskal kulturaren inguruko informazioaren plaza handia. Azaroan eta abenduan, Euskaraldiak, Bertsolari Txapelketa Nagusiak eta Durangoko azokak hartuko dituzte, besteak beste, BERRIAren orrietako asko, paperean eta webgunean.

Albiste asko irakurriko dituzu, segur aski webgune honetan bertan. Eta eskari bat egin nahi dizugu: har ezazu konpromisoa irakurtzen duzunarekin. Irakurleen babes ekonomikoa funtsezkoa da BERRIAren etorkizuna ziurtatzeko.

Albiste gehiago

 ©Joanes Etxebarria

Jean-Louis Davant: «Anitz egin da hitz berrien asmatzeko, baina zahar anitz galdu ditugu»

Joanes Etxebarria - Ipar Euskal Herriko Hitza

Liburu edo pastoraletan, historia landu du bereziki, olerkiekin batean. Idazlan luzeak gehiago ez egitea deliberatu du. Uste du aitzinatu dela euskararen alorrean, baina lan asko dela egiteko.

Aitor Mendiluze eta Amets Arzallus, atzo, elkarrekin kantuan, hamarreko txikiko ariketan. ©MARISOL RAMIREZ / FOKU

Amets Arzallusek Bilbon irabazi ondoren, erabakita gelditu da finala

Miren Mujika Telleria

Amets Arzallusek Bilbon irabazi ondoren, erabakita gelditu da finala. Harekin batera ariko dira Illarregi, Ibarzabal, Gaztelumendi, Colina, Mendiluze, Martin eta Lujanbio

<em>Maus</em> liburuko lau bineta. ©ASTIBERRI

Saguen txilioak holokaustoan

Uxue Rey Gorraiz

Gurasoek holokausto nazian bizitakoetan oinarrituta sortu zuen Art Spiegelmanek 'Maus' komikia. Pulitzer saria irabazi zuen 1992an. Euskarara ekarri dute berriki.

Soinu txikia XIX. mendearen amaieran hedatu zen Euskal Herrian. ©BERRIA

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.

Iruzkinak kargatzen...

Izan BERRIAlaguna

Hitzen, ekintzen eta errimen eztanda. Herri bat BERRIAren kulturaren plazan. Baliatu udazkenean BERRIAlagun egiteko eskaintza.