Albistea entzun

Koronabirusa

Kutsatuen kopurua behera eta behera ari da Hegoaldean

Beste 365 positibo atzeman dituzte, bezperan baino 29 gutxiago. Kutsatutako gaixo bat hil da Nafarroan, 74 urteko gizonezko bat
Osasunbideko erietxe bat, Tuteran (Nafarroa).
Osasunbideko erietxe bat, Tuteran (Nafarroa). JAGOBA MANTEROLA / FOKU Tamaina handiagoan ikusi

Gotzon Hermosilla -

2021eko martxoak 7

COVID-19ak kutsatutako gaixoen kopurua beheraka ari da etengabe Hego Euskal Herrian, eta aspaldi honetan izurriak erakutsi duen apaltzeko joera baieztatu da azken orduetan ere. Atzo, Osakidetzak eta Osasunbideak beste 365 positiboren berri eman zuten, bezperan baino 29 gutxiago. Ohi bezala, Frantziako osasun agintariek ez dute eman Ipar Euskal Herriko datuei buruzko informaziorik.

Apaltzea, ordea, ez da herrialde guztietan homogeneoa, eta Gipuzkoan, esaterako, emendatze txiki bat izan da datuetan: ostiralean beste 90 positibo atzeman zituzten, eta bezperan 88 izan ziren; hortaz, bi positibo gehiago egon dira herrialdean.

Gainerakoetan, berriz, behera egin dute datuek. Bizkaian, esaterako, beste 157 kutsatze detektatu dituzte, bezperan baino sei gutxiago; Araban, 56, bezperan baino 11 gutxiago; eta Nafarroan, beste 58 positibo atzeman dituzte, bezperan baino 13 gutxiago. Horiez gain, Osakidetzak jakinarazi du hiru herrialdeetatik kanpoko lau positibo atzeman dituela bere osasun zentroetan; bezperan bost izan ziren.

Ostiralean, 8.727 proba egin zituzten Hego Euskal Herrian, PCR probak zein antigeno testak aintzat hartuta; aurreko egunean baino 332 gutxiago. Positibo tasa ere apaldu egin da: ostegunean, %4,3 izan zen, eta ostiralean, berriz, %4,18. Nafarroan, esaterako, positibo tasak %4tik behera dirau: %3,6 da orain, eta hamarren bat jaitsi da bezperatik.

Erietxeetan, hobeto

Erietxeetan ere gutxitzen ari da COVID-19ak eragindako presioa. Azken orduetan koronabirusak kutsatutako 50 gaixo eraman dituzte erietxeetara, bezperan baino 11 gutxiago. Erietxeratuen daturik apalena da hori joan den urtarrilaren 15etik. ZIU zainketa intentsiboetako unitateetan ere arintzen ari da egoera. Ostiralean, 129 paziente ari ziren artatzen ZIUetan, bezperan baino hiru gutxiago.

Aurreko egunetan izandako heriotza baten berri ere eman du Nafarroako Gobernuak. Horren arabera, 74 urteko gizonezko bat hil zen Nafarroan, COVID-19aren sintomak zituela. Azken egunetan Nafarroan jakinarazitako bigarren heriotza da; izan ere, joan den ostegunean beste hildako baten berri eman zuen Osasunbideak, gaixotasunaren sintomak zituen 79 urteko gizonezko batena, hain zuzen. Araban, Bizkaian eta Gipuzkoan hil direnei buruzko informazioa datorren astean gaurkotuko du Eusko Jaurlaritzak.

Herri bakoitzaren egoera epidemiologikoaren informazioa ere bihar eguneratuko du Jaurlaritzak. Gaur-gaurkoz, Araban, Bizkaian eta Gipuzkoan, guztira lau herri daude eremu gorrian: Derio (Bizkaia), Aretxabaleta, Oñati eta Ibarra (Gipuzkoa). Hiru herrialdeetako R0 indizea ere bihar jakinaraziko dute.

Irakurle agurgarria:

Honaino iritsi zarenez, eskaera bat egin nahi dizugu: irakurtzen ari zaren edukia eta egunkaria babestea, konpromiso ekonomikoa hartuz. Publizitatea eta erakundeen diru-laguntzak ez dira nahikoa BERRIAren etorkizuna bermatzeko. Sarean eskaintzen dizugun edukia irakurtzen duzuen milaka irakurleek proiektuari ekarpena eginda, urrutira iritsiko ginateke.

Kazetaritza libre, ireki eta independentea egin nahi dugu euskaldunontzat. Euskaraz informatzea delako gure eginkizuna, eta zure eskubidea.Lagun gaitzazu bide horretan. Idatzi gurekin etorkizuna. Geroa zugan.

Martxelo Otamendi
BERRIAko zuzendaria

Izan zaitez BERRIAlaguna

Albiste gehiago

Janssen txertoaren banaketa atzeratu egin dute EBn, AEBetako tronbo kasuak argitu artean

Janssen txertoaren banaketa atzeratu egin dute EBn, AEBetako tronbo kasuak argitu artean

Arantxa Iraola

AEBetako CDC eta FDA osasun erakundeek txertoa jartzeari uzteko eskatu dute, hainbat tronbo kasu «arraro eta larrirekin» lotura dutelakoan. Osakidetza bihar da lehen dosiak jasotzekoa.

Aurtengo Herri Urrats edizioa aurkezteko pentsaurrekoa egin dute goizean, Kanbon. ©Guillaume Fauveau

30 Herri Urrats Ttiki eginen dituzte maiatzaren 9an, herriz herri

Oihana Teyseyre Koskarat

Egoera sanitarioagatik ikastola bakoitzak bere egitaraua prestatuko du Boga lelopean. Seaskak, bestalde, ikastola bat irekiko du Bardozen, irailean. 

Labiren batzorde teknikoaren bileraren buru izan da gaur Iñigo Urkullu lehendakaria ©Adrian Ruiz de Hierro /Efe

Urkulluk baztertu egin du, oraingoz, Labiren bilerara deitzea

Edurne Begiristain

Eusko Jaurlaritzak uste du indarrean dauden neurri murriztaileak betetzea nahikoa dela birusaren hedapena eteteko.

Guardia Zibila Nafarroaren mugetan kontrolak egiten, artxiboko irudi batean. ©RAQUEL MANZANARES, EFE

Nafarroako lau herri itxiko dituzte: Arbizu, Etxarri Aranatz, Lodosa eta Alesbes

Uxue Rey Gorraiz

Herriak ostegunetik egonen dira itxita, eta neurria bi astez izanen da indarrean, gutxienez. Gainera, testak egitera deitu dituzte Etxarri Aranazko eta Alesbesko hainbat herritar.

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.