Albistea entzun

Koronabirusa

Erkidegoen esku egongo da ostalaritza

Espainiako Gobernuak atzera egin du ostalaritza ixteari buruzko auzian. Herenegun, 359 positibo atzeman ziren Hegoaldean

Juanma Gallego -

2021eko ekainak 6

Astean zehar Espainiako Gobernuak eta Eusko Jaurlaritzak ostalaritzaren itxieraren haritik izan dituzten desadostasun gogorren ondoren, atzo begirada guztiak jarrita zeuden gaiaren bueltan Espainiako Estatuko Aldizkari Ofizialak jaso behar zuen xedapenean. Agiritik ondoriozta daiteke ez dela beharrezkoa izango ostalaritza barrukoak ixtea, ez bederen Espainiako Osasun Ministerioak asteazkenean jakinarazitako baldintzen arabera. Azken hitza, momentuz, Jaurlaritzaren eta Nafarroako Gobernuaren esku egongo da.

Atzo argitaratutako testuak ez du zuzenean jaso polemikaren abiapuntu izan den neurria. Aldiz, Espainiako Osasun Ministerioaren beste agiri batera jotzen du, erreferentzia gisa. Bigarren horretan, ordea, duela gutxira arte betekizun zena «gomendio» bilakatu da.

Testuak dioenez, «gomendatutako neurriek erreferentzia markoa ezartzen dute», eta Espainiako «autonomia erkidego eta lurralde bakoitzaren arabera egokitu eta testuinguruan jar daitezke, egoera epidemiologikoaren bilakaeraren arabera».

Espainiako Osasun Ministerioaren eta erkidegoen arteko bileran erabakia zuten COVID-19aren intzidentzia tasa 150eko mugara iritsita ostalaritza barrenak itxi behar zituztela, baina hainbat erkidego aukera horren kontra azaldu ziren.

Jaurlaritzak asteazkenean bertan aurreratu zuen bere bide propioa jorratuko zuela. Espainiako Osasun ministro Carolina Dariasek esan zuen neurriok «nahitaez» betetzekoak zirela, eta, behar izatekotan,«betearaziko» zituztela. Atzoko testuak, baina, jokalekua aldatu du.

359 positibo

Pandemiaren gaineko datuei dagokienez, azken egunetako gorabehera txikiak badira oraindik Hego Euskal Herrian. Herenegun 9.881 proba egin ziren, eta 359 positibo atzeman ziren; hots, ostegunean atzemandakoak baino 24 kasu gutxiago izan ziren. Proba diagnostikoen kopurua, gainera, pixka bat handiagoa izan zen —9.634 test egin ziren ostegunean—. Herenegungo positiboen ehunekoa, hortaz, %3,8 izan zen; hamarren bat txikiagoa aurreko eguneko datuekin alderatuz.

Bizkaian atzeman dituzte kasu gehien: 170 izan dira. Gipuzkoan 86 positibo izan ziren, eta Nafarroan, 72. Araban, berriz, 31 positibo erregistratu ziren. Erietxeei dagokienez, 30 ospitaleratze egon ziren, eta 95 pertsona zeuden oraindik ZIUetan.

Sareko BERRIAzalea:

Irakurri berri duzun edukia eta antzekoak zure interesekoak badira, eskari bat egin nahi dizugu: Berria diruz babestea.

Zuk eta zure gisako sareko milaka irakurlek egindako ekarpenarekin, eduki gehiago eta hobeak sortuko ditugu. Eta, zuekin osatutako komunitateari esker, publizitateak eta erakundeen laguntzek bermatzen ez diguten bideragarritasuna lortuko dugu.

Euskarazko kazetaritza libre, ireki eta konprometitua eskaini nahi dizugu egunero; bizi zaren munduaren eta garaiaren berri ematen segitu.

Albiste gehiago

Adineko egoitza bat ©Gorka Rubio/ Foku

Araba, Bizkai eta Gipuzkoako zahar etxeetako neurri batzuk arindu dituzte

Edurne Begiristain

Positibo ematen duten egoiliarren bakartze aldia zazpi egunera murriztu dute, eta txertatutako kontaktu estuak eguneko zentroetara joan ahalko dira.

Korrikaren lekukoak badu nondik nora ibili

Korrikaren lekukoak badu nondik nora ibili

Julen Aperribai

Korrikaren ibilbidearen berri eman dute: Mendebaldean hasiko da, eta Gasteiz izango da igaroko duen lehen hiriburua. 2.180 kilometro eginda, Donostiara iritsiko da lasterketa. Ikusi egunez eguneko ibilbidea eta ordutegia albiste barruan.

Autodiagnostikorako gune bat Gurutzetako ospitalean ©Aritz Loiola/ Foku

Egun bakarrean 122 pertsona ospitaleratu dituzte Hego Euskal Herrian

Edurne Begiristain

Guztira, 1.110 gaixo daude ospitaleratuta gaitzarekin, horietako 155 ZIUetan. Nafarroan, gutxienez 6.000 lagun berrinfektatu dira izurri hasieratik.

Sara Pinaren hilketa matxista salatzeko elkarretaratzea egin zuten Tuteran. ©Iñigo Uriz/ Foku

Urtarrilaren 25ean estraditatuko dute Sara Pinaren gizona

Unai Etxenausia

Gizonak hurrengo egunean deklaratu beharko du epailearen aurrean.

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.