Albistea entzun

Jean Grenet

Hogei urte Baionaren agintean

Baionako auzapeza izan zen 1995etik 2014 arte, eta Frantziako Asanbleako diputatua 2002tik 2012ra bitarte. Pisu handia izan du Ipar Euskal Herriko politikagintzan. Atzo goizean zendu zen, 81 urterekin.
ISABELLE MIQUELESTORENA

Ekhi Erremundegi Beloki -

2021eko otsailak 24

Kirurgialaria zen ikasketaz, eta aitak sortutako Paulmy klinikan aritu zen lehenbizi. 1989an sartu zen politikan, Baionako hautetsi gisa, Henri Grenet aitarengandik Lapurdiko hiriburuko alkatetza jaso arte, 1995ean. Ordurako 36 urte ziren grenetarrek Baionan agintzen zutela, eta Jeanek hogei urtez eutsi zion aginteari. 55 urtez izan da Grenet bat Baionako alkate. 2002. urtean Frantziako Asanbleako diputatu ere izan zen, Pirinio Atlantikoetako 5. barrutian. 2012an, Colette Capdevielle sozialistak kendu zion lekua, legebiltzarreko hauteskundeen bigarren itzulian gailenduta. Horrez gain, Alderdi Erradikaleko presidenteorde izan zen.

Jean Rene Etxegarai Baionako auzapez eta Euskal Hirigune Elkargoko lehendakaria Greneten lehen auzapezordea izan zen hogei urtez. Haren heriotzak «galera handia» eragin duela aipatu du sare sozialetan. «Harro nago haren ondoan egon izanaz, ongizate komunaren bilatzean». Ipar Euskal Herriko eta Frantziako arduradun politiko andanak omendu zuen atzo, tartean, Alain Rousset Akitania Berria eskualdeko presidenteak eta Jean Jacques Lasserre Pirinio Atlantikoetako departamenduko presidenteak.

Antieuskalduna izatea egotzi zaio maiz Greneti, euskal aurrizkia zuen ororen kontrako borrokalari sutsua zelakoan boterean zegoelarik. Honela adierazi zion BERRIAri 2018an: «Geroa ez da Europa federala, ez dut inondik ere sinesten. Kontserbadorea naiz, baina zinez sinesten dut Frantzia hexagonalarentzat frantsesa dela hizkuntza naturala». Hala ere, bere agintaldian, Baionako zenbait bide seinale euskaraz eta gaskoiez ematea onartu zuen. Azken urteetan, Euskal Herriko gatazka armatuaren konponbidean urratsak egitearen alde agertu zen, presoen hurbilketaren alde. «Urrats oso garrantzitsua da, argi uzteko orria itzultzen ari dela, eta bi aldeetan dagoela bakea lortzeko nahikeria».

Kritikak eta polemikak

Kritika eta polemika ugari eragin izan ditu Jean Grenetek hogei urteko jardunean. Besteak beste, Baionako zezen plazan izandako zezenketen galera ekonomikoa diru publikoarekin tapatu izana leporatu zioten, baita haren hurbileko Peñak lokal publikoak lortzen lagundu izana ere. Baionako festen masifikazioaren erantzule nagusi gisa kontsideratzen da.

2005ean polemika handia sortu zuen Baionako bestetan gertatutako bortxaketen harira egindako adierazpenengatik. «Goizeko hiruretan gainekoa kenduta eta tangarekin dantza egitean errazago gertatzen dira bortxaketak», erran zuen. Honela azaldu zituen adierazpen haiek 2018an, BERRIAn: «Uste dut edozein gizarte eredutan izan direla harrapariak, eta beti izanen direla. [...] Guraso banintz, eta alaba nerabe bat banu, janzkera batzuk ez nituzke aholkatuko».

Irakurle agurgarria:

Honaino iritsi zarenez, eskaera bat egin nahi dizugu: irakurtzen ari zaren edukia eta egunkaria babestea, konpromiso ekonomikoa hartuz. Publizitatea eta erakundeen diru-laguntzak ez dira nahikoa BERRIAren etorkizuna bermatzeko. Sarean eskaintzen dizugun edukia irakurtzen duzuen milaka irakurleek proiektuari ekarpena eginda, urrutira iritsiko ginateke.

Kazetaritza libre, ireki eta independentea egin nahi dugu euskaldunontzat. Euskaraz informatzea delako gure eginkizuna, eta zure eskubidea.Lagun gaitzazu bide horretan. Idatzi gurekin etorkizuna. Geroa zugan.

Martxelo Otamendi
BERRIAko zuzendaria

Izan zaitez BERRIAlaguna

Albiste gehiago

 ©IñIGO URIZ / @FOKU

«Poltsa jartzean konturatzen zara»

Jon O. Urain

'Non dago Mikel?'-en harira zabalduriko audioan, atxilotu bat ia hil arte torturatu zuela dio Gomez Nietok. 1984ko urtarrileko sarekada batena da erreferentzia, eta Josu Mujika izan zen atxilotuetako bat. Erraiak nahastu dizkio grabazioa entzuteak.
Carmen Calvo, Pedro Sanchez eta Aitor Esteban, Espainiako Kongresuko korridoreetan, otsailaren 3an. ©Chema Moya / EFE

Transferentzien egutegia betetzeko konpromisoa azaldu du Madrilek

Jon O. Urain

Bihar, Olatz Garamendi Autogobernu sailburua batzartuko da Miquel Iceta Espainiako Lurralde Antolaketa ministroarekin.

Mikel Zabalzaren urteurrenean egindako ekitaldia, iaz, Auritzen (Nafarroa). ©IÑIGO URIZ / FOKU

Zabalzarena xeheki ikertzeko exijitu du Nafarroako Parlamentuak

Maddi Ane Txoperena Iribarren

Parlamentariek aho batez eskatu dute Mikel Zabalza torturatuta hil zutela dioten audioak «sakonki ikertzeko», adierazpen batean

Tortura kasuak Sakanan

Torturaz argi hitz egiteko

Maddi Ane Txoperena Iribarren

Sakanako 149 tortura kasuen egia azaleratzeko, 'Arg(h)itzen' dokumentala osatzen ari dira eskualdeko hainbat herritar. Ikus-entzunezkoa egiteko diru-bilketa kanpaina bat abiatu dute.

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.

Izan zaitez BERRIAlaguna

BERRIAlagunei esker eskaintzen dugu balioz osatutako informazioa. Egizu ekarpena gure eginkizunarekin segi dezagun.

Izan zaitez BERRIAlaguna