Albistea entzun

Musika. Sault 'Nine'

Londresko kaleetan barrena

Diskoetxea: Forever Living Originals.

Julen Azpitarte -

2021eko azaroak 28

Inflo ezizeneko soinu-aztiak gidatu eta ekoitzitako kolektibo britainiarraren bosgarren lana da Bederatzi hau (Nine); bi urte inguruko tartean Saultek plazaratu duen bosgarrena. Lan berri honek antzekotasun asko ditu lehenengo bi diskoekin, 5 eta 7-rekin, batez ere, grabazioaren iraupenari dagokionez, 40 minutu eskas irauten baitu. Izan ere, Untittled (Black Is) eta Untittled (Rise) askoz lan luzeagoak dira, baina bi horiek bezala, Nine-k ere gai jakin baten inguruko kontakizuna gordetzen du: Londresko kaleetan beltzek bizi dituzten gertaera latzen inguruko narrazioa, betiere, maitasunaren aldeko aldarria erabat baztertu barik. Antza denez, diskoa 99 egunetan soilik egongo da eskuragarri eta entzungarri. Hartara, interesik baduzue, azkar ibili!

Aurreko erreferentzietan bezala, Cleo Sol soul abeslariaren lanak disko osoa zeharkatzen du, —oraintsu, amatasunaren inguruko lan bikoitza kaleratu du, Mother, jakina, Inflok ekoitzia—. Hala, Alcohol doinuan bere sentiberatasun osoa zabaltzen du, soul kutsuko baladan, «O-o, alkohola, begira zer egin dudan» xuxurlatzen duen bitartean. Alkoholak auzoetan eragiten dituen tragediak gozotasunez iradokitzen ditu Solek. Diskoa ixtenduen Light's In Your Hands gospel kutsuko baladan ere nabarmen altxatzen da Cleoren ahotsa pianoaren laguntzaz. Kantuak kale ilunetako batailetatik ateratzeko argi izpia haizatzen du: «Gezur bihurtzen diren hainbeste promesa;/ ez duzu berriro hasi nahi eta norbaiti aukera bat eman». Cleok, halere, oldarkor azaltzeko gaitasuna ere erakusten du; esaterako, London Gangs abestian, non ahotsa baxu distortsionatuekin kiribiltzen den.

Diskoan agertzen den emakumezko beste ahots bat Little Simz rap zalearena da —gogoratu Inflok aurten Sometimes I Might Be Introvert bikaina ekoitzi duela—. Are You From London? doinu lasaia espazio handiko eremua da Simzek bere etorria askatzeko, haize instrumentuekin jantzita. Musikariak kalezuloetako arriskuak kontatzen ditu bizi-bizi: «Kalean hiltzaileak ezagutzen ditut, baina benetan ez naiz sartzen. Ez dugu minik eragin nahi; Baina Poliziaren soinua entzuten dugunean aktibatu egiten gara».

Soulaz eta rapaz gainera, bestelako soinu beltzen oihartzunak ere biltzen dira, Saulten disko guztietan gertatzen den legez. Hala, Trap Life abestian New York hiriko ESG taldetik edaten duen afrikanismoa antzematen da, eta Fear doinua Londresko karriketan hedatu den grime genero elektronikora hurbiltzen da, baxuak azpimarratuz.

Saultek aurretik karrikaratutako Untittled (Black Is) eta Untittled (Rise) diskotzarrak baino lan ilaunagoa da Nine, eta, hasieran entzulea harritu dezakeen arren, entzulea laster jabetuko da aurreko lanen parekoa dela. Horiek horrela, Saulten lantegian irabiatutako saltsa beltz gozagarria da bosgarren Bederatzi hau.

Sareko BERRIAzalea:

Irakurri berri duzun edukia eta antzekoak zure interesekoak badira, eskari bat egin nahi dizugu: Berria diruz babestea.

Zuk eta zure gisako sareko milaka irakurlek egindako ekarpenarekin, eduki gehiago eta hobeak sortuko ditugu. Eta, zuekin osatutako komunitateari esker, publizitateak eta erakundeen laguntzek bermatzen ez diguten bideragarritasuna lortuko dugu.

Euskarazko kazetaritza libre, ireki eta konprometitua eskaini nahi dizugu egunero; bizi zaren munduaren eta garaiaren berri ematen segitu.

Albiste gehiago

Emakume bat Rosa Valverderen hainbat kutxari begira, Donostiako San Telmo museoko laborategian jarri duten erakusketan. ©Andoni Canellada / Foku

Kaxetan bildutako mundu bat

Ainhoa Sarasola

Rosa Valverde artistak bere ibilbide osoan ondutako 52 kutxa daude ikusgai Donostiako San Telmo museoan, Arte kaxak erakusketan. Artistak askotariko objektuekin zuen harremanaren lekuko dira.

Arte eszenikoen dFeria jaialdiaren antolatzaileak eta sustatzaileak, atzo, Donostiako Viktoria Eugenia antzokian egindako aurkezpenean. ©IÑIGO URIZ / FOKU

Oreka izango du ardatz aurtengo dFeria jaialdiak

Alex Uriarte Atxikallende

Arte eszenikoen jaialdia martxoaren 14tik 17ra bitartean egingo dute, Donostiako hainbat agertokitan. Festibala hasi baino bi egun lehenago, ‘pre-feria’ izeneko egitarau berezia izango da.

Leire Vargas, Aner Peritz, Haizea Arana eta Oihana Arana, <em>Erre</em> emanaldiaren sortzaileak. ©LANKU

Kategoriak arrakalatzera

Ane Eslava

Leire Vargasek, Aner Peritzek, Oihana Aranak eta Haizea Aranak 'Erre' saioa estreinatuko dute otsailaren 5ean. Lankuk ekoitzi du

Lautan Hiru jaialdiaren antolatzaileak, gaur, Bilbon. ©Marisol Ramirez / Foku

Lautan Hiru antzerki jaialdia egingo dute laugarrenez Bilboko Zazpikaleetan

Olatz Enzunza Mallona

Euskaltzaindiak, Cafe Bar Bilbaok, Zazpi Katu gaztetxeak eta Bira kulturguneak antolatu dute egitaraua, elkarlanean, eta otsailaren 3an abiatuko da.

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.

Izan BERRIAlaguna

Zure babes ekonomikoa ezinbestekoa zaigu euskarazko kazetaritza independente eta kalitatezkoa egiten segitzeko.