Susana Baca eta Argelia Fragoso 'Quiereme'

Maitasunez

Argitalpena: Egilea editore.

Andoni Tolosa -

2018ko irailak 16

Aitortzen dut edozein aitzakia iruditzen zaidala ona Susana Bacaz hitz egiteko, baita maitasun kantuei eskainitako disko bat ere, Quiereme (Egilea editore, 2018). La Habana eta Limako zubian grabatutako diskoa da, Argelia Fragoso kantari kubatar iaioarekin erdibana egindakoa, eta, izenburuak adierazten duenez, amodioaz, baina batez ere, desamodioaz ari dena. Beste bi puntu kardinal ezarri beharko bagenizkio disko honi, boleroa eta bals peruarra gehituko genituzke. Bi genero horien arteko joan-etorrian dabiltza-eta 11 kantu hauek.

Diskoa irekitzen duen Tendría que decir entzutea aski da La Habanako 50eko hamarkadako night-club bat gogoratzeko. Emakume beltz bat ari da istorio mingotsak kantatzen agertokian, erdi ilunpetan dauden musikariez inguratuta; pianoa, saxoa, gitarra, bateria leun bat... Kea eta isilpeko begiradak dira nagusi. Diskoak beste kolore bat hartzen du Susana Baca Hermelinda kantatzen hasten denean, nahiz eta sordinadun tronpeta batekin hasi, laster batean agertzen baitira kaxoiak eta gitarrek marrazten dituzten erritmo hautsiak (peruarren asmakizuna da flamenkoen kaxoia). Ederra da oraindik 74 urteko kantariaren ahotsa, bere hauts arrastoarekin, gehiegikeriarik gabeko interpretazioarekin. Ez da dudarik, bera da Hego Amerikako kantaririk onenetakoa. Entzun berriro bolerorantz egiten duen Cariño, eta gozatu, behingoagatik, desamodioaz ari ez den amodio kantu batekin, eta, noski, Baca anderearen maisutasunarekin.

Perkusio afro-kubatarrek irekitzen dute Por tu ventana dormida, eta hauxe da, bere laburrean, Argelia Fragosok eskaintzen digun kanturik esanguratsuena. Bongoak, tunbadorak eta kontrabaxua, ez du laguntza gehiagorik behar kantariak, oihartzun santiageroko tarte ederra burutzeko. Horrela jarraitzen dute, batetik bestera, hurrengo kantuek, Karibeko eta Peruko itsasertzak lotuz, etengabe. Amaiera aldera, Pensamiento izeneko bolero klasikoaren bertsio ortodoxoan bat egiten dute bi kantarien ahotsek, eta hori izan daiteke, aurretik aipatutakoekin batera, disko honen gailurretako bat. Lastima, pega-pega eginda dantzatzeko norbait behar alboan! Eta bukatzeko, klasikoetan klasikoena, El Manicero, Benny Moreren pieza hilezkorra, berriro bi kantariak batera, eta sonera ekarritako bertsioa. Ez da oso originala, baina honelaxe bukatzen da diskoa.

Esandakoa, ez da aparteko arrazoirik behar Susana Bacarekin gozatzeko, are gehiago, alboan une ederrak eskaintzen dizkigun Argelia Fragoso baldin badago. Maitasunak, gai bezala, oraindik beste milioiren bat kantu iraungo dituela aurreikus daiteke. Baina zer nahi duzue esatea... horretan ere, nahiago klasikoak.

Goizeko buletina

BERRIAren papereko edizioaren gai nagusiak biltzen ditu egunero (astelehenetan salbu). Goizean goiz iristen da zure posta elektronikora.

Albiste gehiago

Covid-19 daukaten gaixoak zaintzen duten bi erizain besarkatzen 55 egun gaixo zeraman gizon bat sendatzean. ©Andoni Lubaki / Foku

Koronabirusaren azken datuak

Berria

Euskal Herrian 31.166 gaixok eman dute positibo guztira, koronabirusa atzemateko probaren bat eginda. Horietatik 2.150 hil dira. Grafikoak, albiste barruan.

Bi erizain, Galdakaoko ospitalean (Bizkaia) maiatzaren 6an, 55 egun gaixorik zeramatzan gizon bat sendatu zela ospatzen. ©ANDONI LUBAKI / FOKU

Koronabirusaren lehen kolpea Euskal Herrian: 2.152 hildako lau hilabetean

Mikel P. Ansa

Martxoaren 1etik ekainaren 30era, lau hilabete. Neguaren azken hondarra, eta udaberri guztia. Koronabirusaren pandemiak hankaz gora jarri du Euskal Herria, eta bizimoduak astindu ditu. Pandemiaren lehen olatuaren balantzea egin du BERRIAk, hamazazpi grafiko eta hamazazpi galdera hauekin.

Beste 11 positibo zenbatu dituzte Ordiziako kasuen oldarraldiari lotuta

Beste 11 positibo zenbatu dituzte Ordiziako kasuen oldarraldiari lotuta

Arantxa Iraola

Denera 69 kasu daude lotuta positibo multzo horrekin; azken zenbaketan, Osakidetzak 31 positibo berri daudela onartu du

Gasteizko Mendizorrotza igerilekuak pandemia garaiko udarako prestatzen. Irudian, langile bat belardian markak egiten. ©Raul Bogajo / Foku

Positibo bat Gasteizko gimnasio batean, eta beste bat Baionako erietxe batean

Edu Lartzanguren

Baionako Belharra erietxean kasu bat topatu dute, eta ikerketa zabal bat jarri dute martxan jatorria argitzeko. Zirujau bat kanpoan kutsatu dela uste dute.

Irakurle agurgarria:

Honaino iritsi zarenez, eskaera bat egin nahi dizugu: irakurtzen ari zaren edukia eta egunkaria babestea, konpromiso ekonomikoa hartuz. Publizitatea eta erakundeen diru-laguntzak ez dira nahikoa BERRIAren etorkizuna bermatzeko. Sarean eskaintzen dizugun edukia irakurtzen duzuen milaka irakurleek proiektuari ekarpena eginda, urrutira iritsiko ginateke.

Kazetaritza libre, ireki eta independentea egin nahi dugu euskaldunontzat. Euskaraz informatzea delako gure eginkizuna, eta zure eskubidea.Lagun gaitzazu bide horretan. Idatzi gurekin etorkizuna. Geroa zugan.

Martxelo Otamendi
BERRIAko zuzendaria

Izan zaitez BERRIAlaguna

Izan zaitez BERRIAlaguna

BERRIAlagunei esker eskaintzen dugu balioz osatutako informazioa. Egizu ekarpena gure eginkizunarekin segi dezagun.

Izan zaitez BERRIAlaguna