Albistea entzun

KRITIKA. Multimedia emanaldia

Ukabil itxiak

Myriam Perez Cazabon eta Jone Amezaga dantzariak hartzen dute parte <em>Emakumeak</em> emanaldian.
Myriam Perez Cazabon eta Jone Amezaga dantzariak hartzen dute parte Emakumeak emanaldian. NODE KONPAINIA Tamaina handiagoan ikusi

Agus Perez -

2020ko uztailak 19

'Emakumeak'

Konpainia: Node. Zuzendaritza: Ion Estala. Musika: Arantzazu Calleja. Dokumentala: Itxaso Diaz. Eleberri grafikoa: Elizabeth Casillas, Higinia Garai. Koreografia: Myriam Perez Cazabon. Jantziak: Clara Virgili. Dantzariak: Myriam Perez Cazabon, Jone Amezaga. Lekua: Kutxa Kultur gunea, Donostiako Tabakaleran. Eguna: Uztailak 17

Labo Go delako egitarauaren barruan, Emakumeak izeneko ikuskizun multimedia aurkeztu du Donostiako Node taldeak, eta emanaldian zehar dokumental bat, eleberri grafiko baten aurkezpena eta dantza emanaldi bat bildu dira.

Erabateko txukuntasuna eta maila artistiko ukaezina izan dituzte hiru atalek, eta hiruren hari eroalea El Salvadorreko emakumeek obstetrizia-arazo arruntengatik jasaten dituzten kondena izugarrien salaketa izan da. Hasierako atalean Mundubat gobernuz kanpoko erakundearen bidez egindako La historia de todas nosotras (Emakume guztion historia) dokumentala proiektatu da, euskarazko azpitituluekin, eta haren bidez jaso ditugu abortatze naturalengatik edota traumatikoengatik zigortutako hiru emakumeren testigantza lazgarriak. Izan ere, hango legediak bi urtera jaitsi zuen abortatzeagatik eska zitekeen kondena, baina mediku askoren, gizartearen eta arlo judizialeko muturreko matxismoagatik berrogei urtera arteko espetxealdiak ezartzen dizkiete kasu horietan aurkitzen diren emakume apal eta indigenei.

Jarraian, gai honen kontura sortutako eleberri grafikoa aurkeztu digute egileek, eta, bide batez, azaldu laugarren emakume baten kasua gehitu dutela liburuan, hark libreago hitz egin ahal izan zuelako Suedian asilo politikoa eskuratu ondoren. Marka da gero arazo ginekologikoengatik zeure burua erbesteratu behar izatea. Nik behintzat faltan bota dut Eliza katolikoaren rolaz hitzik entzun ez izana, baina gutxienez injustiziaren larriaz jabetu gara. Agian, geroko solasaldian agertu da gaia, baina nik bueltako bidaia nuen aurretik, eta ezin izan naiz debatean geratu.

Proposamenaren azken atalean Myriam Perez Cazabonek kontu ezin mingarriagoari emandako begirada poetikoa etorri da, eta proposamenaren asmatze handitzat jotzen dut dantza piezarako dokumentaleko soinu-banda erabili izana, horrek sano areagotu baitu berez trinkoa zen egitarauaren barne-koherentzia. Koreografoa bera eta Jone Amezaga agertu dira gune eszenikoko alde banatan, Clara Virgilik diseinaturiko arropa etereo eta berdinetan bilduta. Elkarrengana hurbildu dira biak, leun eta pausatuki, eta elkarrekin txirikordatu dira behegainetik, eboluzio geldoekin eta ukabilak itxita, agian amorrua erakutsiz, agian borrokarako prest.

Bitartean, musikak gitarra akorde punteatu eta zarrastatuekin eratzen zuen giro emozionala, batzuetan iluna, besteetan nahasia, azken finean, esperantzaz egarritua; eta bi dantzariek mistizismo ederrean blaitu dituzte beren figurak, emakume haien sufrimendu infinitua begirune osoz eta dantzaren bidez arindu nahian.

Sareko BERRIAzalea:

Irakurri berri duzun edukia eta antzekoak zure interesekoak badira, eskari bat egin nahi dizugu: Berria diruz babestea.

Zuk eta zure gisako sareko milaka irakurlek egindako ekarpenarekin, eduki gehiago eta hobeak sortuko ditugu. Eta, zuekin osatutako komunitateari esker, publizitateak eta erakundeen laguntzek bermatzen ez diguten bideragarritasuna lortuko dugu.

Euskarazko kazetaritza libre, ireki eta konprometitua eskaini nahi dizugu egunero; bizi zaren munduaren eta garaiaren berri ematen segitu.

Albiste gehiago

Antxon Ezeiaza zinemagilea, artxiboko irudi batean. ©Gari Garaialde / Foku

Euskadiko Filmategiak Antxon Ezeiza zinemagilearen lana katalogatu du

Leire Perlines Apalategi

Zinemagilearen funts dokumentala, bibliografikoa eta grafikoa gorde dituzte Euskadiko Filmategiaren artxiboan. 2020an, Errenteriako, Pasaiako, Hernaniko eta Andoaingo Udalek Ezeizaren ondarea filmategian uztea erabaki zuten.

Turistak, Bilboko Guggenheim museoko atarian, Jeff Koons artistaren <em>Puppy</em> eskulturaren aurrean argazkiak ateratzen. ©ARITZ LOIOLA / FOKU

Inork ikusten al du 'Puppy'?

Iñigo Astiz

1997an jarri zuten Jeff Koons artistaren txakur erraldoia Bilboko Guggenheim museoko atarian, eta paisaiaren parte bihurtua da dagoeneko. Ez guztiz, ordea.
Inoiz Donostiako Zinemaldia bisitatu duten 800 zinemagile zein aktoreren irudiak ikus daitezke erakusketako <em>Photocall</em> instalazioan. ©MAIALEN ANDRES / FOKU

Alfonbra gorri bat publikoari

Ainhoa Sarasola

Donostiako Zinemaldiaren 70 urteotako irudiak jarri dituzte ikusgai 'Imajinatu Zinemaldia' erakusketan, Tabakaleran. Omenaldia egiten die jaialdiari eutsi diotenei, ikusleei bereziki

Metallica taldeak atzo iluntzean Bilbon emandako kontzertuaren irudia. ©Miguel Toña, EFE

Metalararen dardara bizia Bilbon

Berria

Zalantza egunen ondotik, Metallicak kontzertua eman du bart San Mamesen, 45.000 lagun aurrean. Niña Coyote eta Chico Tornado, Nothing But Thieves, eta The Hellacopters ere aritu dira.

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.

Iruzkinak kargatzen...