Albistea entzun

Liraz 'Roya'

Ekialdeko rocka

Diskoetxea: Glitterbeat.

Andoni Tolosa -

2022ko urriak 9

Jatorri mailako paradoxa izugarrian bizi da Liraz kantari eta aktorea; irandar jatorria du, eta Israelgo pasaportea, bertan sortua baita. Haren gurasoak hara jo zuten 1970eko hamarkadan, eta ezin izan dira itzuli 1978ko iraultzaz geroztik. Israelen aktore gisara ibilbidetxoa eginda, Los Angelesera joan zen Liraz 2006an, eta Hollywooderako sarbidea lortuta, ibilbide nahiko oparoa egin du zinemaren, eta batez ere telesailen munduan. Baina, horretaz gain, Los Angeleserako bidaia hartan, bertako irandar komunitatea ezagutu, eta han bizi izan den urteetan, harremanak estutu ditu haiekin. Haien bidez, besteak beste, bere erro kulturaletan sakondu, eta deskubritu ditu 1970eko hamarkadako irandar kulturaren loraldia, eta batez ere, garai hartako musika; erro persiarrak rock eta pop musikekin modu lotsagabean uztartzen zituena.

Hartu-eman horien ondorioz, erabaki zuen musikaren munduan ahalegina egitea, eta horrela kaleratu zuen lehenengo lan luzea; Naz (2018). Parsiz kantatutako elektro-pop diskoa, dezenteko arrakasta lortu zuena. Horren ondorioz, 2020an, kaleratu zuen Zan (emakume), erdi ezkutuan grabatutako diskoa. Musikari irandarrak ezin ziren Israelen sartu, ezta musikari israeldarrak ere Iranen: beraz, batzuek zein besteek, beren kabuz lan egin zuten, gero, ahal bezala, egindakoa konpartitu eta osatzeko. Orotara, disko sendoagoa da, eta nabarmena da rock musikaren eragina.

Bigarren diskoarekin bizi izandako abenturak kontuan hartuta-edo, Istanbulen grabatu du, musikari guztiak batera, oraintsu kaleratu duen Roya hau. Parsiz kantatzen jarraitzen du, persiar jatorriko musikak inspirazio nagusi dira, baina, teklatu eta efektu vintage-ak kenduta, elektronika ia desagertu da diskotik, eta 1970eko rockaren izpiritua jabetu da kantuez. Ez da hain disko dantzagarria. Alde horretatik, uler daiteke badela omenaldia garai hartako aitzindariei, haien ibilbidea errotik moztu zuen iraultza islamikoak ezarritako isiltasuna gaindituta. Baina, batez ere, garai hartako musikaren eguneratze bat dela esan daiteke. Horren seinale: ongi burututako nostalgiaren eta gaurkotasunaren arteko oreka, moldaketa eta instrumentazioaren fideltasun ia muturrekoa, garai hartako genero nagusi ziren rock progresiboaren eta psikodeliaren berrirakurketa melodiko eta argia... ez da harritzekoa Istanbulen grabatzea, Ekialdeko rockaren hiriburu izan baita hamarkadetan, Beiruten baimenarekin.

Diskoak, ordea, kantariaren ahotsaren indar lirikoaren, eta musikariaren konposizio gaitasunaren isla bikaina da. Haren adorearen, bide jakinetatik aldentzeko gaitasunaren eta erroekiko estimazioaren erakusleiho bikaina da. Gomendatzeko moduko diskoa.

Sareko BERRIAzalea:

Irakurri berri duzun edukia eta antzekoak zure interesekoak badira, eskari bat egin nahi dizugu: Berria diruz babestea.

Zuk eta zure gisako sareko milaka irakurlek egindako ekarpenarekin, eduki gehiago eta hobeak sortuko ditugu. Eta, zuekin osatutako komunitateari esker, publizitateak eta erakundeen laguntzek bermatzen ez diguten bideragarritasuna lortuko dugu.

Euskarazko kazetaritza libre, ireki eta konprometitua eskaini nahi dizugu egunero; bizi zaren munduaren eta garaiaren berri ematen segitu.

Albiste gehiago

Larunbatean hasiko da <em>Bizirik</em> lanaren aurkezpen bira, Donostiako Dabadaba aretoan. ©BENGO

Norbere burua barkatu artean

Uxue Rey Gorraiz

Aitor Bengoetxea 'Bengo' musikariak lehenengo lan luzea eman du: 'Bizirik'. Zortzi kantu bildu ditu; hiru kolaborazio tartean. Larunbatean hasiko du kontzertu bira, Donostian

Inauteri giroan murgilduko du herria festibalak. ©GUILLAUME FAUVEAU

Inauterietako dantzak eta musika batuko ditu Hartzaro festibalak

Berria

Otsailaren 10etik 21era egingo dute Uztaritzeko jaialdia, udaberriari ongietorria emateko asmoz

Rakel Esparza, Juan Mari Aburto, Fernando Perez eta Barbara Epalza, gaur goizean, Bilboko Azkuna Zentroan, urteko programazioa aurkezten. ©AZKUNA ZENTROA

Zortzi erakusketa hartuko ditu aurten Bilboko Azkuna zentroak

Olatz Enzunza Mallona

Erakusketez gainera, beste 200 jarduera baino gehiago programatu dituzte.

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.

Iruzkinak kargatzen...