Nor arduratzen da eskola publikoa zaintzeaz?

Txaro Perez, Ramón Bajo eskolako klaustroaren izenean -

2019ko irailak 18

Gasteizko eskola publiko batean gaude, Ramon Bajon. Gaur-gaurkoz, 2019ko irailaren 16 astelehenez, egoera honako hau da. 19 irakasleren langile zerrendatik (azken hamabost urtetako murritzena, nahiz eta denbora horretan ikasle kopurua bikoiztu den ia), eta umeak klasean duela bi aste baino gehiago pasatu ondoren, klaustroa ez dago osatuta administrazioak ez duelako oraindik irakasle eta erdi bat bidali zentrora. Horrek esan nahi du, gure kasuan, ez dagoela heziketa fisikoko eskolarik, ezta laguntzarik ere bi urtekoen gelan. Gainera, ordezko batzuk umeak eskolekin hasi eta egun batzuk geroago hasi dira iristen. Eta, hori gutxi balitz bezala, ez dakigu ezertxo ere jarduera-murrizketa bati buruz, ezta dagokion ordezkapenaz ere, familia-kontziliazio baterako eskatu zena hain zuzen ere.

Horrek guztiak ondorioak ditu. Ikasturte hasierako antolakuntzarekin lotutako guztia pertsona horiekin kontatu gabe egin da. Gainera, haien orduak estali behar dira, eta horrek gainontzeko irakasleen lan-karga handitzea dakar (ikasturte hasiera egoki prestatzen aritu beharko liratekeena alegia). Haur hezkuntzaren kasuan, egokitze-aldia zeharo konplikatzen da, eta familiei eskainitako zerbitzua ez da desiragarriena.

Beste eskola batzuetan antzeko egoerak gertatzen dira. Ordezkaritzara deitzeak ez du ezertarako balio: ez dute telefonoa ere hartzen. Zuzendaritza taldeek ezin dute zuzenean kontaktatu egoeraren arduradunekin. Ikuskaritzak ez du erantzunik ere ematen, kontu horren gainean erantzukizunik ez duela argudiatzen baitu.

Gure solaskide bakarra, tamalez, aplikazio informatikoa da. Ikastetxeen eta administrazioaren arteko harremanen informatizazio progresiboaren ondorioz, babesik gabe gaude, entzungo gaituen inor gabe, eta batere erantzunik gabe egunero ikastetxeetan bizi diren egoera konplexu eta anitzen aurrean. Pantailako laukitxo batean kabitzen ez denari administrazioak ez dio jaramonik egiten.

Ekainean jada, gutako askok etsita egin genuen alde, ikasturte honetan esleitu behar zizkiguten baliabide eskasengatik eta ezertxo ere ez negoziatzeko ezintasunagatik (administrazioak zentroen autonomiaren aldeko diskurtsoak egin arren; horiekin bat egiten dugu, bide batez esanda). Eta, orobat, beti bezala, eskola publikoan azken unera arte ez dagoelako jakiterik nork okupatuko dituen postuak; klaustroen urteroko aldaketa, are portzentaje handietan, normalizatu eta onartu egin dugu. Arazoa da are esleitu zizkiguten baliabide urri horiek ez direla, gaur-gaurkoz, iritsi, eta gure etsipena amorru bihurtu dela. Gutako batzuk hondamendiaren konplize eta guzti sentitzen gara, isiltasunean kolaboratzen ari garelako egoera bat estaltzeko gurea bezalako zerbitzu publiko batean onartezina izan beharko litzatekeena.

Badakigu eskola ugari egoera bertsuan daudela. Azalpen bat eman beharko luke norbaitek, gutxienez; norbaitek konpentsatu beharko luke ikasturte hasiera honetako kaosa. Norbaitek azaldu beharko liguke zer egingo duen hau guztia errepika ez dadin. Eta benetan hobeto egin nahi bada, profesionalen laguntza hartu beharko du kontuan, zuzendaritza taldeena, sindikatuena...

Nor ari da eskola publikoaz arduratzen? Benetan axola al zaio administrazioari publikoa zaintzea eta kalitatezko hezkuntza bat eskaintzea?

Goizeko buletina

BERRIAren papereko edizioaren gai nagusiak biltzen ditu egunero (astelehenetan salbu). Goizean goiz iristen da zure posta elektronikora.

Albiste gehiago

18 kasatzeman dituzt azken ordueta Zangozan. ©Iñigo Uriz/FOKU

Beste neurri batzuk hartuko dituzte Zangozan

Berria

Azken orduetan, 18 positibo atzeman dituzte han. Hego Euskal Herrian, 234 positibo izan dira.

Karpak jarri dituzt basurto ospitalearen kanpoaldean, PCR probak egiteko. ©Javier Zorrilla/EFE
Kaltzda Zahar eguneko zenroa, Bizkaian. ©Marisol Ramirez/FOKU

Eguneko zentroak irekiko dituzte gaur Araban, Bizkaian eta Gipuzkoan

Berria

Zahar etxeetako murrizketek abuztuaren 9ra arte jarraituko dute indarrean.

Hiru pertsona maskara jantzita ©Jon Urbe / FOKU

Gazte Kontseiluak sare sozialetan kanpaina bat hasi du maskarak erabiltzera deitzeko

Aloña Beraza Peña

Bi bideo egin dituzte eta sare sozialetan, telebistan eta komunikabideetan zabalduko dira.

Irakurle agurgarria:

Honaino iritsi zarenez, eskaera bat egin nahi dizugu: irakurtzen ari zaren edukia eta egunkaria babestea, konpromiso ekonomikoa hartuz. Publizitatea eta erakundeen diru-laguntzak ez dira nahikoa BERRIAren etorkizuna bermatzeko. Sarean eskaintzen dizugun edukia irakurtzen duzuen milaka irakurleek proiektuari ekarpena eginda, urrutira iritsiko ginateke.

Kazetaritza libre, ireki eta independentea egin nahi dugu euskaldunontzat. Euskaraz informatzea delako gure eginkizuna, eta zure eskubidea.Lagun gaitzazu bide horretan. Idatzi gurekin etorkizuna. Geroa zugan.

Martxelo Otamendi
BERRIAko zuzendaria

Izan zaitez BERRIAlaguna