Albistea entzun

Zalantza egunen ondotik, San Mamesen izango da gaur Metallica

Niña Coyote eta Chico Tornado, Nothing But Thieves, The Hellacopters eta Weezer ere ariko dira. 45.000 zalerentzako tokia dago
James Hetfield abeslaria eta Kirk Hammett gitarrista, ekainaren 16an, Danimarkan.
James Hetfield abeslaria eta Kirk Hammett gitarrista, ekainaren 16an, Danimarkan. TORBEN CHRISTENSEN / EFE Tamaina handiagoan ikusi

Itziar Ugarte Irizar -

2022ko uztailak 3

Aste erdian heldu zen albistea: Suitzako Frauenfeld Rocks jaialdiko emanaldia bertan behera utzi zuen Metallicak asteazkenean, taldeko kide baten senide batek COVID-19an positibo eman zuela eta. Eta hor piztu zen alarma, ea eroriko ote zen Bilboko emanaldia ere. Herengun, ordea, espero bezala aritu zen taldea Belgikan ematekoa zen kontzertuan, eta horrekin uxatu dira zalantzak: San Mamesera helduko da gaur heavy metalaren izen handienetakoa. Lau hamarkadako ibilia ospatzen ari da taldea aurten, eta eurak izango dira Bilbo Bizkaia Rock Day jaialdiaren kartelburu gaur. Antolatzaileen esanetan, baina, generoan dabiltzan adar eta adin tarte askotarikoei egin nahi izan diete leku, eta ondotik ariko dira, hala, Niña Coyote eta Chico Tornado, Nothing But Thieves, The Hellacopters eta Weezer taldeak ere — 45.000 zale inguru espero dituzte—. Live Nation promotoreak antolatu du jaialdia, Bilboko Udalaren eta Bizkaiko Foru Aldundiaren babesarekin batera, eta, lerro hauek idazteko orduan, sarrera gutxi batzuk geratzen dira oraindik salgai.

15 urteren ondoren helduko da Metallica Bilbora —2007an jo zuen azkenekoz, Bilboko BBK Live jaialdian—, eta zaleek gogoz hartu zuten iragarpena hasieratik. 1981ean sortu zen taldea, Los Angelesen (Kalifornia, AEB), eta Lars Ulrichek (bateria) eta James Htfieldek (gitarra) segitzen dute ordutik; aurrerago batu ziren Kirk Hammett gitarrista, 1983an, eta Robert Trujillo baxu jotzailea, 2003an.

Urtemuga dela eta, bira berezia egiten ari dira aurten, eta Europan jada Pragatik, Hockeinheimetik (Alemania) eta Val del Moinetik (Frantzia) igaro dira —Madrilen izango dira asteazkenean, Mad Cool jaialdian—. Bi ordu inguruko emanaldiak eskaini dituzte horietan —hamahiru kantu gehi hiru bis—, eta, ezustekorik ez bada, gisa berekoa espero da gaurko kontzertua ere. Erritmo azkarreko Whiplash kantarekin hasi dituzte aurreko kontzertuak, eta Creeping Death, Enter Sandman, Cyanide, Harvest of Sorrow, For Whom the Bells Toll eta Trapped Under Ice dira jo dituzten beste abestietako batzuk; nola ez, baita Nothing Else Matters eta Master of Puppets sonatuak ere.

The Regrettes, kanpoan

Kartelburuari eutsi badiote ere, izan da bertan behera geratu den izenik gaurko jaialdian: Lydia Night buru duen The Regrettes taldearena, hain justu. Haiek ziren jaialdiari hasiera ematekoak, baina Niña Coyote eta Chico Tornado ariko dira haien ordez lehen orduan, 16:00etan. Haien ostetik helduko dira Nothing But Thieves britainiarrak (17:00) eta The Hellacopters suediarrak (18:30), eta, Metallicaren aurrekoetan azken, Weezer ariko da (20:00), Rivers Cuomo abeslari eta gitarra jotzaileak gidatzen duena eta pandemia aurreko azken BBK Live jaialdiko kartelburu izan zena.

Sareko BERRIAzalea:

Irakurri berri duzun edukia eta antzekoak zure interesekoak badira, eskari bat egin nahi dizugu: Berria diruz babestea.

Zuk eta zure gisako sareko milaka irakurlek egindako ekarpenarekin, eduki gehiago eta hobeak sortuko ditugu. Eta, zuekin osatutako komunitateari esker, publizitateak eta erakundeen laguntzek bermatzen ez diguten bideragarritasuna lortuko dugu.

Euskarazko kazetaritza libre, ireki eta konprometitua eskaini nahi dizugu egunero; bizi zaren munduaren eta garaiaren berri ematen segitu.

Albiste gehiago

Mugan musika taldea, disko berria argitaratu baino lehenago. ©PABLO CLEMENTE

Indarrez jantzitako doinu eztiak

Miren Mujika Telleria

Mugan taldeak zazpi kanturekin osatu du 'Bizirik ez bagaude', bere ibilbideko lehen diskoa

Errealitatea eta alegiazko munduak nahasten dira <em>Itsasotik</em> ikuskizunean. ©DONOSTIAKO MUSIKA HAMABOSTALDIA
Michel Piccoli eta Romy Schneider aktoreak, Sauteten 'Les choses de la vie' filmean (1970). ©Donostiako Zinemaldia

Sauteten hamahiru film bildu ditu Zinemaldiak hari eskainitako zikloan

Leire Perlines Apalategi

Zinemagile eta gidoigile frantsesaren obra aztertuko du jaialdiak aurten, haren atzera begirakoan. Zikloaren osagarri, zuzendariari egindako elkarrizketekin osatutako liburu bat plazaratuko dute.

Olivia Newton-John Ikerketa Onkologikoen Institutuak antolatutako ekitaldi batean ©MICK TSIKAS / EFE

Olivia Newton-John hil da, 'Grease' filmeko aktorea

Lide Egizala Urteaga

Sandy Olsen pertsonaiari eman zion bizitza Grease pelikulan. 30 urte zeramatzan bularreko minbiziaren aurkako borrokan.

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.

Iruzkinak kargatzen...