Albistea entzun

Jardunaldi ia biribila

Athleticek bolada txarra eten du, Granadillaren zelaian 0-2 irabazita. Realak puntu ona lortu du, Atletico Madrilen zelaian bana berdinduta
Athleticeko jokalariak, Granadillaren aurkako partidako lehen gola ospatzen, atzo, Santa Cruz de Tenerifen.
Athleticeko jokalariak, Granadillaren aurkako partidako lehen gola ospatzen, atzo, Santa Cruz de Tenerifen. ATHLETIC Tamaina handiagoan ikusi

Julen Etxeberria -

2022ko azaroak 2

Gutxigatik ez zen jardunaldi biribila izan atzokoa Espainiako Lehen Mailako euskal taldeentzat. Athleticek irabazi egin zuen Santa Cruz de Tenerifen (Espainia), Granadillaren aurka: 0-2. Realak, berriz, bana berdindu zuen Atletico Madrilen aurka, Alcala de Henaresen (Espainia).

Garaipenari esker, Iraia Iturregik entrenatutako taldeak eten egin du bolada txarra: irabazi egin zuen aurreneko partida, baina bost jardunaldi zeramatzan irabazi gabe, eta lautan galdu egin zuen. Hilabete eta erdiren ostean lortu du kolpe batez hiru puntuak lortzea. Horri esker, gora egin du sailkapenean: 11. postuan dago orain, zazpi punturekin.

Zelai zailean suspertu da: inoiz ez zuen bertan irabazi. Premia gehien zuenean lortu du, eta nagusitasunez, aurkaria baino gehiago izanda: Maria Estellak bere atean sartu zuen lehen gola, 20. minutuan, eta Oihane Valdezatek erabakia utzi zuen lehia, 82.ean bigarrena sartuta. Zuri-gorriek kontrolpean izan zuten partida.

Realak, berriz, sari txikiagoa lortu zuen. Baina baliotsua da puntua, Atletico Madril aurkari zuzena baita bigarrenez jarraian Txapeldunen Ligarako sailkatzeko lehian. Natalia Arroyok zuzendutako taldeak aukera izan zuen irabazteko. Nerea Eizagirrek aurretik jarri zituen txuri-urdinak, 51. minutuan penaltiz gola sartuta. Baina Sheila Garciak berdindu egin zuen 78.ean. Txuri-urdinek ez dute oraindik galdu ligan: hiru partida irabazi dituzte, eta lau berdindu. Bosgarren postuan daude, hamahiru punturekin.

Alavesek, berriz, gaur jokatuko du, Valentzian (Herrialde Katalanak), Levanteren aurka (19:00, Dazn). Raul Jaenek zuzenduko du taldea, klubak Mikel Crespo kargutik kendu eta gero. Taldeak suspertzea du helburu —puntu bakarra lortu du—, baina ez dirudi gaurkoa aukera aproposena denik bolada txarra eteteko, Levante aurkari indartsua baita: seigarren postuan dago, 11 punturekin.

Sareko BERRIAzalea:

Irakurri berri duzun edukia eta antzekoak zure interesekoak badira, eskari bat egin nahi dizugu: Berria diruz babestea.

Zuk eta zure gisako sareko milaka irakurlek egindako ekarpenarekin, eduki gehiago eta hobeak sortuko ditugu. Eta, zuekin osatutako komunitateari esker, publizitateak eta erakundeen laguntzek bermatzen ez diguten bideragarritasuna lortuko dugu.

Euskarazko kazetaritza libre, ireki eta konprometitua eskaini nahi dizugu egunero; bizi zaren munduaren eta garaiaren berri ematen segitu.

Albiste gehiago

 ©JAIZKI FONTANEDA / FOKU

«Giro onak lagundu digu prestatzen eta gozatzen»

Jon Ander De la Hoz

Azurmendik eta Alberdik irabazi dute Sherpa Airen binakako txapela. Biei «ilusioa» egin die elkarrekin gailentzeak. Finalean egindako lan ona azpimarratu dute.
Teresa Errandonea atleta Donostiako belodromoan. Bertan entrenatzen da eguraldi txarra dagoenean. ©JAGOBA MANTEROLA / FOKU

Erori, zutitu, eta jauzi egin

Beñat Mujika Telleria

Min hartuta egotea zaila izaten da kirolarientzat, baina soleoan izandako lesioa atzean utzita, sasoiko itzuli da Teresa Errandonea hamar hilabeteren ostean.

<b>Realeko jokalariak igandean sartutako goletako bat ospatzen.</b> ©LA LIGA

Balio handiko partida

Ainara Arratibel Gascon

Realak atzeratutako liga partida jokatu du gaur Real Madrilen zelaian. Txuri-urdinek segida eman nahi diote igandean lortutako garaipenari

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.

Iruzkinak kargatzen...

Izan BERRIAlaguna

Zure babes ekonomikoa ezinbestekoa zaigu euskarazko kazetaritza independente eta kalitatezkoa egiten segitzeko.