Albistea entzun

Marian Moreno. Skolaeko prestatzailea

«Skolae uzkur hartu dutenak berdintasunaren aurkakoak dira»

Nafarroako hezkidetza programa ulertu ez dutenek kritikatu dute, Morenoren ustez. Iazko proban parte hartu zuten ikasleengan estereotipoekiko kritikotasuna nabaritu dute.
BERRIA Tamaina handiagoan ikusi

Ibai Maruri Bilbao -

2018ko urriak 26

Skolae programan irakasleen prestatzaile lanetan ibili da Marian Moreno (Leon, Espainia, 1964), Asturiasko institutu bateko irakasle eta ekintzaile feminista. Programa «eredugarria» izango dela uste du. Hasteko, derrigorrezkoa delako. Baina ez da hori berritasun bakarra: «Hezkuntzako etapa guztiak betetzen ditu, eta irakasleari programa sistematiko eta global indartsu bat eskaintzen dio, berdintasunean oinarritutako bizitza proiektuak sustatzeko».

Irakasle eta ikastetxe batzuek Skolae uzkur hartu dutela zabaldu da. Arazorik izan duzu?

Irakasleria mikrokosmos bat da, eta iritzi askotako jendea dago. Iaz, euren borondatez parte hartu zuten hamasei ikastetxeek oso balorazio ona egin zuten, eta irakasleak pozik agertu ziren. Aurten ia ehun ikastetxe dira, derrigorrez egin behar izan dutelako. Eta bai, batzuek uzkur hartu dute. Baina ez edukiagatik, baizik eta derrigorrezkoa delako.

Zergatik ez dute nahi derrigorrezkoa izatea?

Legea betetzearen aurka daudelako. Argi esan behar da: Skolae uzkur hartu dutenak berdintasunen aurkakoak dira. Demokratikoki hautatu dugun gobernuak onartu dituen legeak bete egin behar dira. Jende asko da berdintasunarekiko uzkur: ez dute ulertzen berdintasuna zer den. Genero ideologiaz egiten dute berba, baina berdintasuna ez da genero ideologia. Eurena bai dela desberdintasunaren ideologia.

Prestakuntzako lehen saio horiek igarotakoan, uzkurtasunak gainditu dira?

Saioak bukatutakoan berba egiten genuen gure artean, eta batzuek arrazoia ematen ziguten azkenean. Esaten ziguten derrigorrezkoa ez bada, askok ez dutela beteko. Parte hartzaileen %90 gustura egon ziren. Beti dago egiten duzuna egiten duzula aurka egongo den %10 bat. Baina lortu behar ditugu gehiengo kualifikatuak, gizarte modura garatzen jarraitzeko. Irakasleen gehiengoa Skolaerekin bat dator, eta ez du testuingurutik atera programaren parte bat. Batzuek egin dute hori, Skolae zer den ulertu gabe.

Hezkidetzarako tresna nagusiena da eskola?

Eskola eta familia. Baina familia ez dago legez behartuta berdintasunaren aldekoa izatera; eskola, bai. Eskola eta familia osagarriak dira. Norbaitek uste badu soilik familiak hezi behar duela, ez du ulertzen zer den eskola. Neska-mutilak familian hezten dira. Baina baita sozializazio prozesuan ere; besteak beste, eskolan.

Noiz hasiko da fruituak ematen?

Iaz parte hartu zuten ikasleengan hasi dira aldaketak nabaritzen: estereotipoen aurrean kritikoagoak dira. Planaren emaitzak epe ertain-luzera igarriko dira, Nafarroan sexismoaren eta indarkeria matxistaren aurkako gazteria sortuko dugunean.

Irakurle agurgarria:

Honaino iritsi zarenez, eskaera bat egin nahi dizugu: irakurtzen ari zaren edukia eta egunkaria babestea, konpromiso ekonomikoa hartuz. Publizitatea eta erakundeen diru-laguntzak ez dira nahikoa BERRIAren etorkizuna bermatzeko. Sarean eskaintzen dizugun edukia irakurtzen duzuen milaka irakurleek proiektuari ekarpena eginda, urrutira iritsiko ginateke.

Kazetaritza libre, ireki eta independentea egin nahi dugu euskaldunontzat. Euskaraz informatzea delako gure eginkizuna, eta zure eskubidea.Lagun gaitzazu bide horretan. Idatzi gurekin etorkizuna. Geroa zugan.

Martxelo Otamendi
BERRIAko zuzendaria

Izan zaitez BERRIAlaguna

Albiste gehiago

Taberna bateko terraza, Baionan, iazko ekainean. ©Guillaume Fauveau

Iparraldean, irekiera prest

Oihana Teyseyre Koskarat

Neurriak arintzeko bigarren fasea hasiko da bihar. Orain arte hetsirik egon diren hainbat sektore berriz irekiko dituzte, eta etxeratze agindua 19:00etatik 21:00etara gibelatuko dute. Ostatu eta jatetxeetan terrazak bakarrik ez dituzte irekitzen ahalko, eta publikoa hartzen duten gainerako lekuetara jende kopuru mugatu bat baizik ezingo da sartu, hala nola zinema geletara, museoetara eta antzokietara.

Gotzone Sagardui Eusko Legebiltzarrean. ©Jaizki Fontaneda, FOKU

Izurritearen bilakaera positiboa dela nabarmendu du Jaurlaritzak

Uxue Rey Gorraiz

Osasun sailburuak adierazi du «erne» izanen direla datozen egunetako bilakaerari; dena dela, argitu du badela «esperantzarako arrazoirik». Osakidetzak aste honetan bukatu nahi du 60 urtetik gorako biztanleak txertatzen.

Fernando Simon, atzo, prentsaurrekoan ©Javier Lopez / Efe

Maskararen erabilera «egun gutxitan» arindu liteke, Fernando Simonen ustez

Berria

Espainiako Osasun Larrialdietarako Koordinazio Zentroaren koordinatzaileak atzo esan zuen «oso litekeena» dela aurki maskara gutxiago erabili ahal izatea kanpoaldean.

Jaime Tapia, joan den larunbateko jardunaldian. ©Endika Portillo / Foku

Presoen %40k zigorra erregimen irekian betetzea nahi du Jaurlaritzak

Jon O. Urain

Jaime Tapiak azaldu duenez, Martuteneko, Basauriko eta Zaballako lau presotik bat dago erregimen horretan.

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.

Ibai Maruri Bilbao

Informazio osagarria

Izan zaitez BERRIAlaguna

BERRIAlagunei esker eskaintzen dugu balioz osatutako informazioa. Egizu ekarpena gure eginkizunarekin segi dezagun.

Izan zaitez BERRIAlaguna