Albistea entzun

KRITIKA. Zinema

Gidaririk gabe

Gontzal Agote -

2019ko azaroak 26

'Ford v Ferrari'

Zuzendaria: James Mangold. Herrialdea: AEB. Iraupena: 152 minutu.

Zuzenean edo zeharka, autoa protagonista duten film batzuk utzi dizkigu zinemak. Horietako batzuk zinez gogoangarriak dira: Duel (Steven Spielberg, 1971), Cars (John Lasseter, 2006) eta Drive (Nicolas Winding Refn, 2011), zerrenda gehiegi ez luzatzearren. Nolanahi ere, horren sona handia ez duten beste bi dira Ford v Ferrari honetatik gertuago daudenak: batetik, Rush (Ron Howard, 2013), Niki Lauda eta James Huntek 1 Formulan izan zuten lehia jasotzen zuena; bestetik, Tucker: The Man and His Dream (Francis Ford Coppola, 1988), auto berritzaile bat sortzearekin itsututa dagoen ameslariaren istorioa.

Bi film horien isla hemengo bi pertsonaiengan ikusten ahal da. Neurri batean, Matt Damonen Carroll Shelby Tucker-en temarekin lotzen ahal da, alderdi utopikoa nabarmen leunduta. Ken Miles gidaria (Christopher Bale), berriz, Rush-en zegoen pasio mugagabearen oinordekoa litzateke.

Zoritxarrez, eredu onak izan arren, istorioak arrunkeriaren lasterbidea aukeratuko du ia lehen kredituetatik. Egungo bi aktore handi elkartu izana da Ford v. Ferrari-ren amu nagusia, baina haien arteko kimika ez da inondik ageri, eta biek ala biek gidoiak eskainiko dien nagitasun erosoan murgiltzea erabakiko dute.

Istorioaren garapenak ez du batere laguntzen, adiskidetasun-etsaitasunaren eta amets eroak errealitate bihurtzeko ahalmenaren gaineko topikoak baitira nagusi. Hori gutxi ez, eta AEBetako enpresa baten sustapen kanpainaren traza hartuko du askotan. Biribiltzeko, eurofobia moduko bat dario istorioaren zati handi bati.

Horiek horrela, konturik interesgarriena zeharo teknikoa da: arimarik gabeko efektu digitalez jositako film klonikoen garai hauetan, guztiz ahaztuta genuen auto lasterketen kutsu analogikoa da salbatzen ahal den alderdi bakarra.

Sareko BERRIAzalea:

Udazkenean, BERRIAlagun egiteko pausoa eman dezazun, eskaintza bat egin nahi dizu BERRIAk. Herri baten kulturaren plaza da BERRIA. Kultur egitasmo, dinamika eta ekitaldi anitzen erakustoki. Euskal kulturaren inguruko informazioaren plaza handia. Azaroan eta abenduan, Euskaraldiak, Bertsolari Txapelketa Nagusiak eta Durangoko azokak hartuko dituzte, besteak beste, BERRIAren orrietako asko, paperean eta webgunean.

Albiste asko irakurriko dituzu, segur aski webgune honetan bertan. Eta eskari bat egin nahi dizugu: har ezazu konpromisoa irakurtzen duzunarekin. Irakurleen babes ekonomikoa funtsezkoa da BERRIAren etorkizuna ziurtatzeko.

Albiste gehiago

<b>Finala.</b> 2017ko Bertsolari Txapelketa Nagusiko finala, BECen. ©A. LOIOLA / FOKU

Txapelketa: zauri edo ukendu

Miren Mujika Telleria

Bilboko Bizkaia pilotalekua izango du azken geltoki Txapelketa Nagusiaren trenak. Ibilbide gorabeheratsua eginda, gaur helduko da hara. Kolpea edo poza izango da gaurko saioa bertsolarientzat, gaur erabakiko baita zein zortzi bertsolari arituko diren Nafarroa Arenako oholtzan.
Jon Sarasua idazlea, atzo, Donostian, <em>Harizko zubiak</em> liburuaren aurkezpenean. ©GORKA RUBIO / FOKU

Hizkuntza lankidetzaren kontrabandoa

Jone Bastida Alzuru

Jon Sarasuak Haitira, Pernambucora, Mexikora eta Tangerrera egindako bidaietako esperientziak eta gogoetak jaso ditu liburu batean: 'Harizko zubiak'. Pamielak atera du

Iñigo Etxezarreta abeslaria <em>Guretzat</em> diskoaren aurkezpenean, atzo, Bilboko Kafe Antzokian. ©MARISOL RAMIREZ / FOKU

Rockero izandakoen runbak

Olatz Silva Rodrigo

ETS taldeak 'Guretzat' diskoa kaleratu du. Ska eta rock doinuak alde batera utzi, eta beste hainbat musika estilo uztartu dituzte

Gartxot komikigileak sortutako <em>Barruan</em> komikiko irudietako bat. ©GARTXOT / ATARAMIÑE

Kartzelak kolpatutako literatura bat

Iñigo Astiz

2002tik 2017ra bitartean kaleratutako liburu kolektiboetako testu hautaketa bat, Jose Mari Sagardui 'Gatza'-ren memoria liburu bat, eta Gartxoten 'Barruan' komikia kaleratu ditu Ataramiñek

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.

Iruzkinak kargatzen...

Izan BERRIAlaguna

Hitzen, ekintzen eta errimen eztanda. Herri bat BERRIAren kulturaren plazan. Baliatu udazkenean BERRIAlagun egiteko eskaintza.